Mateo 13:46 - Nuevo Testamento Toba Sur

⁴⁶ Qaq da huo'otaq ÿanata aca 'oonole mayi ÿataqta qalota da lashiichiÿaxac, nachi ÿi'iguelaq. Ime, qaq imen 'enauac na logoxoshitpi, nachi deshijnaxana asa'aso perla.

Nuevo Testamento Toba Sombrero Negro

⁴⁶ Ca'li yauana jaga'me onole jo'ne jalcote da'me lajo'viyaĝac, qama'le ec qaedi yemen yema ga'me yauana. Yem qama'le ecot jaga'me perla.

La'aqtaqa Ñim Lo'onatac 'Enauacna 2013

⁴⁶ Qaq da huo'otaq ỹanata aca 'oonole maye ỹataqta qalota da lashiichiỹaxac, nache ỹe'eguelaq. Ime, qaq imen 'enauac na logoxoshetpi, nache desheenaxana asomaye.

Mateo 13:46 Iomraidhean Croise

Mateo 13:44

Da l'onataxanaxac ñi Dios mayi neta'ague da piguem, damayi 'eeta'am aca laÿi' ana plata mayi qoÿoxotoigui ca 'alhua. Qaq huo'o so shiÿaxaua ilalec asa'aso laÿi' ana plata. Nachi qaltaq ÿoxojñi, ipagaqchiichiguiña ca lma'. Nachi ÿataqta lta'adaic da ntonaxac, nachi ÿi'iguelaq. Ime, nachi imen 'enauac nam logoxoshitpi, nachi deshijnaxana se'eso 'alhua.

Mateo 13:45

Da l'onataxanaxac ñi Dios mayi neta'ague da piguem, nataq'en damayi 'eeta'am ca nmenaxaic mayi nmittaique aca perla mayi ÿataqta no'on.

Mateo 13:47

Nataq'en da l'onataxanaxac ñi Dios mayi neta'ague da piguem, damayi 'eeta'am ca naleguec mayi qaÿalliguingui aca auaxai, nachi ÿataqta ÿalecta't nam lalliiguishic nÿaqpi.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Colosenses 2:3

Cha'ayi somayi nachiso so imatta't 'enauac na ÿotta'a't naÿajneguesat qataq na nauattonaxanaxacpi mayi chochaq huañi.

Apocalipsis 18:12

Nam lli'acpi mayi huo'o na chigaqaigui na oro, plata, qashilgaxadaic coma', perla, qataq na no'on hualoq mayi chigaqaigui na lino, qataq na seda, qataq na imalaqlec da ltogaxa, qataq na togaxadaic; nataq'en 'enauac na ÿotta'a't qo'ipaq ama na laita, qataq nam n'onatac mayi chigaqaigui na marfil, qataq na no'on qo'ipaq, qataq na lcat l'enaxat bronce, hierro, qataq na coma' mármol;

Apocalipsis 21:21

Qaq soua doce laso'me, qalaq ndoteec na perla. Ñi 'oonolec lasom, nachi n'onataxat na perla. Qaq so nqa'aic mayi lainguishic, qalaq ndoteec na oro, 'eeta'am na chauec mayi ÿataqta yi'oqtelec.