Mateo 10:5 - Nuevo Testamento Toba Sur

⁵ So Jesús ÿama'q soua doce lapaxaguenataqa, qaq ÿanema da l'aqtac, 'eeta': –Sa ishit qome da qanqo'oñiÿalo na 'ale'u mayi netalguete nam sa ishit da judiopi. Qataq sa ishit qome da qanqo'oñiu'a nam pueblopi mayi huaigui yi Samaria.

Nuevo Testamento Toba Sombrero Negro

⁵ Jesús yama' naa'me naajo' doce jo'ne eetojo' da'me yaqataĝaneque: “Ena'te auec'achiya di'me 'naleua joga'me ja judiopi uotaĝa ta'le ayouelo joga'me noyaqa 'me neda'ña di'me Samaria.

La'aqtaqa Ñim Lo'onatac 'Enauacna 2013

⁵ So Jesús ỹama'q soua doce lapaxaguenataqa, qaq ỹanema da lqataxac, 'eeta': Saishet qome da qanqo'oñiỹalo na 'aleu' maye netaleguete nam saishet da judiopi. Nataqa'en saishet qome da qanqo'oñiiua'a nam nỹecpi maye huaigui ye 'alhua Samaria.

Mateo 10:5 Iomraidhean Croise

Mateo 22:3

Nachi ÿamaq so lamaxashicpi da icoyiguen 'enauac so lqui'axauapi. Qalaxayi somayipi sa ishit da huo'o ca anac.

Mateo 4:15

Qaq 'am 'alhua mayi 'am lalamaxat na llalaqpi so Zabulón qataq so Neftalí, qataq 'am nqa'aic mayi 'anlectelec aso auaxai mayi 'aupa'aigue da nala' lliguishiguem yi tala Jordán. 'Am Galilea mayi netalec nam sa ishit da judiopi.

Marcos 6:7

Qaq co'ollaq ime, nachi iÿaxanoiguilo soua doce lapaxaguenataqa, nachi ÿama'q, dostega't naq'en. Nachi ÿanema soomayi da l'añaxa'c da yaqto' i'oldauec na n'ecpi leguemaxaic.

Lucas 10:1

Qaq co'ollaq ime de'eda, nachi so qadataxala' nataq'en lca'au'a so laÿipi setenta, nachi ÿamaq, qalaxayi dostega't naq'en, da i'auaxana 'enauac na pueblopi qataq naua 'ale'u mayi tata'alo somayi.

Lucas 10:33

Qaq anaco' so shiÿaxaua mayi lma' yi Samaria, nataq'en quetague' se'eso nqa'aic. Qaq co'ollaq ila'a, nachi ÿataqta huo'o da lchoxonnataxanaxa.

Lucas 17:16

Nachi i'adoto naua l-llicte so Jesús, ÿataqta ividaxata'aguet naq'en na latap na 'alhua, nachi ÿaatacot da n'achic somayi. Qaq se'eso shiÿaxaua somayi l'ec yi Samaria.

Lucas 9:1

Qaq huo'o so na'a'q nachi so Jesús lapona't so doce lapaxaguenatacpi, nachi ÿanem da n'añaxac qataq da namaxasoxonaxac, da yaqto' ishit da i'odauec na n'ec leguemaxaicpi, qataq yaqto' ishit da nataden na ÿotta'a't nalolaxacpi.

Lucas 9:2

Ime, nachi ÿamaxalec somayipi da i'axat da ñi Dios nachiñi ñi ilo'ogue 'enauacna, qataq ÿamaxalec somayipi da nataden 'enauac na sa no'onpi.

Juan 17:18

Qaq de'eda 'eetec da aÿim 'anamaxa na huetalec ana 'alhua, qaq nachida da shiitec nataq'en da aÿim samaxa namayipi nam huetalec ana 'alhua.

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Juan 4:20

Qaq som hua'au qadta'alpi co'ollaxa mayi lma' na Samaria, somayipi co'ollaxa da natamnot ñi Dios, qalaq hualec naq'en aña'añi qasoxonaxa. Qalaxayi qami' judío lashi' qoñiÿapec da nachiyi yi Jerusalén yim huaña da qomi' ñatamnaqot ñi Dios.

Juan 4:5

Qaq co'ollaq ivita so pueblolec yim Samaria, l'enaxat Sicar, somayi sa qaÿapeque som 'alhua mayi ÿami' co'olloxochiyi so Jacob so llalec José.

Juan 4:9

Nachi aso 'alo mayi lma' yi Samaria 'enapeco': –¿Tá'ainec 'am, yi 'am judío l'ec, qalaqca da ishito' da aÿim 'auÿaxanot ca 'adaquip, yi aÿim Samaria lashi? (Cha'ayi nam judío l'ec yi sa ishitaxat da detaxaÿapegue' nam l'ec yi Samaria.)

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

Juan 8:48

Nachi na judiopi 'eetega somayi, 'eeta': –Qomi' ÿataqta 'eesa de'eda qad'aqtac co'ollaq shinaqtac da chochi 'am Samaria l'ec qataq huo'o ñi 'ad'ec leguemaxaic.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Hechos 10:45

Nachi som 'amqajnataxanaxaiqa judío lashi' mayi nnaictagueto so Pedro, soomayi ÿataqta huo'o da l'aalaqa' da so Espíritu Santo nataq'en ishit da qoÿanem nam sa ishit da judío l'ecpi.

Hechos 8:1

Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.