Mateo 11:29 - Nuevo Testamento Toba Sur

²⁹ Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Nuevo Testamento Toba Sombrero Negro

²⁹ 'Noota qom auacoñiyeguet jena'me yepiñejec jo'ne ami janema, nataq'aen 'noota qom jayem auayachiñe queda'me 'uo da'me ñapogaĝadenaĝac nataq'aen joĝodaic jena'me yeuel; nach'eda eeta da'me male 'nomategue jonaa'me adai'lidi'.

La'aqtaqa Ñim Lo'onatac 'Enauacna 2013

²⁹ Qaualaqaiguet na ỹamaxasoxonaxacpi qataq qavi'inaxache Aỹem, cha'aye Aỹem hualaxauaic qataq ỹataqta 'eesa da saishet da llateela't. Da nache qoñiitec de'era nache ishet da qauanachiỹa ca qanmataxaqui.

Mateo 11:29 Iomraidhean Croise

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Mateo 21:5

'Au'aqtaxanem qome yi la ciudad l'enaxat Sión, qoneta': “Ña 'aulo'oguet na 'adta'a, namayi 'am naÿau'a, namayi ÿataqta qaica ca l'amaqchic, netalec ana 'ashina, qataq nam 'ashinolec mayi llalec ana 'ashina mayi nachoxonaxalate.”

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Mateo 7:24

Qaq ÿoqo'oyi cam ÿataqta aÿim n'axaÿaxana qataq i'ot da shiitega, qaq camayi 'eeta'am ca shiÿaxaua mayi ÿataqta ÿajnaxanaxaic mayi n'oxootelec naq'en ca coma' da n'oxooshiguem ca lma'.

Lucas 8:35

Nachi 'enauac nam shiÿaxauapi demejnaxaneuga cam huaña de'eda. Qaq co'ollaq qaivita ca hueta'a so Jesús, nachi qailalec so shiÿaxaua mayi chigaqaigui se'eso n'ec leguemaxaicpi. Somayi nso'ootañi, neto'oto naua lchil so Jesús, ÿaatrañi soua alogo, qataq mashi ntoueeta. Nachi ÿataqta huo'o da ncolanaxa.

Juan 13:15

Aÿim qami' sachaxanalo de'eda, da yaqto' qauloilec, yaqto' qami' ishit da qauloilec da qau'ochi de'eda qami' so'oteque.

Juan 13:17

Qaq qami' da qauaÿajñiita de'eda, qataq ishit da qau'ochi, nachi ÿataqta qami' machiyiñi qome.

Hechos 7:37

Qataq nachiso se'eso Moisés so da'aqtaxanem co'olloxochiyi so Israel llalaqpi, 'eeta': “Ñi Dios qami' namaxalo qome ca l'aqtaxanaxanec, camayi maichi qadalamaxachi qadqaÿai, camayi 'eeta'am aÿim da qami' qanamaxalo. Qaq camayi ÿataqta qaualaqaileco' qome.”

1 Corintios 9:21

Qaq naxa da sootaigui na sa ishit da quetague' na nqataxacpi mayi chigoqo'ot so Moisés, nachi se'enaxat da lliquiaxac namayipi, yaqto' ishit da ñauec, nai'ctaxa da aÿim 'eesa da shictague' da lliquiaxac na lqataxacpi ñi Dios, cha'ayi mashi sooto'ot na lqataxacpi so Cristo.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

2 Corintios 10:5

da yaqto' ishit da ñilaxataxañi 'enauac nam chochi qai'ot nasouaxashitpi qataq ca machaqca npa'aguenataxanaxac mayi n'amaqten da huotaique da nqanaxat da yaqto' sa ishit da qaÿauatton ñi Dios. Qataq 'enauac nam lhuennataxacpi na shiÿaxauapi ÿataqta ñillaqañi da sanqot so Cristo, da yaqto' ÿalaxaguet somayi.

Filipenses 2:5

Qataq qoñiita'am qome da lataxac da lhuennataxac so Cristo Jesús.

1 Ts 4:2

Cha'ayi qami' mashi qauaÿajñi na qadqataxacpi mayi qami' sanaxama. Damayi sachigoxotoqo'ot so qadataxala' Jesús.

2 Ts 1:8

Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

1 Juan 2:6

Qataq ca 'eetega da n'attau'a ñi Dios, nachi camayi no'on da i'enaxatchigui da lataxac so Jesucristo.