Mateo 14:9 - Nuevo Testamento Toba Sur

⁹ Nachi so nta'a Herodes ÿataqta daquico. Qalaxayi mashi ÿan so l'aqtac mayi 'enapec da ipacchigui, qataq souaxat so lqui'axauapi mayi hua'aqchigui co'ollaxa somayi, nachi damaxasoxoolec da qoÿami' asomayi so iÿaxaneu'a.

Nuevo Testamento Toba Sombrero Negro

⁹ Dojo' en totelegue q'aen ñe'me jaliaĝanec Herodes; qalaĝaja queda'me joote ja yala'ac da'me ya'uo 'naĝataĝac ca'li dajo'tagueta jogaa'me lepodae's, qanach'e damaĝajoĝolegue qaedi qoyanem.

La'aqtaqa Ñim Lo'onatac 'Enauacna 2013

⁹ Nache so nta'a Herodes ỹataqta daquico. Qalaxaye mashe ỹan so la'aqtac maye 'enapec da ipacchigui, qataq souaxat so lquia'axauapi maye hua'aqchigui co'ollaxa somaye, nache damaxasoxoolec da qoỹami' asomaye so iỹaxanaua'a.

Mateo 14:9 Iomraidhean Croise

Mateo 14:1

Nachi se'esoua na'axa'te som Herodes mayi ilotague' yi Galilea, somayi ÿaÿaten da n'aqtaguec so Jesús.

Mateo 14:10

Ime, nachi damaxasoxoolec da qaiquesoxouec na lqaic so Juan, huaigui naq'en aso ncoñitaxanaxaqui.

Mateo 14:5

Nachi so Herodes huotaique da ÿalauat so Juan. Qalaxayi huo'o da lcolanaxa na shiÿaxauapi, cha'ayi namayipi 'eetega da so Juan ÿataqta 'eesa da l'aqtaxanaxanec ñi Dios.

Mateo 14:8

Nachi asomayi i'auaxaañi da inat aso late'e. Qaq co'ollaq ime da qaÿaqattega, nachi 'enapego' so Herodes, 'eeta': –Aÿim 'ai'anem qome ca nqui'axaqui, huetagui 'anqa'en ca lqaic ñi Juan mayi nachilaxanataxanaq.

Marcos 6:14

Qaq so nta'a Herodes ivido'ot da ÿaÿaten 'enauac de'eda, cha'ayi mashi ÿaÿaten 'enauac na shiÿaxauapi da n'aqtaguec so Jesús. Nachi se'eso Herodes 'enapeco': –Souaxai' nachida da Juan mayi nachilaxanataxanaq da qaltaq nca'aleec, qaq ÿoqo'oyi huo'o de'eda l'añaxac.

Marcos 6:20

Cha'ayi so Herodes ÿaÿateeta da so Juan ÿataqta no'on da lataxac, qataq qui'itta, ÿoqo'oyi ñi'iÿalec. Qaq ÿoqo'oyi somayi sa ÿashinem asomayi da huo'o ca 'ena'ac so Juan. So Herodes, nai'ctaxa da qalligueme da ÿoqta ÿaÿateetegue ca l'aqtaxanaxac so Juan, qalaxayi nachi 'en'am nqopita da n'axaÿaxana.

Marcos 6:26

Nachi so nta'a ÿataqta daquico. Qalaxayi mashi ÿan so l'aqtac da 'enapec ipacchigui, qataq hua'aqchigui co'ollaxa somayi so lqui'axauapi. Qaq ÿoqo'oyi sa ishit da illapec cam qaiÿaxaneu'a.

Lucas 13:32

Qalaxayi somayi 'enapeco': –Qauesomiÿa, qau'aqtaxañiim qome que'eca nanoicnaxaic, qoñiita': “Nagui na na'a'q qataq qoyi'oxoñi so'odauec na n'ecpi leguemaxaicpi, qataq ñataden na sa no'onpi, qaq que'eca lÿa na'a'q nachi yome.”