Mateo 13:44 - Nuevo Testamento Toba Sur

⁴⁴ Da l'onataxanaxac ñi Dios mayi neta'ague da piguem, damayi 'eeta'am aca laÿi' ana plata mayi qoÿoxotoigui ca 'alhua. Qaq huo'o so shiÿaxaua ilalec asa'aso laÿi' ana plata. Nachi qaltaq ÿoxojñi, ipagaqchiichiguiña ca lma'. Nachi ÿataqta lta'adaic da ntonaxac, nachi ÿi'iguelaq. Ime, nachi imen 'enauac nam logoxoshitpi, nachi deshijnaxana se'eso 'alhua.

Nuevo Testamento Toba Sombrero Negro

⁴⁴ “Joda'me lejaliaĝa ñe'me Dios ena'am qom qoyoĝochiñe jaga'me lae't da'me neuoyaĝac. Qama'le 'uo ga'me jiyaĝaua yejomalegue jaga'me neuoyaĝac lae't, qama'le nach'ega yacha'ña da'me yitaĝa yoĝotoue jena'me aleua. Yataqachiñe najaqachigui da'me lamaic ca'li ec qaedi yemen yema ga'me yauana. Yem qama'le ecot ga'me aleua lae.

La'aqtaqa Ñim Lo'onatac 'Enauacna 2013

⁴⁴ Da lo'onataxanaxac Ñim Lo'onatac 'Enauacna, damaye 'eeta'am aca laỹe' ana anom maye qoỹoxotoigui ca 'alhua. Qaq huo'o so shiỹaxaua ilalec asomaye. Nache qaltaq ỹoxooñi, ipagaqchiichiguiña ca lma'. Nache ỹataqta lta'araic da ntonaxac, nache ỹe'eguelaq. Ime, nache imen 'enauac nam logoxoshetpi, nache desheenaxana se'eso 'alhua, da yaqto' lalamaqte aso anom.

Mateo 13:44 Iomraidhean Croise

Mateo 13:24

So Jesús ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am ca shiÿaxaua mayi ÿataqta no'on aca languishi mayi ÿaalec ca n'alhua.

Mateo 13:46

Qaq da huo'otaq ÿanata aca 'oonole mayi ÿataqta qalota da lashiichiÿaxac, nachi ÿi'iguelaq. Ime, qaq imen 'enauac na logoxoshitpi, nachi deshijnaxana asa'aso perla.

Mateo 13:47

Nataq'en da l'onataxanaxac ñi Dios mayi neta'ague da piguem, damayi 'eeta'am ca naleguec mayi qaÿalliguingui aca auaxai, nachi ÿataqta ÿalecta't nam lalliiguishic nÿaqpi.

Mateo 19:21

Nachi so Jesús 'enapeco': –Da 'anshitaique da ÿataqta nalochiguiñi da 'adataxac, qaq no'on da qojec, nachi 'aumen 'enauac na 'am hueto'ot, qataq 'ai'anoigui na choxodaqpi, qaq yaqto' huo'o ca 'adsallaxa hueta'ague da piguem. Qaq da ime, nachi 'auanac, aÿim 'auca'ategue.

Mateo 19:27

Nachi so Pedro 'enapeco': –'Am qadataxala', qomi' ñi'onaxataqchigui 'enauac nam qomi' hueto'oto, ime, nachi 'am seca'ataxague, qaq ¿chaq négue't qome ca qomi' qoÿanema?

Mateo 19:29

Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

Mateo 6:21

Cha'ayi qami' cam hueta'ague ca qadsallaqai, nachi nataq'en hueta'ague da qadquiyaqteÿaxaqui.

Lucas 14:33

Qaq 'eda da 'eetec da huo'o ca camachaqca 'oonolec da qoñiita da sa ishit da ÿaxaneec 'enauac nam hueto'ot, nachi camayi sa ishit da ÿapaxaguenatac.

Juan 6:35

Nachi so Jesús 'enapeco': –Nachaÿim mayi aÿim pan mayi chigaqaigui da nca'alaxa. Ca aÿim nau'a, nachi sa nauane' qome na lqouaxa; qataq ca aÿim i'amaqten, nachi sa nauane' qome na laquip.

Romanos 15:4

Cha'ayi 'enauac nam l'aqtacpi ñi Dios mayi qoÿiyiñi co'ollaxa, namayipi qoÿiyiñi da qanapaxaguenaxat, yaqto' sachigoxotaqaigui da qadhualaxavic qataq qan'añaqchitaguec, da yaqto' huo'o da qanaquitaxac.

Colosenses 2:3

Cha'ayi somayi nachiso so imatta't 'enauac na ÿotta'a't naÿajneguesat qataq na nauattonaxanaxacpi mayi chochaq huañi.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.

Apocalipsis 3:18

Qaq ÿoqo'oyi nagui 'am saqata da aÿim 'auachigoxoto'ot qome da 'aushijnaxana ca ndoteec oro mayi nqachilguishic, da yaqto' ÿataqta 'am sallaxanec, qataq da 'auashijnaxanalo caua 'ogo lapagaxaiqa, da yaqto' 'auapolec da 'adsalhuaxa mayi i'ot da n'agaxa, qataq da 'aushijnaxana ca lata'q naua 'ad'ai'te, da yaqto' 'anauaañi.