Mateo 18:15 - Nuevo Testamento Toba Sur

¹⁵ Ca 'adqaÿa da huo'otaq huo'o ca 'am i'otec sa ÿaÿamaxañi, qaq no'on da 'andote' camayi da 'au'aqtaxanem ca lsomaxac. Qaq camayi da huo'otaq 'am ÿalaxaguet, nachi 'am 'adaueguec camayi da qaichoxoden.

Nuevo Testamento Toba Sombrero Negro

¹⁵ “Qom ga'me adaqaya am 'yetec gamachaqaega ja no'en, auojapegue' ga'me qom onolec auayatenaĝanec ga'me lepatenaĝanaĝac. Qom am naquiaĝana, joote yitaĝa anaueguela't ga'me adaqaya.

La'aqtaqa Ñim Lo'onatac 'Enauacna 2013

¹⁵ Da huo'o ca 'oonolec nam Aỹem ca'attague' da 'am ỹo'otec ca qauem, qaq no'on da 'andote' camaye da 'aua'aqtaxanem ca lsomaxac. Qaq camaye da huo'otaq 'am ỹalaxaguet, nache 'am qaltaq 'araueguec camaye.

Mateo 18:15 Iomraidhean Croise

Mateo 18:14

Qaq 'eda da 'eetec nataq'en ñi qadta'ai mayi neta'ague da piguem, da sa ÿaÿamaxaden da daqat ca 'oonolec ne'ena qaica ca l'amaqchicpi.

Mateo 18:21

Nachi so Pedro inat so Jesús, 'eeta': –'Am ÿataxala', ¿chaxan lcate' da shi'iguelaxalec da sechoxoden ca i'amqajnataxanaxaua da huo'otaq huo'o ca aÿim i'otec sa ÿaÿamaxañi, peta'a siete da shi'iguelaxalec da sechoxoden?

Mateo 18:35

Nachi so Jesús 'enapeco': –Qaq 'eda qome da 'eetec naq'en da qoñiita ñi ita'a mayi neta'ague da piguem, da huo'otaq ñi 'oonolec sa ishit da ÿoqta lquiyaqteÿaxac da ichoxoden ca lqaÿa.

Romanos 12:21

Sa ishit qome da 'auauaqta'a da 'am loxonec ca sa ÿaÿamaxañi. Chaqdata da 'oxonec ca sa ÿaÿamaxañi, qalaxayi 'audolec ca ÿaÿamaqchiguiñi.

1 Corintios 8:12

Qaq da nachi qoñiitec de'eda da qauque'emaqchichi da ntounaxac ca qadqaÿa mayi qaica ca l'añaxac da lpi'iÿaxac, qaq 'en'am da nachiso so Cristo qauque'emaqchichi.

2 Corintios 7:12

Cha'ayi can settapiguiñi aso ÿide, qalaq sa ishit da ÿapacteec da icouennataxac da huo'otaq tatapigui yi iuel cam shiÿaxaua mayi i'ot ca sa ÿaÿamaxañi, huo'otaq cam huo'o ca qai'otec. Chaqdata da ñishitaique da yaqto' qauaÿajñi de'eda qadhuogoqoi souaxat da shinaqta. Qaq damayi ÿauaachigui ñi Dios.

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

Colosenses 3:13

Ñi 'oonolec da qoñiita ÿataqta nhualaxaune' ca lÿa qataq ichoxoden da huo'otaq huo'o ca ÿasouaxat. Da 'eetec so Cristo da qami' ichoxode'n, qaq nachida qau'ochi.

1 Ts 4:6

Sa ishit da huo'o ca napacapeguelec qataq ÿatenachit ca lqaÿa, cha'ayi so qadataxala' Jesús ÿataqta sa naloqnañi da nhuaxanaguec 'enauac na i'ottac de'eda. Qaq damayi sogote da qami' sovitaxanaqtegalo.

2 Ts 3:15

Qalaxayi sa ishit da 'ico' qanpa'aguenaxauai. Chaqdata da ÿataqta qauqachiÿa, qoñiiteguem ca qadqaÿai.

Tito 3:10

Da huo'o ca sa nhuojna't naq'en na 'amqajnataxanaxaicpi, camayi ÿataqta 'autaxaÿot. Qaq da 'am sa ÿalaxaguet da mashi dos 'avi'iguelaxalec da qonapega, camayi nal'en da 'auÿotauga.

1 Pedro 3:1

Nachi 'eetec nataq'en qami' 'alpi mayi mashi qauadoñi. Añi 'oonole da qoñiita ÿataqta nañanguet da ÿalaxaguet ca lalamaxat lhua, yaqto' da huo'o ca 'oonolec namayipi da huo'otaq saxanaxa da i'amaqten da n'aqtac, nachi ishit da da'amqajnataxan, souaxat da ÿauaachigui da no'on 'an'onataxac. Nachi nai'ctaxa da sa ishit da 'au'aqtaxanem camayi,