Mateo 14:6 - Nuevo Testamento Toba Sur

⁶ Qalaxayi co'ollaq ivita so laloqo' da deque'elec so lañoxoqui so Herodes, nachi aso llale aso Herodías dasottac, qaq 'enauac som lqui'axauapi imeteetac. Nachi so Herodes ÿataqta nqopita da lasotaxac asomayi.

Nuevo Testamento Toba Sombrero Negro

⁶ Qalaĝaja yovita jo'me nolo' lañoĝoqui ñe'me Herodes, jaga'me c'oqote jañe'me Herodías naloĝonegueta jogaa'me nepodae's da'me deualaĝai qama'le yataqachiñe 'yamaqaten ñe'me Herodes.

La'aqtaqa Ñim Lo'onatac 'Enauacna 2013

⁶ Qalaxaye co'ollaq ivita so laloqo' da deque'elec so lañoxoqui so Herodes, nache aso llale aso Herodías dasottac, qaq 'enauac som lquia'axauapi imeteetac asomaye. Nache so Herodes ỹataqta nqopita da lasotaxac asomaye.

Mateo 14:6 Iomraidhean Croise

Mateo 14:3

Cha'ayi som Herodes damaxasoxoolec co'ollaxa da qaÿaconeu'a so Juan, nachi qaicoñida't naq'en naua lhua'q, nachi qaÿauegueu'a aso ncoñitaxanaxaqui. Qaq damaxasoxoolec, cha'ayi souaxat aso lhua Herodías mayi lhua co'ollaxa so lqaÿa l'enaxat Felipe.

Mateo 14:7

Nachi ÿanem asomayi da l'aqtac mayi 'enapec da ÿataqta ipacchigui da ÿanem cam camachaqca iÿaxanaique asomayi.

Mateo 22:24

–'Am mayi 'auapaxaguenataxaatac, so Moisés co'ollaxa 'enapec da huo'otaq huo'o ca shiÿaxaua da huadon, qaq da ivita da ileu da huo'otaq qaica ca llalec, nachi ca lqaÿa ishit da qaltaq huadonguet aca lli'oxoua, da yaqto' huo'o naq'en ca llalec som lqaÿa mayi saqca.

Marcos 6:14

Qaq so nta'a Herodes ivido'ot da ÿaÿaten 'enauac de'eda, cha'ayi mashi ÿaÿaten 'enauac na shiÿaxauapi da n'aqtaguec so Jesús. Nachi se'eso Herodes 'enapeco': –Souaxai' nachida da Juan mayi nachilaxanataxanaq da qaltaq nca'aleec, qaq ÿoqo'oyi huo'o de'eda l'añaxac.

Marcos 6:17

Cha'ayi so Herodes damaxasoxoolec co'ollaxa da qaicoñi' so Juan qaÿauo'o ca lquet, qoÿanaigui aca ncoñitaxanaxaqui, souaxat aso Herodías. Asá'aso Herodías, asomayi lhua co'ollaxa so Felipe som lqaÿa so Herodes. Qalaxayi so Herodes deuotaxanec co'ollaxa da ÿauo'o lhua.

Marcos 6:19

Nachi asa'aso Herodías ÿataqta nquiÿa so Juan, nachi ÿauotaique da ÿalauat, qalaxayi sa ÿañoxot.

Marcos 8:15

Nachi so Jesús huaqattapeguelguete soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq ñi Herodes.

Lucas 13:31

Qaq nachiso se'eso na'a'q nachi nvildeuo soua chigoqdaigui na fariseopi. Nachi qai'aqtaxanem somayi, qoÿiita': –Qoca'ai qome ne'ena, ten ñi Herodes ÿauotaique damaxasoxoolec da 'am qaÿalauat.

Lucas 23:11

Nachi so nta'a Herodes qataq so nallippi ÿataqta qaÿi'inai' so Jesús, nachi qalapaxalec so npo' ÿataqta qaica ca 'en'am da lyac, 'eeta'am qanqoÿin ca nta'a. Qaq co'ollaq ime, qaltaq qaÿi'iguelaxata so Pilato.

Lucas 23:7

Qaq co'ollaq mashi qai'aqtaxanem da somayi chigaqa'ague da Galilea, nachi somayi ÿamaxa so nta'a Herodes mayi ilotague' yi 'alhua Galilea, cha'ayi somayi nataq'en hueta'a yi Jerusalén se'eso na'a'q.

Lucas 3:1

Qaq co'ollaq mashi ivi' naua quince vi'iyi da l'onataxanaxac som lta'a na nta'alpi l'enaxat Tiberio, qaq so Poncio Pilato ilotague' yi Judea, qaq so Herodes qalaq ilotague' yi Galilea, qaq so lqaÿa Felipe qalaq ilotague' yi Iturea qataq Traconítide, qaq so Lisanias qalaq ilotague' yi Abilinia.

Lucas 3:19

So Juan nataq'en ividaxato'ot so nta'a Herodes souaxat da huadonguet aso Herodías asom lhua so lqaÿa Felipe, qataq nataq'en souaxat nam laÿipi i'otpi mayi sa ÿaÿamaxañi,

Lucas 8:3

nataq'en aso Juana asom lhua so l'enaxat Cuza, som ilotague' ca lma' so Herodes. Qataq ÿalectauo aso Susana, nataq'en qalota so laÿipi 'alpi mayi detaunaxaatacot nam huo'o lalamaxatpi.

Hechos 12:1

Qaq se'esoua na'axa'te nachi so nta'a Herodes damaxasoxoolec da huo'o na qaicanapec na 'amqajnataxanaxaicpi.

Hechos 4:27

Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui.