Mateo 13:11 - Nuevo Testamento Toba Sur

¹¹ Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Nuevo Testamento Toba Sombrero Negro

¹¹ Jesús 'yategueta jogaa'me: “Da'me ami qamqa'me Dios ami yatetonaĝaneque ga'me ja di'yoq jo'ne lajoĝoc da'me lejaliaĝa jodi'me piyem; qalaĝaja jogaa'me ja naq'aeta.

La'aqtaqa Ñim Lo'onatac 'Enauacna 2013

¹¹ Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Mateo 13:11 Iomraidhean Croise

Mateo 13:10

Nachi soua lapaxaguenataqa nquiguedeu'a so Jesús. Nachi ina't, 'eeta': –¿Tá'ainco' da 'au'aqtaxanem na shiÿaxauapi, qalaq 'auauota'a na 'adaloqnaxanaxatpi?

Mateo 16:17

Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Mateo 19:11

Nachi so Jesús 'enapeco': –Sa ishit da 'enauac na shiÿaxauapi da ÿaÿaten de'eda sa'axattac, chaqnata nam ÿami' ñi Dios da ÿaÿaten ca lataxac de'eda.

Mateo 20:23

Nachi somayi 'enapeco': –Aja', 'eesa qami' ishit da 'ico' qanÿomiigui cam que'ejnaxac mayi saigui qataq dam chilaxac. Qalaxayi de'eda lataxac da qanso'oota'ague da aÿoic qataq da ñi'emaq, qalaq damayi sa ishit da aÿim qoÿami' da san. Cha'ayi chaqcata cam sogote da ÿaqataxaatapigui' ñi ita'a mayi nachica ca ÿanem.

Marcos 10:40

Qalaxayi da lataxac da yaqto' qanso'oota'ague na aÿoic qataq na ñi'emaq, qalaq damayi sa ishit da aÿim qoÿami' da yaqto' san. Cha'ayi nachicata cam sogote da qaÿaqataxaatapigui' mayi qoÿami' damayi.

Marcos 4:11

Nachi somayi 'enapeco': –Ñi Dios qami' ÿaÿajnaxanaxanque nam lataxacpi saq cha'a da l'onataxanaxac da ilo'ogue 'enauacna. Qaq nam laÿipi mayi pa'atauec, qalaq qaÿauota'a na naloqnaxanaxat da qai'aqtaxanem;

Lucas 8:10

Nachi somayi 'enapeco': –Ñi Dios qami' ÿaÿajnaxanaxanque nam saq cha'api lataxac da l'onataxanaxac. Qaq nam laÿipi qalaxayi sauota'a ÿaloqnaxanaxat da setaxaigui, yaqto' namayipi da demejnaxaatac qalaq 'eeta'am da sa nauaañi, qataq da hua'aqtac qalaxayi sa ÿaÿaten cam qai'axat.

Juan 6:65

Nachi 'enapeco': –Ÿoqo'oyi aÿim qami' shinapegalo co'ollaxa da qaica ca ishit da chochi aÿim nau'a da huo'otaq sa ishit da nachiñi ñi ita'a da aÿim nauegueu'a camayi.

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

Hechos 16:14

Qaq huo'o aso 'oonole 'alo, l'enaxat Lidia, chigaqa'ague co'ollaxa da la ciudad Tiatira. Qaq asomayi imeetac ana ÿataqta no'on npotoyic nauedalec na ltogaxa. Asá'aso 'alo nachi 'eetai' da quetague' ñi Dios. Nachi asomayi n'axaÿaxaatac, nachi so qadataxala' ÿauatoigui da lquiyaqteÿaxac da yaqto' ÿaconguet dam i'axattac so Pablo.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Romanos 16:25

Qaq ÿoqo'oyi nagui shi'oxodenaq qome ñi Dios ñim ishit da ÿataqta da'añi naq'en da qadpi'iÿaxaqui, da yaqto' nateeteguet naq'en dam sa'axattac n'aqtac mayi chigaqaigui da nca'alaxa qataq da napaxaguenataxanaxac mayi n'aqtaguec so Jesucristo. Cha'ayi damayi ÿataqta nateeteguet dam saq cha'a 'eetapeguec ñi Dios mayi qomi' ÿaÿajnaxanaxanque. Damayi chochi saq cha'a naq'en ñimayi co'ollaq saxanaqaca ana 'alhua.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

1 Corintios 15:51

Qalaxayi ñishitaique da qauaÿajñi de'eda saq cha'a da sa ishit da 'enauac da seleuaq, qalaxayi 'enauac qome da qomi' qanadalaxa't.

1 Corintios 2:14

Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.

1 Corintios 2:7

De'eda naÿajnec mayi sa'axataqtac, damayi naÿajnec saq cha'a mayi chigoqo'ot ñi Dios. Damayi nachida da maichi 'eetapeguec ñimayi co'ollaq saxanaqaca ana 'alhua da ÿauotaique qadca'alaxa chochaq tateec.

1 Corintios 4:1

Qaq ÿoqo'oyi qami', da qomi' qautaqÿalo, qalaq qomi' qauamachiÿa'aque da qomi' lta'u so Cristo, qataq qomi' qaipataxalguete da sapaxaguenataxanaxac da lataxac saq cha'a mayi chigoqo'ot ñi Dios.

1 Corintios 4:7

Cha'ayi ¿négue't ca 'am ÿanagui da 'anataÿaña na 'adaÿipi? ¿Negue'to' ca saq chigoqo'ot ñi Dios na 'am hueto'ot? Qaq ñimayi da 'am ÿanem na 'am hueto'ot, qaq ¿tá'ainco' yi 'an'amaqchiitac, 'eeta'amo' da 'enauac na 'am hueto'ot maichi 'ad'añaqtaguishic?

Efesios 1:18

Qataq seÿaxaatacot ñi Dios, da yaqto' i'edaxatoigui da qantounaxaqui, da yaqto' qauaÿajñiita cam qanaquitaxaqui mayi huo'o mshi qami' iÿaxanalo ñimayi, qataq yaqto' qauaÿajñi dam chochi huañi qataq qaica ca 'en'am da lli'oxoyic mayi ÿachaxanapec ñi Dios da ÿanem 'enauac nam lalamaxatpi ñimayi,

Efesios 1:9

qataq da qomi' ÿauattonaxanaxanque dam lhuennataxac mayi saq cha'a qataq dam 'eetapeguec mayi huotaique da i'ot.

Efesios 5:32

Qaq ÿoqo'oyi de'eda sa'axattac ÿataqta lta'adaic da naigui mayi saq cha'a. Damayi i'axat da 'eetec so Cristo qataq na 'amqajnataxanaxaicpi.

Efesios 6:19

Nataq'en aÿim qanqouagaxauñiitalec, yaqto' ñi Dios aÿim ÿanema naua i'aqtaqa da ivita da setaqa, qataq yaqto' aÿim qadamchigui da sa'axat dam saq cha'a co'ollaxa n'aqtaguec da nca'alaxa, da yaqto' qaÿaÿaten.

Colosenses 2:2

Qaq huo'o da ñiloquiaxac, cha'ayi ñishitaique da namayipi da'añi da lquiyaqteÿaxac, qataq ntaungui da nsoxoyic, qataq qaica ca iueetac dam aquitaxac mayi chigaqaigui da nauattonaxanaxac, da yaqto' ÿauattoota dam saq cha'a mayi ÿachaxan ñi Dios, mayi nachiso so Cristo.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

1 Timoteo 3:9

Nataq'en ÿauattoota ca saq cha'a ltaxac da qadpi'iÿaxac, qataq da lavilÿaxac ÿaÿamaqchiguiñi.

Santiago 1:5

Da huo'o ca 'oonolec da qoñiita iuen ca laÿajnec, no'on da iÿaxanot ñi Dios. Qaq ñimayi ÿami', ÿataqta sa naloqnañi. Cha'ayi ñimayi sa ishit da shimataqaic, qataq sa ÿauota'a l'aloxo ca shiÿaxaua.

1 Juan 2:20

Qalaxayi so Cristo mashi qami' ÿanema so Espíritu Santo, nachi 'enauac da qoñiita huo'o da qadauattonaxanaxaqui.

1 Juan 2:27

Qalaxayi qami' mashi qami' netanguita so Espíritu Santo mayi qami' ÿanema so Jesucristo. Qaq sa ishit da iuen da huo'o ca qami' ÿapaxague'n, cha'ayi nachiso som Espíritu qami' ÿapaxaguenque 'enauac na lataxaguesat. Qaq nam lapaxaguenataxanaxacpi somayi ÿataqta 'eesa, qaq sa ishit da saq 'en. Qaq ÿoqo'oyi nachi 'eetai' qome da qan'ayiitau'a so Cristo, cha'ayi nachiqami' ÿapaxaguenque so Espíritu.