Mateo 11:11 - Nuevo Testamento Toba Sur

¹¹ Qaq ÿataqta 'eesa de'eda shinapec da 'enauac nam shiÿaxauapi co'ollaxa da chigoqta'ague, chochi ivitta'a nagui, da qaica ca ishit da napacalec da l'amaqchic so Juan mayi nachilaxanataxanaq. Qalaxayi nam ÿapacteec da qaica ca l'amaqchic da huetaigui dam l'onataxanaxac ñi Dios mayi neta'ague da piguem, namayipi napacalec somayi.

Nuevo Testamento Toba Sombrero Negro

¹¹ Eja ami ja'aĝatema queda'me Juan 'me chilaĝanataĝanaĝaic nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue ñe'me Juan.

La'aqtaqa Ñim Lo'onatac 'Enauacna 2013

¹¹ Qaq ỹataqta 'eesa de'era shenapec da 'enauac nam shiỹaxauapi co'ollaxa da chegoqta'ague, choche ivitta'a nagui da qaica ca ishet da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui dam lo'onataxanaxac Ñim Lo'onatac 'Enauacna, nagui qataq dam taỹa'ague namayepi napacalec somaye.

Mateo 11:11 Iomraidhean Croise

Mateo 11:10

Qaq so Juan nachiso som i'axa't co'ollaxa naua ñiyigui'shi l'aqtaqa ñi Dios, mayi 'eeta': Aÿim samaq qome ca i'aqtaxanaxanec da sa'auaxangue dam 'ata'ague, da yaqto' ÿaqataxanai' ca 'anqa'aic.

Mateo 11:12

Qaq chigoqta'a co'ollaq nvi' so Juan mayi nachilaxanataxanaq, qaq chochi ivitta'a nagui, da de'eda l'onataxanaxac ñi Dios mayi neta'ague da piguem da ÿataqta huo'o da ncogaxanataguec; qaq nam do'onataxaatega da yi'oqchigui l'añaxac, namayipi nshitaique da deuotaxanec damayi.

Mateo 3:1

Qaq co'ollaq mashi qaÿoqteguelo soua vi'iyi, nachi so nachilaxanataxanaq l'enaxat Juan anac da da'aqtaxaatapeguelec yi tojlec 'alhua mayi huaña yi Judea.

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

Mateo 5:19

Qaq ÿoqo'oyi ca sa ishit da ÿalaxaguet ca 'oonolec ne'ena nqataxacpi, nai'ctaxa da huo'otaq ÿapacteec saq 'amaqtaq, nachi camayi da ÿapaxaguenec na laÿipi da sa ÿalaq, qaq nachica ca ÿapacteec qaica ca l'amaqchic qanqoÿin qom qanayiitaigui da l'onataxanaxac ñi Dios mayi neta'ague da piguem da ilo'ogue 'enauacna. Qalaxayi cam ÿataqta ÿalaxaguet na nqataxacpi, qataq ÿapaxaguen ca lÿa da yaqto' ÿalaq, qaq nachica qome ca ÿataqta 'amaqtaq qanqoÿin qom qanayiitaigui da l'onataxanaxac ñi Dios mayi neta'ague da piguem.

Lucas 1:15

cha'ayi que'eca 'ai'alec camayi ÿataqta 'amaqtaqaic qome naq'en ñi Dios. Camayi sa ishit qome da nÿomgui na ÿotta'a't lataxa, qataq ÿataqta nlaqchigui so Espíritu Santo qom saxanaxa da ñiguiñi.

Lucas 7:28

Qami' sa'aqtaxanema da 'enauac na shiÿaxauapi qaica da huo'o ca l'aqtaxanaxanec ñi Dios da napacalec da l'amaqchic so Juan mayi nachilaxanataxanaq. Qalaxayi nam ÿapacteec da qaica ca l'amaqchic da huetaigui da l'onataxanaxac ñi Dios, nachina na ÿataqta napactelec somayi.

Lucas 9:48

Nachi 'enapeco': –Ca ÿaconguet ne'ena nogotolec souaxat da aÿim i'amaqteetac, qaq nachaÿim mayi aÿim ÿaconguet. Qaq ca aÿim ÿaconguet, qaq nataq'en ÿaconguet ñim aÿim namaq. Cha'ayi ca ÿapacteec qaica ca l'amaqchic 'enauac da qoñiita, qaq nachica ca ÿacteec da l'amaqchic.

Juan 1:15

Qaq so Juan i'axattac co'ollaxa somayi, 'eeta': –'Eda da aÿim sa'axatta'aguet co'ollaq shiita': “Huo'o ca aÿim nca'attaueegue, qaq que'eca aÿim nca'attaueegue, ca mayi aÿim napacalec, cha'ayi nal'ena da huo'o co'ollaq saxanaqca aÿim.”

Juan 1:27

damayi aÿim nca'attalec, qaq nai'ctaxa da damayi nal'ena da huo'o co'ollaq saxanaxa da aÿim huo'o. Qataq sa ishit da yalou'a da ñaqa't naua lapela'te lque'te.

Juan 10:41

Nachi ÿataqta qalota na shiÿaxauapi na tauga ca hueta'a somayi. Nachi namayipi 'enapeco': –Ÿoqta 'eesa co'ollaxa da so Juan sa ishit da huo'o ca i'ot n'anec mayi sa qaÿauanapega, qalaxayi 'enauac co'ollaxa na i'axat, can i'axatta'aguet ñi'iñi shiÿaxaua, ÿataqta ipacchigui.

Juan 3:30

Qaq camayi mayi taÿa'a da nquictashiguem da l'amaqchic, qaq aÿim qalaxayi nquictañi da i'amaqchic.

Juan 5:35

So Juan, somayi 'eeta'am aca ncoÿadaxanaxaqui mayi 'ettaigui. Nachi qami' co'ollaxa ÿataqta qantoñiitapeguec de'eda lcoÿadaxanaxac, qalaxayi sa qaÿauec da qantonaxaqui.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

1 Corintios 6:4

Cha'ayi da huo'otaq huo'o ca 'eeta'am de'eda cotaxac qami' huelguete, qaq ¿tá'ainco' yi qauÿaxañiÿa cam sa ishit da taÿapegueu'a na 'amqajnataxanaxaicpi da ÿaÿamaxajñi?

Efesios 2:3

Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

2 Timoteo 1:10

Qaq de'eda lsoxoyic ñi Dios ÿachaxan nagui, qalaxayi nactaigui naq'en da lliquiaxac so qadca'alaxaqui Jesucristo mayi deuotaxanec co'olloxochiyi da l'añaxac da nleuaxa, qataq damaxasoxoolec da qai'axat da n'aqtac mayi chigaqaigui da nca'alaxa. Qaq nachida da yi'oq naq'en da nca'alaxa mayi sa ishit da qanlaxajñi.

Hebreos 11:40

cha'ayi ñimayi huo'o cam ÿacteec da lyaquiaxac mayi ÿaqataxaatapigui'. Cha'ayi ñimayi tachigui yi lauel da shinaqta, yaqto' se'eso shiÿaxauapi ishit da qadÿateuo qom inoxoneu'a da ÿataqta naloqchiichiguiñi da nachaalataxac.

1 Pedro 1:10

Som hua'a'u vi'iyi so l'aqtaxanaxanecpi ñi Dios co'ollaxa ÿataqta nmittac qataq ichimaxattega ca llic de'eda nca'alaxa, qataq somayipi i'axattac da lqouagaxanaqtaic ñi Dios mayi nshitaique da qami' ÿanema.