Mateo 17:12 - Nuevo Testamento Toba Sur

¹² Qalaxayi aÿim qami' shinapegalo da so Elías mashi sogote da nvi'. Qalaxayi namayipi sa ishit da ÿauatton, chaqdata da namayipi maichi qoÿoiqueetac cam qoÿiita'ac somayi. Qaq nachi 'eetec qome nataq'en na shiÿaxaua llalec da ÿataqta huo'o da nque'ejnaxac souaxat namayipi.

Nuevo Testamento Toba Sombrero Negro

¹² Qalaĝaja ami ja'aĝatema queda'me Elías joote novi', nataq'aen joga'me jiyaĝadipi ja yateto'n, dite da'me 'yedetec ñe'me yema ga'me yepaquetedapega. Qama'le nach'e naq'aeta jayem yauote qomle da'me yachoĝodec, mach'e jayem Jiyaĝaua Lec'oĝot.

La'aqtaqa Ñim Lo'onatac 'Enauacna 2013

¹² Qalaxaye Aỹem ỹataqta 'eesa de'era qami' sa'aqtaxanema da so Elías mashe sogote da nvi'. Qalaxaye na shiỹaxauapi saishet da ỹauatton, nachaqrata da maiche ỹoiqueetac cam ỹo'otec somaye. Aỹem Shiỹaxaua Llalec, nataqa'en nache 'eetec qome da Aỹem qaỹo'otec ỹoqo'oye ỹaguec da ñeque'eenaxac qome.

Mateo 17:12 Iomraidhean Croise

Mateo 11:2

Qaq so Juan mayi netaigui aso ncoñitaxanaxaqui, somayi ividau'a da ÿaÿaten 'enauac nam i'otpi so Cristo. Huaña, nachi huo'oi soua ÿama'q som quetague'pi somayi, da yaqto' nqo'ooda so Jesús,

Mateo 16:21

Qaq huaña, nachi so Jesús ÿataqta da'aqtaxaatema soua lapaxaguenataqa, 'eeta': –Aÿim saigue da Jerusalén. Qaq huaña qome yimayi, nachi na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na lqataxacpi so Moisés, namayipi ÿataqta qalota qome naq'en da ñique'ejnaxac, qataq aÿim qaÿalauat. Qalaxayi qom mashi inoxoodeec caua tres na'axa'te, nachi qaltaq ñica'aleec.

Mateo 17:11

Nachi so Jesús 'enapeco': –Aja', 'eesa da so Elías ñi'iguelaq qome, qataq da ÿaÿamaxajñi 'enauac na huetalec ana 'alhua.

Mateo 17:13

Huaña, nachi soua lapaxaguenataqa ÿaÿate'n da so Jesús detaqtega so Juan mayi nachilaxanataxanaq.

Mateo 17:22

Qaq co'ollaq ñaq huetra'a yi 'alhua Galilea, nachi so Jesús 'enapegalo' soua lapaxaguenataqa, 'eeta': –Ne'ena shiÿaxaua llalec, namayi qoÿanoigui qome na shiÿaxauapi,

Mateo 17:9

Qaq co'ollaq mashi huenotreeguesop aso saqaÿoqotchiguemec 'alhua, nachi so Jesús huaqattegalo, 'eeta': –Sa ishit qome da huo'o ca qau'axachiim de'eda qadauanaqchiqui, to' qom mashi qaltaq nca'aleec ne'ena shiÿaxaua llalec.

Mateo 21:32

Cha'ayi anac so Juan mayi nachilaxanataxanaq, da yaqto' qami' ÿapaxaguenque ca lataxac da yaqto' no'on da qadataxaqui, qalaq qami' sa ishit da qau'amaqchiñi somayi. Qalaxayi nam ÿacootapeeguet ana nshiitenaqte ca nta'a qataq nam quishiguetaxaipi i'amaqten somayi co'ollaxa. Qalaxayi qami' nai'ctaxa da qauauañiichigui 'enauac de'eda, qalaxayi ñaqaiyita da sa ishit da qai'axañiideec naua qan'onataxacolli' da yaqto' qau'amqajnataxañi.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Lucas 7:33

Cha'ayi co'ollaq anac so nachilaxanataxanaq mayi l'enaxat Juan, qalaq sa ishit da chic ca no'on nallic qataq sa nÿomgui ca lataxa, nachi qami' qoñiÿapec da somayi huo'o so l'ec leguemaxaic.

Juan 1:11

Qaq somayi anaÿa na maichi lalamaxat lma', qalaxayi na maichi lalamaxat lauo' l'ecpi sa ishit da ÿaconguet.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Hechos 7:52

Cha'ayi ¿chaq négue'to' cam l'aqtaxanaxanec ñi Dios da huo'otaq sa iuaxan som hua'au qadta'aipi? Cha'ayi somayipi nachi ÿalauat co'ollaxa som hua'auchiguiñi da i'axatta'aguet da lvidaxac som shiÿaxaua mayi no'on da lataxac. Qaq somayi co'ollaq nvi', nachi qami' qauacoñiu'a, nachi qaualauachi.