Mateo 16:1 - Nuevo Testamento Toba Sur

¹ Na fariseopi qataq na saduceopi nqo'ona so Jesús da ÿauotaique da ÿauo'o ca ÿachigoxotchigui lasouaxashit naq'en somayi. Nachi qaiÿaxanot somayi, da yaqto' i'ot ca n'anec sa qaÿauanapega da chigoqo'ot naq'en na piguem.

Nuevo Testamento Toba Sombrero Negro

¹ Joga'me fariseopi choqoga'me saduceopi dec'atenaĝata ca'li ñe'me Jesús nataq'aen queda'me ch'e jetaque qoyapiye'n qama'le qoyiyaĝanaque da'me qaedi yaloĝon ga'me 'nanec jo'ne chiyoĝogue di'me piyem.

La'aqtaqa Ñim Lo'onatac 'Enauacna 2013

¹ Huo'o so chegaqaigui nam fariseopi qataq na saduceopi nquigueua'a So Jesús da ỹauotaique da ỹe'eguen Somaye, nache dequictacot, 'eeta': –Sauoqtaique da 'auo'ot cam sa qaỹauanapega cam ỹa'axat da ỹoqta 'eesa da Ñim Lo'onatac 'Enauacna 'am namaq.

Mateo 16:1 Iomraidhean Croise

Mateo 12:14

Nachi so fariseopi huenoxoneec da detaxaÿapigui ca lataxac da qaÿalauat so Jesús.

Mateo 15:1

Nachi huo'o na nquigueu'a so Jesús nam fariseopi qataq nam dapaxaguenataxaatapeguec na lqataxacpi so Moisés mayi chigoqta'ague da Jerusalén. Nachi qainattac somayi, qoÿiita':

Mateo 16:6

Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Mateo 19:3

Nachi huo'o na fariseopi na nqochineu'a so Jesús da ÿauotaique da huo'o ca ÿachigoxotchigui da lasouaxashit naq'en somayi. Nachi inattac, 'eeta': –¿Peta'a ishit da qaÿashiitem ca shiÿaxaua da nalate' aca lhua da huo'otaq huo'o ca camachicague't lasouaxashit?

Mateo 22:15

Nachi nam ÿalectaigui na fariseopi jec da detaxaÿapigui ca lataxac da ÿauotaique ÿauo'o ca ÿachigoxotchigui lasouaxashit so Jesús da inat.

Mateo 22:18

Qalaxayi so Jesús ÿataqta ÿauattooteguet dam qauem lhuennataxac somayipi. Nachi 'enapega, 'eeta': –Qami' mayi qoñiitega da qami' 'eesoda, ¿tá'ainco' yi aÿim qavi'iguiñiitac?

Mateo 22:23

Qaq nachiso se'eso na'a'q da huo'o na ÿalectaigui na saduceopi na nqo'oneu'a so Jesús. Cha'ayi namayipi sa i'amaqten da qaltaq qanca'alaxateec na leuaxaicpi. Nachi namayipi inattac so Jesús, 'eeta':

Mateo 23:2

–Nam dapaxaguenataxaatapeguec na nqataxacpi qataq nam fariseopi, namayipi qoÿanagui da nachina na i'axategue da llic na lqataxacpi so Moisés.

Mateo 27:62

Qaq so lÿa na'a'q mayi mataxaqui, som pa'aiguet so na'a'q aÿamaxataxaqui, nachi so lataxala'pi na ntaxaÿaxanaxanecpi qataq so fariseopi nachi nqo'oneu'a so Pilato.

Mateo 5:20

Cha'ayi qami' shinapegalo da huo'otaq sa ishit da qanapaquiÿalec nam dapaxaguenataxanec na nqataxacpi qataq na nanettaigui na fariseopi da qau'ochi cam 'eetapeguec ñi Dios, nachi sa ishit qome da qaunoxoñiu'a da l'onataxanaxac ñi Dios mayi neta'ague da piguem da ilo'ogue 'enauacna.

Mateo 9:11

Qalaxayi nam ÿalectaigui na fariseopi co'ollaq ÿauaachigui de'eda, nachi inatta'pe soua nale't somayi, 'eeta': –¿Tá'ainco' ñim qami' ÿapaxagueeta'pe yi ishit da nhuana'ai' nam ÿacootapeeguet anam nshiitenaqte ca nta'a qataq nam 'itaxaloxoicpi?

Marcos 10:2

Nachi na fariseopi nachaateu'a somayi da qaÿauotaique da chochi huo'o qanqoÿin ca lasouaxashit. Nachi qainattac somayi da huo'otaq qaÿaÿamaxadeeta ca shiÿaxaua da nalate' aca lhua.

Marcos 12:15

Qalaxayi so Jesús ÿauattooteguet dam lli'iguenataxanaxac somayipi. Nachi 'enapega, 'eeta': –¿Tá'ainco' yi aÿim qavi'iguiñiitac? Ñaq aÿim qandoÿa aca 'oonole lcatole, da yaqto' semeten.

Marcos 12:18

Nachi qaltaq huo'o na anaÿa so Jesús nam saduceopi. Qaq namayipi 'eetega da sa ishit qome da qaltaq qanca'alaxateec na leuaxaicpi. Nachi inattac somayi, 'eeta':

Lucas 10:25

Nachi nachajñi som dapaxaguenataxaatapeguec na nqataxacpi da nqo'oneu'a so Jesús da detaxaÿapegue' da chochi ÿi'iguen. Nachi inat, 'eeta': –'Am mayi 'auapaxaguenataxaatac, ¿chaq huá'ague ca shiitec da yaqto' ishit da senoxoneu'a cam nca'alaxa mayi chochi tateec?

Lucas 11:16

Qataq huo'o na chochi ÿauotaique da ÿi'iguen, nachi iÿaxaatacot da ishit da i'ot ca n'anec mayi sa qaÿauanapega da chigoqo'ot naq'en na piguem.

Lucas 20:23

Qalaxayi so Jesús ÿauattooteguet da qauem lhuennataxac somayipi, nachi 'eeta': –¿Tá'ainco' yi chochi aÿim qauayiñiitac?

Lucas 20:27

Qaq co'ollaq ime, nachi qaltaq anac nam ÿalectaigui nam saduceopi da qanqo'oneu'a so Jesús. Namayipi 'enapec yi sa ishit da qaltaq nca'aleec na leuaxaicpi. Nachi qoÿiitega so Jesús, qoÿiita':

Juan 8:6

Qaq somayipi 'enapec de'eda, da chochi ÿi'iguen so Jesús, da yaqto' ishit da qaÿauo'o ca lasouaxashit. Nachi so Jesús nqollimñi, nachi ÿittac ana 'alhua, huota'a ana llaxaata.

Hechos 4:1

Qaq so Pedro qataq so Juan ña da'aqtaxaatrapeguem so shiÿaxauapi co'ollaq nviyi' som ltaxaÿaxanaxanecpi na shiÿaxauapi da qaitaxaÿapegue' ñi Dios, qannaictague' som lta'a nam ilotague'pi aso n'onaxanaxaqui qataq nam saduceopi.

Hechos 5:17

Nachi som lta'a na ntaxaÿaxanaxanecpi qataq na quetague' na saduceopi mayi hueta'aguet somayi ÿataqta nquiÿalo soua namaxa'shi.

1 Corintios 1:22

Na judío l'ecpi nmitta'ai da ÿauaachigui na n'anecpi mayi sa qaÿauanapega. Qaq na saq judío l'ecpi nmitta'ai da saqalota na laÿajnecpi.