Mateo 12:44 - Nuevo Testamento Toba Sur

⁴⁴ “Aÿim no'on da shi'iguelaxa ñi ima' mayi sachigoqtoigui caillayi.” Qaq da ivita da ñi'iguelaxa se'eso shiÿaxaua, nachi ilalec da 'eeta'am ca noÿic mayi qaica ca netaigui, qaiquelocta qataq qaÿaÿamaxatta.

Nuevo Testamento Toba Sombrero Negro

⁴⁴ «Ji'iyelaĝague di'me 'yachaqa' 'me jachiyaqa'ña quelqaya.» Qom 'viyelaĝa qama'le yauana ga'me jiyaĝaua queda'me ena'am ga'me emec qom qaya'te netaue, qoyepolequeta't nataq'aen qoyiyamaĝateta't.

La'aqtaqa Ñim Lo'onatac 'Enauacna 2013

⁴⁴ Qaq da saishet da ỹanata cam lanataqa' nache deuennataxan, 'eeta': «Aỹem no'on da she'eguelaxa ñi ima' maye sachegoqtoigui caillaye, nache qaltaq sonaigui ñimaye.» Qaq da ñe'eguelaxa, nache ilalec da qui'itchigui, qui'itta qataq qaỹaỹamaxatta.

Mateo 12:44 Iomraidhean Croise

Mateo 12:29

Cha'ayi qaica ca ishit da inoxonoigui ca lma' ca shiÿaxaua 'añaxaic da deuotaxanec na logoxotpi, da huo'otaq saxanaxa da icoñidai' camayi. Qaq chaqdata da mashi icoñidai', nachi ishit da deuotaxanec na logoxotpi.

Mateo 12:43

Ca n'ec leguemaxaic da ivita da ca'ai ca shiÿaxaua, nachi jec, huetalec ca tojlec 'alhua, nmittaique ca nmataqa'. Qaq da sa ishit da ÿanata, nachi deuennataxan, 'eeta':

Mateo 12:45

Ime, nachi ÿi'iguelaqteec da ÿi'iguena'alo soua lÿa't siete mayi ÿataqta napacalguete somayi. Huaña, nachi 'enauaque soomayi tadoigui se'eso shiÿaxaua. Huaña, nachi se'eso shiÿaxaua ÿataqta ÿacteec da aloic, saq 'en'am so hua'auchiguiñi. Qaq 'eda qome nataq'en da 'eetec ne'ena shiÿaxauapi mayi qauemaicpi.

Lucas 11:25

Qaq da ivita da ñi'iguelaxa, nachi ilalec se'eso shiÿaxaua da 'eeta'am ca noÿic ÿataqta qaiquelocta qataq qaÿaÿamaxatta.

Juan 12:6

Qaq so Judas sa ishit da 'enapec de'eda, da souaxat da huo'otaq ichoxodeetac na choxodaqpi. Cha'ayi somayi chochi cachaxaic, qataq nachiso som hueto'ot aso laÿi' ana plata, nachi somayi decachitapega anam qaÿasaqtangui asomayi.

Juan 13:2

Qaq so shiÿaxaua mayi lma'na, somayi mashi sogote da ÿachaigui da lquiyaqteÿaxac so Judas Iscariote, som llalec so Simón, da lhuennataxac da yaqto' ÿaneuo so Jesús. Qaq so Jesús, somayi ÿaÿateeta da chigoqtot ñi Dios, qataq ÿaÿateeta da ÿi'iguelaxa ñimayi, qataq da ñi lta'a ÿanem somayi 'enauac da l'añaxac. Nachi co'ollaq mashi deque'etacpi somayipi, nachi so Jesús nachajñi, nachi nqat so lapo', qataq nsaachigui so pilotaxat.

Juan 13:27

Qaq co'ollaq lcopa'a da ÿaconguet so laÿi aso pan so Judas, nachi so Satanás taigui da lquiyaqteÿaxac somayi. Nachi so Jesús 'enapego' somayi, 'eeta': –Cam 'anshitaique da 'au'ot, no'on da 'auÿalapegue' da 'au'ot.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

Efesios 2:2

mayi qoviitaigui, qataq souaxat da qoquiitague' da lataxac nam i'ottac na 'onataxacpi mayi huetalec ana 'alhua qataq qau'ochiitac na 'eetapegueguesat som saq cha'a damaxasoxonapec mayi lma'na, som i'añaqchittac nam sa ishit da ÿalaxaguet ñi Dios.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

1 Juan 4:4

Qami' ÿalqolqa, qami' lalamqa'te ñi Dios. Qaq mashi sogote da qodoxonqui ne'ena tenataxanaxaicpi, cha'ayi ñim Dios mayi qami' hueta'agueta ÿataqta 'añaxaic, qaq sa ishit da 'en'am som hueta'aguet nam quetague' na 'onataxacpi mayi huetalec ana 'alhua.