Mateo 2:23 - Nuevo Testamento Toba Sur

²³ Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

Nuevo Testamento Toba Sombrero Negro

²³ Ca'li yovi't, yec'ata di'me noicolec jo'ne Nazaret qaedi na'ña. Naq'aeta da'me dojo' 'uo ca'li qaedi yepaquichigui ga'me jo'ne joote 'yaĝatetedac ca'li gaa'me Dios 'laqataĝanaĝanaqa queda'me Jesús qoyiyaĝanaĝatapec Nazaret le'ec qomle.

La'aqtaqa Ñim Lo'onatac 'Enauacna 2013

²³ Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Mateo 2:23 Iomraidhean Croise

Mateo 1:22

Qaq 'enauac de'eda huaigui asomayi yi'oq, cha'ayi yaqto' ipacchigui dam 'enapec co'ollaxa ñi qadataxala' mayi i'axat so l'aqtaxanaxanec 'eeta':

Mateo 21:11

Nachi som shiÿaxauapi 'eeta': –Qomyi nachiso so Jesús mayi l'aqtaxanaxanec ñi Dios, som chigaqa'ague da Nazaret mayi huaigui yi 'alhua Galilea.

Mateo 26:71

Qaq so Pedro mashi taÿa'a so lasom co'ollaq anac aso lÿa namaxashi. Nachi co'ollaq ila'a somayi, nachi asomayi 'enapego' som hueta'a so qasoxoc, 'eeta': –De'eda shiÿaxaua, damayi nataq'en nnaictague' da Jesús mayi Nazaret l'ec.

Marcos 1:24

–¿Tá'ainco' yi qomi' 'atapegueu'alo, 'am Jesús, Nazaret l'ec? ¿Qomi' 'auanaÿalo peta'a da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Marcos 1:9

Qaq se'esoua na'axa'te, nachi so Jesús nvi', chigoqta'a yi pueblo, l'enaxat Nazaret, yim huaigui yi 'alhua Galilea. Nachi so Juan nachilaxan somayi, huangui so tala Jordán.

Lucas 1:26

Qaq co'ollaq mashi inoxoodeec soua seis ca'agoxoiqa, nachi ñi Dios ÿamaxa so Gabriel yi pueblo Nazaret mayi huaigui yi 'alhua l'enaxat Galilea,

Lucas 18:37

Nachi qai'aqtaxanem somayi da Jesús, Nazaret l'ec, som nlectelec yim hueta'a somayi.

Lucas 2:39

Qaq co'ollaq mashi ime da qai'ot 'enauac nam damaxasoxoolec nam lqataxacpi ñi qadataxala', nachi soomayi ÿi'iguelaxadegue da Galilea da nqo'ooda yim lalamaxa't npueblo l'enaxat Nazaret.

Juan 18:5

Nachi somayipi 'enapeco': –Qomyi ñimitaqtaique ca Jesús mayi Nazaret l'ec. Nachi so Jesús 'enapeco': –Qomyi nachaÿim. Qaq so Judas mayi nachiso so ÿaneuo, somayi nataq'en ÿalectaigui somayipi.

Juan 18:7

Nachi so Jesús qaltaq ÿi'iguelaxalec da denataxan, 'eeta': –¿Négue't ca qanmichiitaique? Nachi somayipi 'enapeco': –Qomyi ñimitaqtaique ca Jesús mayi Nazaret l'ec.

Juan 19:19

Nachi so Pilato damaxasoxoolec da qoÿanagui na pa'ashiguem so qo'ipaq so nedec mayi 'eeta': “Jesús Nazaret l'ec, mayi lta'a na judiopi.”

Hechos 2:22

Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi.

Hechos 24:5

Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.