Mateo 19:29 - Nuevo Testamento Toba Sur

²⁹ Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

Nuevo Testamento Toba Sombrero Negro

²⁹ Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

La'aqtaqa Ñim Lo'onatac 'Enauacna 2013

²⁹ Nache 'enauac nam no'onaxatchigui na lma'pi, huo'otaq ca lqaỹañecpi ỹalleppi qataq 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na na'alhuapi, souaxat Aỹem, nache camaye ivi' qome ca cien nam qoỹami'pi. Nataqa'en qoỹami' dam nca'alaxa maye chochaq tatec.

Mateo 19:29 Iomraidhean Croise

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Lucas 14:26

–Sa ishit da ÿapaxaguenatac ca aÿim nau'a, da huo'otaq ÿapagaqnauec da ÿauotec ca lta'a, huo'otaq aca late'e, lhua, qataq ca llalaqpi, lqaÿañicpi ÿallippi qataq 'alpi, qataq ivida'a da maichi nachaalataxac.

Mateo 16:25

Cha'ayi ca nshitaique da maichi nca'alaxateec da nachaalataxac, qaq camayi daqat. Qalaxayi cam 'ico' ÿaqataqchit da nachaalataxac souaxat aÿim, qaq nachica ca qanca'alaxateec.

Mateo 6:33

Qaq ÿoqo'oyi qami' ÿataqta ÿacteec qome da qadqochoqoi dam l'onataxanaxac ñi Dios da ilo'ogue 'enauacna, qataq da qau'ochi cam 'eetapeguec ñimayi, nachi ishit da qauacoñiiguet nataq'en 'enauac ne'enapi.

1 Pedro 4:14

Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.

Mateo 10:22

Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.

Juan 15:19

Qami' da huo'otaq qami' lashi' ana 'alhua, nachi nam shiÿaxauapi mayi huetalec ana 'alhua, namayipi ishit da qami' ÿauoteque, 'eeta'am da 'eetec da ÿauotec nam lalamaxatpi. Qalaxayi aÿim qami' llica'agui'shi, qami' sachigoxottoiguilo nam huetalec ana 'alhua. Qaq ÿoqo'oyi namayipi ÿataqta qami' nquiÿalo, cha'ayi qami' sa ishit da qami' lashi' ana 'alhua.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Mateo 5:11

Qataq ÿataqta qauamaichiguiñi qom qami' ishiueeta'pe na shiÿaxauapi, huo'otaq da sa ishit da qami' iyacna'pe qataq da qami' ÿasaxalguete na ÿotta'a't shipegaxanaxacpi, souaxat da aÿim qoquiitague'.

1 Corintios 2:9

Qaq tachigui da 'enapec naua ñiyigui'shi l'aqtaqa ñi Dios, 'eeta': Ñi Dios ÿaqataxaatapigui' da ÿanem cam ÿauotec ñimayi da 'achiquiaxac mayi qaica ca ishit da ila'a, huo'otaq hua'axaÿa, huo'otaq da iuennatapega.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Mateo 19:16

Nachi anac so nsoq da nau'a so Jesús. Nachi inat, 'eeta': –'Am soxodaic mayi 'auapaxaguenataxaatac, ¿négue't cam so'ot ÿaÿamaqchiguiñi, da yaqto' huo'o ca ica'alaxa mayi chochaq tateec?

Mateo 13:23

Qalaxayi aso nanguishi mayi tajlec so no'on 'alhua, asomayi naigui nam shiÿaxauapi mayi n'axaÿaxana da n'aqtac, qalaq ÿataqta ÿaÿateeteguet, qaq ÿataqta no'on da alaÿaxac da qanqat. Huo'o na 'eeta'am aca nanguishi mayi ivi' ana cien ana ala, qataq huo'o ana ivi' ana sesenta, qataq huo'o ana ivi' ana treinta.

2 Corintios 5:16

Qaq ÿoqo'oyi qomi' nagui sa ishit da chochi seloqtapigui da lataxac ca shiÿaxaua da shinaqta'am nam huetalec ana 'alhua. Qaq nai'ctaxa da sogote co'ollaxa da seloqtapigui da lataxac so Cristo da shinaqta'am nam huetalecana, qalaxayi nagui sa ishit da nachi 'eetec da qadhuennataxac de'eda somayi.

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Mateo 13:8

Qalaxayi aso lÿa languishi tajlec som 'onaxaic 'alhua, nachi ÿataqta 'onaxaic da alaÿaxac co'ollaq qanqat. Huo'o ana ivi' ana cien ana ala, qataq huo'o ana ivi' ana sesenta, qataq huo'o ana ivi' ana treinta co'ollaq qanqat.

3 Juan 1:7

Cha'ayi namayipi cot da lliquiaxac da do'onataxanot so Jesucristo, qataq sa ishit da ÿaconguet da ltaunaxanaxac cam sa ishit da ÿauatton ñi Dios.

Lucas 5:11

Nachi co'ollaq mashi qaÿaueguetra soua barco, nachi imauec da qan'onaxatchiguilo, nachi qaica'ategue so Jesús.

Juan 4:36

Qaq cam daqataxaatac, camayi ÿaconguet ca nshiitenaguec. Qaq nam ala na nanguishic mayi nqattac, namayi naigui ca nca'alaxa mayi chochaq tateec, yaqto' cam danaxaatac qataq cam daqataxaatac ishit da 'eeta'a't da ntootapigui'salo.