Mateo 19:27 - Nuevo Testamento Toba Sur

²⁷ Nachi so Pedro 'enapeco': –'Am qadataxala', qomi' ñi'onaxataqchigui 'enauac nam qomi' hueto'oto, ime, nachi 'am seca'ataxague, qaq ¿chaq négue't qome ca qomi' qoÿanema?

Nuevo Testamento Toba Sombrero Negro

²⁷ Chane'eja Pedro enaac: —Qo'mi qamqa'me joote yema jepotanaq queda'me am qolaĝague. ¿Jach'e jogamaĝa qo'mi ua'ajopa qomle?

La'aqtaqa Ñim Lo'onatac 'Enauacna 2013

²⁷ Nache so Pedro 'enapeco': –'Am Qarataxala', qomi' ño'onaxataqchigui 'enauac nam qomi' hueto'oto, ime, nache 'am seca'ataxague, qaq ¿chaq negue't qome ca qaraueguec?

Mateo 19:27 Iomraidhean Croise

Mateo 19:26

Nachi so Jesús ÿamataiguilo soomayi, nachi 'enapeco': –Na shiÿaxauapi sa ishit da ÿañoxot de'eda. Qalaxayi ñi Dios mayi sa ishit da huo'o ca ÿaqalanapec.

Mateo 19:28

Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

Mateo 9:9

Qaq so Jesús co'ollaq ca'ai yi'iyi, nachi ila'a so shiÿaxaua l'enaxat Mateo. Somayi nso'ootañi, netaigui aso l'onataxanaxaqui. Nachi 'enapega, 'eeta': –Aÿim qoquegue. Nachi so Mateo ñishiguem, nachi ca'ategue somayi.

Marcos 10:28

Nachi so Pedro 'enapego' somayi, 'eeta': –'Am qadataxala', qomi' mashi ñi'onaxataqchigui 'enauac nam qomi' hueto'oto, nachi 'am seca'ataqtague'.

Marcos 2:14

Qaq co'ollaq jec, nachi ila'a so Leví som llalec so Alfeo. Somayi nso'ootañi, hueta'a aca lshiitenaxanaxaqui na shiÿaxauapi da ishiiten ca nta'a. Qaq so Jesús nachi iÿaxana somayi, 'eeta': –Aÿim 'auca'ategue qome. Nachi so Leví ñishiguem, nachi ca'ategue.

Lucas 14:33

Qaq 'eda da 'eetec da huo'o ca camachaqca 'oonolec da qoñiita da sa ishit da ÿaxaneec 'enauac nam hueto'ot, nachi camayi sa ishit da ÿapaxaguenatac.

Lucas 15:29

Nachi 'eetega so lta'a, 'eeta': “'Am 'auaÿateeta da mashi qalote' naua vi'iyi da 'am so'onataxaatacot, qataq sa ÿauango' da huo'otaq 'am sa salaxaguet. Qalaq sa ÿauango' da huo'otaq chochi 'oonolec ca aÿim 'ai'ami' quetaq llalec da yaqto' so'ot ca iqui'axac, da yaqto' ñiuana'ai' na ñauochaxauapi.

Lucas 18:28

Nachi so Pedro 'enapeco': –'Am qadataxala', qomi' mashi sogote da soqolqa'ai 'enauac nam qomi' hueto'oto, da yaqto' 'am seca'ataxague.

Lucas 5:11

Nachi co'ollaq mashi qaÿaueguetra soua barco, nachi imauec da qan'onaxatchiguilo, nachi qaica'ategue so Jesús.

1 Corintios 1:29

yaqto' sa ishit da huo'o ca n'amaqteeto'ot ñimayi.

1 Corintios 4:7

Cha'ayi ¿négue't ca 'am ÿanagui da 'anataÿaña na 'adaÿipi? ¿Negue'to' ca saq chigoqo'ot ñi Dios na 'am hueto'ot? Qaq ñimayi da 'am ÿanem na 'am hueto'ot, qaq ¿tá'ainco' yi 'an'amaqchiitac, 'eeta'amo' da 'enauac na 'am hueto'ot maichi 'ad'añaqtaguishic?

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,