Mateo 16:19 - Nuevo Testamento Toba Sur

¹⁹ Qaq aÿim qome 'am sami' aca lvinaqte da l'onataxanaxac ñi Dios mayi neta'ague da piguem. Qaq ca 'am 'auashiita ana 'alhua, qaq camayi nataq'en qaÿashiita da piguem. Qaq ca 'am sa ishit da 'auashin, qaq camayi nataq'en sa ishit da qaÿashin da piguem.

Nuevo Testamento Toba Sombrero Negro

¹⁹ Am janema qomle ga'me lo'ol da'me qo'youategue joda'me lejaliaĝa di'me piyem; ga'me auecoñe' 'me ue'ta jena'me aleua, nach'e ena'am qoyecoñedeta't da'me daja' piyem, nataq'aen ga'me auejoye 'me ue'ta jena'me aleua, nach'e ena'am qoyejotañe da'me daja' piyem.

La'aqtaqa Ñim Lo'onatac 'Enauacna 2013

¹⁹ Qaq 'am Pedro, 'am sami' da 'ara'añaxac da qonetaigui da lo'onataxanaxac Ñim Lo'onatac 'Enauacna. Qaq 'enauac nam lataxacpi maye saishet da 'auashen ana 'alhua, qaq nataqa'en Ñim Lo'onatac 'Enauacna maye neto'ot na piguem saishet da ỹashen. Qaq nam lataxacpi maye 'auasheeta, nataqa'en Ñim Lo'onatac 'Enauacna ỹasheeta.

Mateo 16:19 Iomraidhean Croise

Mateo 18:18

Qaq ÿataqta 'eesa de'eda qami' sa'axatema, da ca qami' sa qauashiñi ana 'alhua, qalaq nataq'en da piguem sa ishit da qaÿashin. Qataq cam qami' qauashiñiita ana 'alhua, qalaq nataq'en da piguem qaÿashiita.

Juan 20:23

Qaq cam qami' qauapalaxachi na lasouaxashitpi, nachi camayi qaÿapalaxat na lasouaxashitpi. Qaq cam sa ishit da qauapalaxachi na lasouaxashitpi, nachi camayi sa ishit da qaÿapalaxat na lasouaxashitpi.

Hechos 15:7

Qaq co'ollaq mashi qaÿoqtegue da ntaxaÿaxac, nachi so Pedro nachajñi, nachi 'enapeco': –Qami' ÿaqaÿa't, qami' qauaÿajñi da ñi Dios aÿim ÿaconeu'a co'ollaxa, aÿim ÿachigoxottoigui da qoñiita, da yaqto' aÿim sa'axatem da no'on qad'axaÿaxac na sa ishit da judiopi, da yaqto' da'amqajnataxan.

2 Corintios 2:10

Qaq ÿoqo'oyi nagui cam qami' mashi qauchoxoyiñi souaxat da huo'o ca ÿasouaxat, qaq nataq'en aÿim sechoxoden camayi. Cha'ayi cam aÿim sechoxoden, da huo'otaq huo'o ca ÿasouaxat, qalaq camayi sechoxoden souaxat da qoñiita. Qaq damayi ÿauaachigui ñaq'en so Cristo,

1 Ts 4:8

Qaq ÿoqo'oyi ca n'otane' de'eda napaxaguenataxanaxac, camayi sa ishit da i'otan ca chochi shiÿaxaua deto. Cha'ayi nachiñi ñi Dios i'otan, ñim qomi' ÿanema so Espíritu Santo.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

Apocalipsis 11:6

Cha'ayi se'esoua n'aqtaxanaxanqa huo'o da l'añaxa'c, da yaqto' ÿapoyigui na piguem da sa ishit da huo'o ca auot da huo'otaq ña i'axatta'pe naua l'aqtaqa ñi Dios. Qataq nataq'en huo'o da l'añaxa'c da nañigui naq'en na 'etaxat na ntago'q, qataq da ÿauo'o da nque'ejnaxac 'enauac nam huetalec ana 'alhua, da nque'etaxangui naq'en na ÿotta'a't napaxaco. Qaq ÿataqta maichi ÿoiqueeta'pe da ÿi'iguelaqtalguete cam i'oteque naq'en namayipi.

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui:

Apocalipsis 9:1

Qaq so lÿa namaxashic piguem l'ec, can ÿashiiyigui aso lashiide, nachi sela'a aso huaqajñi mayi chigoqo'ot co'ollaxa na piguem da talec ana 'alhua. Nachi asomayi qoÿami' aso lvinaqte ca lasom cam laponqa' na leuaxaicpi.