Mateo 19:9 - Nuevo Testamento Toba Sur

⁹ Qaq ÿoqo'oyi aÿim qami' shinapegalo da ca nalate' aca lhua, da huo'otaq sa ishit da huasoilec da nquishishaxac acamayi, nachi camayi da huo'otaq huadon, nachi ishit da qaÿamata'ac huadonaxaic. Qataq cam huadonguet aca 'alo mayi qaÿalat, nataq'en camayi qaÿamata'ac da huadonaxaic.

Nuevo Testamento Toba Sombrero Negro

⁹ Ami ja'aĝatema queda'me qom 'uo ga'me nañegue'me' jaga'me loua, qom ja naqaeda yajouaĝatem queda'me ja uayamaqai, qama'te 'uoneguet jaga'me yauo laqaya, male ena'am ta'le ch'e quejeguetaĝaic.

La'aqtaqa Ñim Lo'onatac 'Enauacna 2013

⁹ Qaq Aỹem shenapec da aca 'arhua da saishet da ncacheỹa'ai' ca lỹa ỹale, nache saishet da 'aualat qataq saishet da 'auaroneguet aca lỹa 'alo. Cha'aye da nache qonetec de'era, nache qaỹauo'o ca 'anhuaxanaguec, souaxat da 'auaroneguet aca lỹa 'alo.

Mateo 19:9 Iomraidhean Croise

Mateo 19:10

Nachi soua lapaxaguenataqa 'ena'po': –Da nachi 'eetec de'eda da lataxac ca shiÿaxaua qataq aca lhua, qaq sa ÿaÿamaxañi qone' da huadon ca shiÿaxaua.

Mateo 19:8

Qalaxayi so Jesús 'enapeco': –Qomyi souaxat da qami' ÿataqta qadamchiguilo naua qadquiyaqchilli', ÿoqo'oyi qami' ÿashiitema da qaualachi aca qadhuai. Qalaxayi so hua'auchiguiñi co'ollaxa sa ishit da nachi 'eetec de'eda.

Mateo 5:32

Qalaxayi aÿim qami' shinapegalo da huo'otaq huo'o ca shiÿaxaua da ÿalat aca lhua, da sa ishit da huasoilec da nquishishaxac, nachi camayi ÿasouaxateguet aca lhua da 'ico' nquishishaxai. Qaq cam huadonguet acam qaÿalat 'alo, camayi nataq'en qaÿamata'ac da huadonaxaic.

Lucas 16:18

Ca shiÿaxaua da huo'otaq nalate' aca lhua, ime, qaltaq huadonguet aca lÿa 'alo, nachi camayi qaÿamata'ac huadonaxaic. Qataq cam huadonguet aca 'alo mayi nalate' ca lhua, nataq'en camayi qaÿamata'ac huadonaxaic.

1 Corintios 5:1

Mashi sogote da qaÿaÿajna'a't da huo'o ñi 'oonolec da qoñiita qami' netanguilo mayi huadoota'aguet añi l'aale late'e. De'eda nadonaxac, damayi ÿataqta sa qaishitapec. Ivida'a na saxanaxa da ÿauatton ñi Dios ÿataqta sa ishitapec de'eda.

1 Corintios 7:39

Aca 'alo mashi huadon, acamayi sa ishit da qansogoñi da ladonaxac qom ña nca'altauec ca lhua. Qalaxayi ca lhua da huo'otaq mashi ileu, nachi acamayi ÿataqta huosochiguiñi da huo'otaq huadonguet ca lÿa shiÿaxaua, qalaxayi 'onaxaic da l'amqajnataxanaxaua.

1 Corintios 7:4

Aca 'alo mayi mashi huadon, acamayi sa ishit da lalamaxat da l'oquiaxac. Nachi 'en'am ca ÿale, camayi sa ishit da lalamaxat da l'oquiaxac. Cha'ayi da huadona't, nachi aca 'alo lalamaxat ca ÿale, qaq ca ÿale lalamaqte aca 'alo.