Mateo 18:7 - Nuevo Testamento Toba Sur

⁷ Qaq ¡ÿataqta sa ÿaÿamaxañi da huo'o nam shiÿaxauapi mayi i'oteguet ca lasouaxashit ca lÿa ana 'alhua! Qaq damayi nachi 'eetai' qome da huo'o. Qalaxayi ÿataqta ¡choxodaxaso' qome ca shiÿaxaua mayi chigoqchigui ne'ena nasouaxashitpi!

Nuevo Testamento Toba Sombrero Negro

⁷ ¡Degueja da'me lachoĝodec jena'me jiyaĝadipi yajouaĝa't gaa'me qoyejapoto nale, qaya'te yaeyaĝan ga'me qoyejapot nale! Qalaĝaja, ¡degueja da'me lachoĝodec qomle ga'me jo'ne yauegouelo da'me loe'j jogaa'me laqaya'olqa!

La'aqtaqa Ñim Lo'onatac 'Enauacna 2013

⁷ Qalota na lataxaguesat ana 'alhua da ỹo'oteguet na shiỹaxauapi da saishet da ỹalaxaguet Ñim Lo'onatac 'Enauacna, qataq qaica ca lataxac da huo'otaq qaivita'aguet. Qalaxaye ¡ỹataqta qauem da taỹa'ague cam ỹo'otec ca lỹa da sa ỹalaxaguet Ñim Lo'onatac 'Enauacna!

Mateo 18:7 Iomraidhean Croise

Mateo 16:23

Qalaxayi so Jesús nachi nchimaxañi, nachi 'enapega so Pedro, 'eeta': –¡'Am Satanás, aÿim qoca'ai! Cha'ayi 'am ÿataqta aÿim sa 'aualemaxat. 'Am sa ishit da qoneta'am da lhuennataxac ñi Dios, chaqnata nam shiÿaxauapi mayi qoneta'am.

Mateo 26:24

Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

Marcos 13:7

Qalaxayi qami' qom qau'aqÿapeguelec ca alaataxac chimaqchiguiñalo, qalaq sa ishit qome da qayi'ii, cha'ayi nachida da 'eetec qome; qalaxayi saxanaxa da ivita ca loga'tna.

Lucas 17:1

Nachi so Jesús 'enapega so lapaxaguenatacpi, 'eeta': –Aÿim saÿateeso'o' da huo'o qome ca ishit da ÿauo'o naq'en ca lasouaxashit na shiÿaxauapi, qalaxayi ¡choxodaxaso' qome que'eca shiÿaxaua mayi huo'o naq'en ca lasouaxashit ca lÿa!

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

1 Timoteo 6:1

Ca namaxashic sa ishit da huo'otaq sa ÿalaxalec ca n'aco', yaqto' sa ishit da qauem ca n'aqtaguec da l'enaxat ñi Dios qataq dam sapaxaguenataxanaqtapeguec.

Tito 2:5

nataq'en nloteec, qataq qui'itta, ÿaÿaten da ilo'ogue da lma'ÿaxac, soxodai, qataq ÿalaxaguet ca lhua, yaqto' sa ishit da qauem ca n'aqtaguec da l'aqtac ñi Dios.

Tito 2:8

Qataq na 'adapaxaguenataxanaxaco ÿataqta no'oite' naq'en, yaqto' sa ishit da huo'o ca n'aqtaguec da 'au'axattac. Nachaqdata da n'aloxon naq'en ca depa'aguenataxaatac, cha'ayi sa ishit da huo'o ca qami' ÿasaxalguete l'aqtac sa ÿaÿamaxañi.

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.