Mateo 16:16 - Nuevo Testamento Toba Sur

¹⁶ Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Nuevo Testamento Toba Sombrero Negro

¹⁶ Simón Pedro 'yateguet: —Naqa'am jo'ne Dios Liquiyac, mach'e am Lec'oĝot joñe'me Dios jo'ne nec'aletaye.

La'aqtaqa Ñim Lo'onatac 'Enauacna 2013

¹⁶ Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Mateo 16:16 Iomraidhean Croise

Mateo 1:16

Qaq so Jacob nachi llalec so José som lhua aso María mayi late'e so Jesús som l'enaxat nta'a nca'alaxaqui.

Mateo 14:33

Nachi soua netanguilo aso barco, soomayi i'adoto naua l-llicte so Jesús, nachi 'eeta': –Ÿoqta 'eesa da nachi'am mayi 'am llalec ñi Dios.

Mateo 16:15

Nachi so Jesús 'enapeco': –Qaq qami', ¿négue't ca qaupichiitega aÿim?

Mateo 26:63

Qalaxayi so Jesús sa ishit da ÿasat. Nachi so lta'a na lataxala'pi na ntaxaÿaxanaxanecpi 'enapega somayi, 'eeta': –Seÿaxanot nagui ñi Dios mayi nca'altauec da ÿauo'o qome ca 'anhuaxanaguec qom sa ishit da 'en ca 'ad'aqtac. Ñaq qomi' 'au'aqtaxanema nagui qom 'eesa da nachi'am nta'a nca'alaxaqui mayi 'am llalec ñi Dios.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

Marcos 14:61

Qalaxayi so Jesús ÿi'imaqtom, sa ishit da ÿasat. Nachi som lta'a na nataxala'pi qaltaq ÿi'iguelaxalec da inat, 'eeta': –¿Peta'a nachi'am qadta'a qadca'alaxaqui, mayi 'am llalec ñim Dios mayi qayi'oxonnatac?

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Juan 11:27

Nachi asomayi 'enapeco': –Aja', sa'amaqten, 'am ÿataxala', da nachi'am nta'a nca'alaxaqui, mayi 'am llalec ñi Dios, mayi 'am qai'axatta'aguet co'ollaxa da 'auanaÿa'a ana 'alhua.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 6:57

Ñim ita'a mayi aÿim namaq, ñimayi huo'o da lca'alaxa, nachi de'eda ica'alaxa chigoqo'ot ñimayi. Qaq nachi 'eetec nataq'en ca aÿim chic, nachi camayi aÿim ÿachigoxoto'ot da lca'alaxa.

Juan 6:68

Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Hechos 14:15

–¡Qami' ÿallippi! ¿Tá'ainco' yi nachi qoñiitec de'eda? Qomi' nachi qami' shinaqta'ama, chochi qomi' shiÿaxa'u. Qalaxayi nachida da huo'o mshi ñanaguenaq da qami' shinaqpegalo da qai'axañiiuec na chochina qaica ca naigui, nachi qoquiigue ñi Dios mayi nca'altauec, ñim l'onatac na piguem, 'alhua, auaxai qataq 'enauac na huetalecna.

Hechos 8:36

Qaq co'ollaq ivitra som huaña da huo'o na 'etaxat, nachi se'eso nta'a 'enapeco': –Ne'ena huo'o na 'etaxat, qaq ¿sa ishito' peta'a da aÿim qanachilaxan?

Hechos 8:37

Nachi so Felipe 'enapego' somayi, 'eeta': –Da ÿataqta imauec da 'adquiyaqteÿaxac da 'au'amqajnataxan, nachi ishit. Nachi se'eso shiÿaxaua 'enapeco': –Aÿim sa'amaqten so Jesucristo da nachiso so llalec ñi Dios.

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

2 Corintios 1:19

Cha'ayi so llalec ñi Dios, l'enaxat Cristo Jesús, som sa'axattac qataq soua iÿa't Silvano qataq Timoteo co'ollaq qami' souaqta'agueta, somayi sa ishit da saq ÿataxalec ca l'aqtac. De'eda n'aqtaxanaxac mayi chigoqo'ot so Cristo ÿataqta 'eesa,

2 Corintios 3:3

Qami' qoñiita'am aca nede mayi nachiso so Cristo maichi ÿidelec, ime, qaq qomi' sanaxauec. Acam nede mayi sa ishit da chochi nedaxanaxat cam qaidolec, cha'ayi nachiso som n'Espíritu ñi Dios mayi nca'altauec som dedaxan. Aca nede mayi sa ishit da 'eeta'am da nedaguec da qoÿidelec ca coma', cha'ayi nachinaua naua lquiyaqtel na shiÿaxauapi.

2 Corintios 6:16

Qataq ¿ishit peta'a da qaipa'axanoigui ca noÿic mayi huaigui da qanatamnot ñi Dios na nqolacpi? Cha'ayi qami' qoñiita'am cam lauo' ñi Dios mayi nca'altauec. Cha'ayi ñimayi nachi 'enapec, 'eeta': Sootaigui qataq salectaigui namayipi; aÿim mayi nachaÿim lta'a Dios, qaq namayipi nachi ÿalamaxatpi.

1 Ts 1:9

Cha'ayi namayipi maichi n'aqtaxaatapigui da 'eetec so hua'auchiguiñi qoyiquiaxac co'ollaq qami' souaqta'agueta. Nataq'en n'aqtaxaatapigui da qadsoxosoxonaxaqui co'ollaq qomi' qauacoñiigueta, qataq da 'eetec co'ollaq qoquiÿa'ai nam nqolacpi da qoquiigue da qau'onataxañiÿot ñim Dios mayi nca'altauec qataq sa ishit da chochi n'enaqtaguetto.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

1 Timoteo 4:10

Qaq nachida da huo'o mshi so'onataxanaqtac qataq ñi'añaxataxaguet da qanshiunaguec, cha'ayi mashi hueto'ot ñi Dios da qanaquitaxac. Ñimayi mayi nca'altauec, qataq nachiñi ñi nshitaique da nca'alaxateec 'enauac na shiÿaxauapi, qalaxayi ca da'amqajnataxan nachica ca qanca'alaxateec.

Hebreos 10:31

Qaq ¡ÿataqta lta'adaic da lchiquiaxac da lhuaqÿaxac ñi Dios mayi nachi 'eetai' da nca'altauec, da huo'otaq huo'o ca ÿaconeu'a!

Hebreos 12:22

Qalaxayi qami' qome, qalaq qanqo'oñiishiguemec aca qasoxonaxa l'enaxat Sión, yim naciudad ñi Dios mayi nachi 'eetai' da nca'altauec, yim Jerusalén mayi hueta'ague da piguem, yim hueta'a nam ÿataqta qalota namaxashic piguem l'ecpi,

Hebreos 3:12

Qami' ÿaqaÿa't, maxatchaxa qome da qoñiita da sa ishit da huo'o ca sa ÿaÿamaxañi da lquiyaqteÿaxac da nshitaique da ca'ai ñi Dios mayi nachi 'eetai' nca'altauec souaxat da sa ishit da i'amaqten ñimayi.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

1 Juan 4:15

Qaq cam 'eesa naq'en so Jesús da nachiso so llalec ñi Dios, camayi n'attau'a ñi Dios, qataq ñimayi hueta'aguet camayi.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

1 Juan 5:5

Qaq ÿoqo'oyi cam huo'o da lpi'iÿaxac so Jesús da nachiso so llalec ñi Dios, mayi nachicata ishit da loxonec na 'onataxacpi.

Apocalipsis 7:2

Nataq'en sela'a so 'oonolec namaxashic piguem l'ec chigaqa'ague da nala' lliguishiguem, qaq lasoqta'a aso l'anaxanaqte ñi Dios mayi nca'altauec. Nachi se'eso namaxashic ÿataqta nlamaxaden da 'enapegalo soua lÿa't cuatro namaxa'shi mayi qoÿanema da n'añaxac da yaqto' huo'o ca 'en'ac ana 'alhua qataq aso auaxai. 'Eeta' da l'aqtac somayi: