Mateo 12:27 - Nuevo Testamento Toba Sur

²⁷ Qami' qoñiitega da aÿim so'otaxaatega da l'añaxac so Beelzebú, da so'odauec na n'ecpi leguemaxaicpi. Qaq da nachi 'eetec de'eda, nachi ¿négue'to' qone' ca ÿanem da n'añaxac nam qami' quetagueto, da yaqto' i'odauec na n'ecpi? Qaq ÿoqo'oyi namayipi nachina na ichoxot da qami' qauesomiÿapec.

Nuevo Testamento Toba Sombrero Negro

²⁷ Jayem aueñiyapega jedolegue da'me lenaĝat ñe'me Beelzebú da'me jamaĝadegue joga'me payagodipi; ta'che naq'aeta da'me dojo', qama'le ¿jach'e jogamaĝa yanema da'me lañoqotaĝanaĝa'j joga'me adauegaqataqadi' qaedi yamaĝadegue jogaa'me? Qo'che' mach'egaua yaloĝo'n queda'me yataqachiñe adejomiyac.

La'aqtaqa Ñim Lo'onatac 'Enauacna 2013

²⁷ Qami' qoñiitega da so'otteguec na saqcha'a na'añaxac leguemaxaicpi da so'otaxaatega da la'añaxac so pa'aguenataxanaxaic. Qaq taxa da 'eesa de'era, nache ¿negue't ca ỹami' da la'añaxac nam qarapaxaguenataqui, da yaqto' ỹo'orauec na saqcha'a na'añaxacpi? Qaq qami' da qoñiỹapec da nacheñi Ñim Lo'onatac 'Enauacna da chegoqo'ot de'era na'añaxac, nache damaye ỹachaxan da qami' ỹataqta qausomiỹapec.

Mateo 12:27 Iomraidhean Croise

Romanos 3:19

Cha'ayi qomi' saÿajnaq da 'enauac nam 'enapec nam nqataxacpi mayi chigoqo'ot so Moisés, ÿalamaqchigui da 'enapega nam hueto'ot ne'ena nqataxacpi, da yaqto' sa ishit da huo'o ca 'eetega qaica ca ÿasouaxat, qataq yaqto' 'enauac na shiÿaxauapi ishit da huo'ot da 'eetec qom ñi Dios nmit 'enauac na shiÿaxauapi.

Lucas 11:19

Qaq da nachi 'eetec de'eda, qaq ¿négue'to' ca ÿanem nam qami' ca'attagueto ca n'añaxac da yaqto' i'odauec na n'ecpi? Qaq ÿoqo'oyi namayipi nachina na yi'oq da qami' ÿoqta qauesomiÿapec.

Lucas 19:22

Nachi som nta'a 'enapeco': “'Am nlatac qauemaic, da maichi 'ad'aqtac, nachida da sachigoxotchigui da sauo'o ca 'anhuaxanaguec. 'Am 'auaÿateetac mque' da aÿim saqadamchigui da sacona cam sa ÿalamaxat, qataq da ñaqat na ala cam saq ÿanguishic.

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Mateo 9:34

Qalaxayi nam ÿalectaigui na fariseopi 'eeta': –De'eda shiÿaxaua do'otaxaatega da l'añaxac som lataxala' nam saq cha'api da i'odauec nam n'ec leguemaxaicpi.

Mateo 10:25

Ÿoqo'oyi ca chochi napaxaguenatac ishit qome da machiguiñi da ivi' da 'eeta'am ca napaxaguenaxala', qataq cam chochi nlatac da ivi' da 'eeta'am ca n'aco'. Cha'ayi cam nataxala' cam nma' da huo'otaq qoÿiitega lataxala' na saq cha'api, qaq ¿huá'ago' ca qoÿiitec da qaitaxaÿa cam llalaqpi?