Mateo 16:24 - Nuevo Testamento Toba Sur

²⁴ Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.

Nuevo Testamento Toba Sombrero Negro

²⁴ Yem qama'le dojapegue'to jogaa'me lapaĝaguenataqa, enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, qama'le yachi jaga'me nesodoso da'me jayem equegue.

La'aqtaqa Ñim Lo'onatac 'Enauacna 2013

²⁴ Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Mateo 16:24 Iomraidhean Croise

Mateo 10:38

Qataq cam aÿim quegue da huo'otaq sa ishit da lhuennataxa da nai'ctaxa da aÿim ileetalec, nachi camayi sa ishit da ÿalamaxat.

Mateo 27:32

Qaq co'ollaq mashi qanayicot somayi, nachi qanatena'aguet so shiÿaxaua mayi lma' yi Cirene, l'enaxat Simón. Nachi qaÿaconeu'a somayi, da yaqto' ÿachi qanqoÿin so npe'enaxaqui so Jesús.

Marcos 10:21

Nachi so Jesús ÿataqta huo'o da lauochi co'ollaq ÿamato'ot somayi. Nachi 'enapego', 'eeta': –Ñaq 'oonolec da saxanaxa da 'au'ot, 'eeta': 'auesoma, 'aumen qome 'enauac na 'am hueto'ot qataq 'ai'anoigui na choxodaqpi, yaqto' huo'o qome ca 'adsallaxa da piguem. Qaq qom 'adme, nachi aÿim qoquegue, nai'ctaxa da aÿim 'auleetalec.

Marcos 15:21

Qaq huo'o so shiÿaxaua mayi lma' yi Cirene, l'enaxat Simón, som lta'a' soua Alejandro qataq Rufo. Somayi chigoqtauga na n'onaxa. Qaq somayi co'ollaq qanatena'aguet, nachi ÿachi qanqoÿin som npe'enaxaqui so Jesús.

Marcos 8:34

Nachi so Jesús iÿaxanoiguilo soua lapaxaguenataqa nataq'en na shiÿaxauapi. Nachi 'enapego', 'eeta': –Da huo'o ca nshitaique da aÿim quegue, nai'ctaxa da huo'otaq aÿim ileutalec.

Lucas 14:27

Qataq ca aÿim quegue, da huo'otaq sa ishit da lhuennataxa da aÿim ileetalec, qaq camayi sa ishit da ÿapaxaguenatac.

Lucas 23:26

Qaq co'ollaq mashi qaÿauec so Jesús da qaÿauotaique da qaiuaxaneuo, nachi qaÿaconeu'a so shiÿaxaua, l'enaxat Simón, mayi lma' yi Cirene. Somayi chigaqauga na n'onaxa. Nachi qaÿachilec somayi so npe'enaxaqui so Jesús, nachi ca'attaueegue qanqoÿin somayi.

Juan 19:17

Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota.

Juan 21:19

Qaq de'eda 'enapec so Jesús, damayi naigui da nshitaique da ÿaÿajnaxanaxanec da 'eetec qome da l-leuaxa so Pedro qataq da 'eetec da ÿi'oxoden ñi Dios. Qaq co'ollaq ime, nachi 'enapego' somayi, 'eeta': –¡Aÿim 'auca'ategue qome!

Juan 21:22

Nachi so Jesús 'enapeco': –Da aÿim ñishitaique da namayi nachi 'eetai' qome da nca'altauec, chochi ivitta'a qom aÿim ñi'iguelaq, qalaxayi ¡'auauaqta'a qome; sa ishit da 'atapegueu'a namayi! 'Am, qalaxayi aÿim qoquegue.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

1 Ts 3:3

yaqto' qaica ca 'oonolec da qoñiita da nañaxanapiguiñi da lpi'iÿaxac souaxat da que'ejnaxac. Cha'ayi qami' mashi qauaÿajñiita da nachi qoyiquiaxac da ñique'etaxanaxagui ne'ena que'ejnaxaguesat.

2 Timoteo 3:12

Qaq ÿataqta 'eesa da 'enauac na nshitaique da nañanot da quetague' so Cristo Jesús, nataq'en nque'etaxangui qome da ncanaguec.

1 Pedro 2:21

Cha'ayi nachida da huo'o mshi qami' iÿaxanalo ñi Dios. Cha'ayi so Cristo huo'o da nque'ejnaxac souaxat da qoñiita, da yaqto' qomi' ishit da qauloilec somayi, qataq qoquiitelec da lliquiaxac.