Mateo 19:11 - Nuevo Testamento Toba Sur

¹¹ Nachi so Jesús 'enapeco': –Sa ishit da 'enauac na shiÿaxauapi da ÿaÿaten de'eda sa'axattac, chaqnata nam ÿami' ñi Dios da ÿaÿaten ca lataxac de'eda.

Nuevo Testamento Toba Sombrero Negro

¹¹ Jesús 'yategueta jogaa'me: —Ja yema yaqanate't ta'le yayate'n da'me dojo', dite da'me nach'egauate' gaa'me jo'ne joote Dios yatetonaĝa'n.

La'aqtaqa Ñim Lo'onatac 'Enauacna 2013

¹¹ Nache So Jesús 'enapeco': –De'era napaxaguenataxanaxac ỹaỹateeteguet ca shiỹaxaua, maye maiche ỹami' Ñim Lo'onatac 'Enauacna da nala'aguet da saishet da huaron.

Mateo 19:11 Iomraidhean Croise

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Mateo 19:10

Nachi soua lapaxaguenataqa 'ena'po': –Da nachi 'eetec de'eda da lataxac ca shiÿaxaua qataq aca lhua, qaq sa ÿaÿamaxañi qone' da huadon ca shiÿaxaua.

Mateo 19:12

Ÿotta'a't na lataxacpi mayi i'ot da sa ishit da deco'o naq'en ca shiÿaxaua. Cha'ayi huo'o na chigoqteuo da sa ishit da deco'o, qataq huo'o na chochi n'onatac da sa ishit da deco'o, qataq huo'o na maichi chigoqchigui da sa huadon, souaxat da l'onataxanaxac ñi Dios mayi neta'ague da piguem. Qaq ÿoqo'oyi cam ishit da i'ot de'eda sa'axattac, qaq no'on da i'ot.

1 Corintios 7:17

Nai'ctaxa ca 'eetec ca lataxac ñi 'oonolec, nachica saq ÿaxaneec. Chaqdata da ilotelec da lliquiaxac cam ÿanem so qadataxala'. Da 'eetec da lataxac co'ollaq Dios iÿaxana, nachida saq ÿaxaneec. Qaq 'eda da saqattega 'enauac ana n'onaxanaxaquipi.

1 Corintios 7:2

Qalaxayi souaxat da huo'o na quetaigui da lquishiguetaxac, qaq no'on ca 'oonolec shiÿaxaua da ÿauo'o aca lalamaqte lhua, qataq aca 'alo ÿauo'o ca lalamaxat lhua.

1 Corintios 7:35

De'eda i'aqtac mayi qami' sanema, damayi maichi qanaÿamaxataxaqui, qaq sa ishit da qami' 'ico' secoñidai'salo. Chaqdata da ñishitaique da qaica ca qan'aqtaguiiqui sa ÿaÿamaxañi qataq yaqto' qaica ca qami' nqanaxa't da qoquiitague' so qadataxala'.