Mateo 19:13 - Nuevo Testamento Toba Sur

¹³ Nachi huo'o so qanauegueu'a ñaqpiolec so Jesús, da yaqto' somayi ishit da ÿashil-lec qataq da natameelec. Qalaxayi soua lapaxaguenataqa nachi nlaqtrega nam nauectapegueuo na ñaqpiolec.

Nuevo Testamento Toba Sombrero Negro

¹³ Uo'oe ga'tae'me ñoqolqa qoyaueta ñe'me Jesús qaedi yachalo'te naa'me loua' jogaa'me nataq'aen netamelo'te; qalaĝaja jogaa'me lapaĝaguenataqa nelaĝalo ca'li jogaa'me yauedeuo.

La'aqtaqa Ñim Lo'onatac 'Enauacna 2013

¹³ Huo'o aso nate'elpi ỹauegueua'a so llalaqpi So Jesús, da yaqto' Somaye ỹashel-lec qataq da natameelec somayepi. Qalaxaye soua lapaxaguenataqa So Jesús nlaqtrega asomayepi.

Mateo 19:13 Iomraidhean Croise

Mateo 16:22

Nachi so Pedro iÿotauga somayi, nachi ÿataqta 'enapega, 'eeta': –¡'Am ÿataxala', ñi Dios ÿataqta 'am ntelaqna'aguet qome de'eda, da yaqto' sa ishit da huo'o ca qouaigui!

Mateo 19:12

Ÿotta'a't na lataxacpi mayi i'ot da sa ishit da deco'o naq'en ca shiÿaxaua. Cha'ayi huo'o na chigoqteuo da sa ishit da deco'o, qataq huo'o na chochi n'onatac da sa ishit da deco'o, qataq huo'o na maichi chigoqchigui da sa huadon, souaxat da l'onataxanaxac ñi Dios mayi neta'ague da piguem. Qaq ÿoqo'oyi cam ishit da i'ot de'eda sa'axattac, qaq no'on da i'ot.

Mateo 20:31

Nachi so shiÿaxauapi 'eetegalo soomayi da yaqto' ÿi'imaqte'. Qalaxayi soomayi qaltaq nquigaxattreec da l'alaxa'c, 'eetra': –¡'Am qadataxala' mayi 'am llalec so qadta'a David, qomi' 'auchoxode'n qome!

Hechos 2:39

Cha'ayi de'eda qaÿachaxanapec co'ollaxa, damayi qadalamaxachi nataq'en nam qai'alquiipi qataq 'enauac na ÿaqauga shiÿaxauapi laÿipi. Cha'ayi damayi qaÿauotaique da taÿot 'enauac nam iÿaxaneuga ñim qadta'a Dios mayi qadataxala'.

1 Corintios 7:14

Cha'ayi ca ÿale mayi sa da'amqajnataxan ividauga da ÿaÿamaxadeeta ñi Dios, souaxat da huadonguet aca 'amqajnataxanaxai. Qaq aca 'alo mayi sa da'amqajnataxan ividauga da ÿaÿamaxadeeta ñi Dios, souaxat da huadonguet ca 'amqajnataxanaxaic. Cha'ayi da sa ishit da nachi 'eetec de'eda, nachi da qadco'oxoqui 'eeta'am na llalaqpi na sa da'amqajnataxanpi. Qalaxayi nagui sogote da mashi ÿaÿamaxadeeta ñi Dios.