Mateo 11:3 - Nuevo Testamento Toba Sur

³ da yaqto' ina't, 'eeta': –¿Peta'a nachi'am mayi 'am nta'a nca'alaxaqui mayi qoÿiitega 'auanac co'ollaxa, loqo' chaq ña seuataqtaique ca lÿa?

Nuevo Testamento Toba Sombrero Negro

³ qaedi yachimaĝadeta, enapega't: —¿Qo'li naqa'am jo'ne yataqachiñe am Dios Liquiyac 'me qoyetapega ca'li da'me auanaequena, uotaĝa maliaĝa cha'li jeuataqataque ga'me jiyaĝaua laqaya?

La'aqtaqa Ñim Lo'onatac 'Enauacna 2013

³ ¿Peta'a nache 'am maye 'am Lca'aguishec Ñim Lo'onatac 'Enauacna maye ỹachaxanapec co'ollaxa da qomi' namaxalo, huo'otaq seuataqaique ca lỹa?

Mateo 11:3 Iomraidhean Croise

Mateo 11:10

Qaq so Juan nachiso som i'axa't co'ollaxa naua ñiyigui'shi l'aqtaqa ñi Dios, mayi 'eeta': Aÿim samaq qome ca i'aqtaxanaxanec da sa'auaxangue dam 'ata'ague, da yaqto' ÿaqataxanai' ca 'anqa'aic.

Mateo 11:4

Nachi so Jesús 'enapeco': –Qauesomiÿa, qau'aqtaxañiim qome ca Juan 'enauac nam qami' qauauañiichigui qataq nam qau'aqaichigui.

Mateo 21:5

'Au'aqtaxanem qome yi la ciudad l'enaxat Sión, qoneta': “Ña 'aulo'oguet na 'adta'a, namayi 'am naÿau'a, namayi ÿataqta qaica ca l'amaqchic, netalec ana 'ashina, qataq nam 'ashinolec mayi llalec ana 'ashina mayi nachoxonaxalate.”

Mateo 21:9

Nachi nam shiÿaxauapi mayi hua'auta qataq nam nca'ataxaatauo nachi i'alaqtagui, 'eeta': –¡Huo'o da lli'oxoyic so llalec so qadta'a David! ¡Ÿataqta no'on da lliquiaxac som nactaigui da l'enaxat ñi qadataxala'! ¡Huo'o da lli'oxoyic ñi qadta'a Dios!

Marcos 11:9

Nachi nam hua'autapi, qataq nam nca'ataxaatauo, namayipi i'alaqtagui, 'eeta': –¡Huo'o da lli'oxoyic ñi Dios! ¡Ÿataqta no'on da lliquiaxac nam nactaigui da l'enaxat ñi qadataxala'!

Lucas 19:38

Nachi qoÿiita': –¡Ÿataqta no'on da lliquiaxac na qadta'a mayi nactaigui da l'enaxat ñi qadataxala'! ¡Huo'o qome da nlagaxayic na piguem, qataq da lli'oxoyic ñi Dios!

Juan 11:27

Nachi asomayi 'enapeco': –Aja', sa'amaqten, 'am ÿataxala', da nachi'am nta'a nca'alaxaqui, mayi 'am llalec ñi Dios, mayi 'am qai'axatta'aguet co'ollaxa da 'auanaÿa'a ana 'alhua.

Juan 12:13

Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita': –¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!

Juan 16:14

Qaq camayi qome ÿataqta aÿim ÿi'oxoden, cha'ayi camayi ÿaconguet nam ÿalamaxatpi, nachi qami' ÿaÿajnaxanaxanque.

Juan 4:21

Nachi so Jesús 'enapeco': –'Am 'alo, aÿim 'au'amaqten qome, ten, mashi anatai' ca laloqo' da qami' sa ishit da iuen da qanqo'oñiishiguemec aña'añi qasoxonaxa, huo'otaq yi Jerusalén, da qanatamñiÿot ñi Dios.

Juan 6:14

Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

Juan 7:31

Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Hebreos 10:37

Cha'ayi naua ñiyigui'shi l'aqtaqa ñi Dios 'eeta': Ÿataqta saqaÿaloq da anac qome cam naÿa'cna, qataq sa naÿaloxon da anac.