Mateo 11:25 - Nuevo Testamento Toba Sur

²⁵ Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Nuevo Testamento Toba Sombrero Negro

²⁵ Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

La'aqtaqa Ñim Lo'onatac 'Enauacna 2013

²⁵ Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Mateo 11:25 Iomraidhean Croise

Mateo 16:17

Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Mateo 21:16

Nachi somayipi 'enapega so Jesús, 'eeta': –¿'Am peta'a 'au'aqtega da 'enapec ne'enapi? Nachi so Jesús 'enapeco': –Aja', sa'aqtega. Qalaxayi qami' ¿sa ishito' peta'a da qautaxaÿaxañi naxa da 'enapec naua ñiyigui'shi l'aqtaqa ñi Dios? Mayi 'eeta': 'Au'otec nam ñaqpiolec qataq nam ñaq lliptac da ÿataqta ÿaÿamaqchiguiñi da lli'oxonnataxanaxac.

Lucas 22:42

Nachi 'eeta': –'Am ita'a, da 'aushit, qaq no'on da sa ishit da aÿim 'apagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot ca maichi shiitapeguec, chaqcata cam qonetapeguec.

Lucas 23:34

Qaq co'ollaq mashi qaiuaxaatapegueuo so Jesús, nachi 'eeta': –'Am ita'a, 'auchoxoden qome namayipi, cha'ayi sa ÿaÿaten dam i'ottac. Nachi som huataxanaqpi nallittapiguilo soua alogo so Jesús da chaq negue't ca talguete soomayi.

Juan 11:41

Nachi qanqateec so coma'. Nachi so Jesús ÿamato'ot na piguem, nachi 'enapeco': –'Am ita'a, 'am sanot da ñi'achiquiaxac, cha'ayi 'am aÿim 'au'axaÿa.

Juan 12:27

Qaq nagui ÿataqta lta'adaic da shiita; qaq ¿chaq huá'ago' ca shiitec ca i'aqtac? ¿Peta'a shiita': “'Am ita'a, no'ónctaxa da aÿim 'anca'alaxateeguesop dam souaigui mayi aÿim naÿa'a?” Qalaxayi aÿim saÿaten da nachida da huo'o mshi ñanac.

Juan 12:28

Qaq 'am ita'a, ña 'au'ot qome ca lli'oxoyic da maichi 'ad'enaxat. Huaña, nachi qai'axaÿa so nvilÿaxac, chimqot na piguem, 'eeta': –Mashi sogote da ÿi'oxodaq ñaq'en damayi, qalaxayi nagui qaltaq shi'iguelaxalec da ÿi'oxodaq ñaq'en.

Hechos 17:24

Ñim Dios mayi l'onata ana 'alhua qataq 'enauac nam huetalec, ñimayi nachiñi ñi lalamaxat na piguem qataq ana 'alhua. Ñimayi sa ishit da netaigui ca atamnaxaqui mayi chochi l'onatac cam chochi shiÿaxaua.

1 Corintios 2:10

Qaq 'eda da qomi' ÿauattonaxanaxanque ñi Dios, chigoqchigui naq'en so Espíritu Santo, cha'ayi somayi nmittac 'enauac, qataq ivida'a da ÿaÿaten na saq cha'a 'eetapeguecpi ñi Dios.

2 Corintios 3:14

Qalaxayi somayipi qaica co'ollaxa ca lauattonaxanaxac. Qaq ñaq 'eetalec nagui naxa da qaitaxaÿaxan so hua'auchiguiñi aÿamaxataxac, qaq nachiso se'eso napoxonaxat som daqanaqtaxan da huo'o mshi sa ishit da huo'o ca qaÿaÿaten. Cha'ayi se'eso napoxonaxat sa ishit da qanqat, cha'ayi nachaqsota som Cristo mayi ishit da nqat.