Mateo 16:18 - Nuevo Testamento Toba Sur

¹⁸ Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.

Nuevo Testamento Toba Sombrero Negro

¹⁸ Qama'le am ja'aĝatem queda'me am Pedro ena'am ta'le am qa' let'adaic, qama'le nach'ena jenjo' qa' jo'ne jachiyoĝotetelegue qomle da'me 'ñoĝojeguem ga'me ñetamenaĝaiqui; nataq'aen yataqachiñe 'uo qomle da'me 'lañaĝac qaedi joda'me lañoqotaĝanaĝac da'me neleuaĝa ja yaqanatet ta'le nomat.

La'aqtaqa Ñim Lo'onatac 'Enauacna 2013

¹⁸ Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Mateo 16:18 Iomraidhean Croise

Mateo 10:2

Qaq 'ena na l'enaxatpi soua doce lamaxa'shi: Simón da l'enaxat lÿa Pedro, qataq so lqaÿa Andrés; Santiago qataq so lqaÿa Juan, soomayi llalqa so Zebedeo;

Mateo 11:23

Qataq 'am pueblo Capernaum, ¿'am 'aupi'itaxaatega peta'a da ÿataqta 'avido'ot na piguem? Qalaxayi 'am qañi'iguelaxajñi qome, nachi ÿataqta 'avidaña cam laponqa' na leuaxaicpi. Cha'ayi yi la ciudad Sodoma da huo'otaq huañáctaxa nam so'otpi mayi huaigui da qoñiita, nachi se'eso la ciudad ishíttaxa da ivittaiguilo naua na'axa'te mayi souaqtaiguilo.

Mateo 18:17

Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

Mateo 4:18

Qaq huo'o so na'a'q so Jesús queto'ot so loigue aso lapel late'edai mayi huaña yi Galilea. Nachi ila'alo soua dos nqaÿa't. So 'oonolec l'enaxat Simón, da l'enaxat lÿa Pedro. Qaq so lÿa, qalaq l'enaxat Andrés. Soomayi ÿasaqtrapiguiñi so lalegue'c, cha'ayi ÿi'acoxoiqa.

Mateo 7:24

Qaq ÿoqo'oyi cam ÿataqta aÿim n'axaÿaxana qataq i'ot da shiitega, qaq camayi 'eeta'am ca shiÿaxaua mayi ÿataqta ÿajnaxanaxaic mayi n'oxootelec naq'en ca coma' da n'oxooshiguem ca lma'.

Juan 1:42

Ime, nachi so Andrés ÿauec so Simón da ÿauega ca netaña so Jesús. Qaq so Jesús co'ollaq ila'aguet somayi, nachi 'enapega, 'eeta': –'Am Simón mayi 'am llalec so Jonás, nagui 'am qaÿamata'ac da 'ad'enaxat Cefas –de'eda n'enaxat naigui da Pedro, coma'.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Hechos 8:1

Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

1 Corintios 15:55

'Am nleuaxa, ¿huá'ague ca hueta'ague ca 'ad'añaxac da qomi' 'auque'emaqchi't? 'Am nleuaxa, ¿huá'ague ca hueta'ague ca qonetega 'ad'añaxac da 'auauegaxan?”

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Efesios 3:10

Qaq qoÿiitec de'eda nagui, yaqto' ishit da chigoqchigui qanqoÿin na 'amqajnataxanaxaicpi da 'enauac nam 'añaxaicpi qataq nam damaxasoxonapecpi mayi hueto'ot na piguem ishit da ÿaÿaten 'enauac na ÿotta'a't laÿajneguesat ñi Dios.

Efesios 5:32

Qaq ÿoqo'oyi de'eda sa'axattac ÿataqta lta'adaic da naigui mayi saq cha'a. Damayi i'axat da 'eetec so Cristo qataq na 'amqajnataxanaxaicpi.

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

1 Timoteo 3:5

Cha'ayi da huo'otaq sa ÿaÿaten da ilo'ogue da lma'ÿaxac, qaq ¿huá'ago' ca 'eetec da ilo'ogue na i'amaqten ñi Dios?

Hebreos 12:28

Qaq cam l'onataxanaxac ñi Dios mayi qomi' ÿanema da yaqto' qomi' nta'al, camayi sa ishit da qaÿayigot. Qaq ÿoqo'oyi sanqot qome da qan'achiquiaxac ñimayi qataq ÿataqta huo'o da qayi'iÿaxa qataq qadtelaxa da shi'oxodenaq ñimayi mayi nachida da ÿaÿamaxadeeta;

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Apocalipsis 21:14

Qaq se'eso lcopaqtaxat se'eso la ciudad, qalaq somayi n'oxootalguete qanqoÿin soua doce coma'yi. Qaq soomayi nachi nanettalguete naua l'enqa'te soua doce lamaxa'shi so qagueta llalec.