Mateo 12:26 - Nuevo Testamento Toba Sur

²⁶ Qaq nachi 'eetec nataq'en so Satanás, da huo'otaq maichi 'ico' n'ottapeguela't, nachi somayi 'eeta'am da maichi npa'agueetapeguela't. Qaq ¿huá'ago' da ishit da 'eetai' dam l'añaxac?

Nuevo Testamento Toba Sombrero Negro

²⁶ Nach'e naq'aeta qom ñe'me Satanás yamaĝaye ñe'me nach'e ena'am Satanás, mach'e nautenapega't qama'le ja nalo'ta'ajalo joga'me; ¿qo'li yaqanatet ta'le 'nañaĝatec joda'me lañoqotaĝanaĝac?

La'aqtaqa Ñim Lo'onatac 'Enauacna 2013

²⁶ Qaq nache 'eetec nataqa'en so pa'aguenataxanaxaic, da huo'otaq maiche mpa'agueeteguela't, nache maiche nlaxatteguiñi da lo'onataxanaxac.

Mateo 12:26 Iomraidhean Croise

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Mateo 9:34

Qalaxayi nam ÿalectaigui na fariseopi 'eeta': –De'eda shiÿaxaua do'otaxaatega da l'añaxac som lataxala' nam saq cha'api da i'odauec nam n'ec leguemaxaicpi.

Juan 12:31

Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua.

Juan 14:30

Qaq nagui sa ishit da qalota na sa'axat da qami' sa'axatema, cha'ayi mashi anac nam damaxasoxonapec ana 'alhua. Qalaxayi namayi sa ishit da huo'o ca l'añaxac da aÿim ÿaconeu'a.

Juan 16:11

qataq namayipi qome ÿaÿaten da ñi Dios ÿauo'o ca nhuaxanaguec, cha'ayi mashi sogote da qaÿauo'o da nhuaxanaguec som damaxasoxonapec ana 'alhua.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

Colosenses 1:13

Cha'ayi ñimayi qomi' nca'alaxateeguesopa co'ollaxa da lamaxasoxonaxac na napalaxa, huaña, nachi qomi' inoxonaqchiteu'alo da lamaxasoxonaxac so lauotaxat llalec,

1 Juan 5:19

Qaq qomi' saÿajnaqta da qomi' lalamqa'te ñi Dios, qaq nam laÿipi shiÿaxauapi mayi huetalec ana 'alhua 'enauac hueto'ot da l'añaxac so shiÿaxaua lma'na.

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Apocalipsis 16:10

Qataq jec so lÿa namaxashic da icodelec so nso'onqa' so shiguiÿac, nachi 'enauac nam ilotague' somayi ÿataqta napanñi. Nachi na shiÿaxauapi ÿataqta inaiguilo naua lachaqa'te, souaxat da nqui'ic.

Apocalipsis 9:11

Qaq asa'aso shiiquioxoi nachi lataxala' som ilotague' cam laponqa' na leuaxaicpi. Qaq se'eso nataxala', somayi l'enaxat Abadón nam l'aqtac na hebreo l'ecpi. Qaq nam griego l'ecpi, qalaq ÿamata'ac Apolión. Damayi naigui da laataxanaxaic.