Mateo 10:4 - Nuevo Testamento Toba Sur

⁴ Simón som chigaqaigui co'ollaxa ana l'enaxat cananista; qataq so Judas Iscariote som ÿaneuo co'ollaxa so Jesús.

Nuevo Testamento Toba Sombrero Negro

⁴ Simón jo'ne celote, nataq'aen Judas Iscariote, jo'ne ua'edi yanegue ñe'me Jesús.

La'aqtaqa Ñim Lo'onatac 'Enauacna 2013

⁴ Simón som chegaqaigui nam dataỹa'aguet naxa na nta'alpi qataq so Judas Iscariote som ỹaneuo co'ollaxa So Jesús.

Mateo 10:4 Iomraidhean Croise

Mateo 26:14

Nachi so 'oonolec soua doce lapaxaguenataqa, l'enaxat Judas Iscariote, somayi jec da detaxaÿapegue' som lataxala' na ntaxaÿaxanaxanecpi da qaitaxaÿapegue' ñi Dios.

Mateo 26:15

Nachi 'enapego' somayi, 'eeta': –¿Chaq négue't aca aÿim qai'añiim, da aÿim qami' saneu'alo ñi Jesús? Nachi somayipi ÿanem somayi aso treinta lcatpiole mayi chigaqaigui na plata.

Mateo 26:2

–Qami' qauaÿajñi da qom inoxoodeec ne'enaua dos na'axa'te, nachi nnoxoneuo ca na'a'q mayi huetoigui da qaiuennate so na'a'q co'ollaq qanayica'ai yi Egipto. Nachi na shiÿaxaua llalec qome qoÿaneuo, da yaqto' qaiuaxaneuo.

Mateo 26:47

Qaq so Jesús ña detaqtac co'ollaq mashi nvi' so Judas, som 'oonolec soua doce lapaxaguenataqa. Qaq somayi ÿataqta qalota so nnaictague' shiÿaxauapi, nachitac na lainecpi qataq na nponpi. Somayipi nachi lamaxashicpi som lataxala' na ntaxaÿaxanaxanecpi da qaitaxaÿapegue' ñi Dios, qataq nam lquedoxonecpi na judiopi.

Mateo 27:3

Qaq so Judas mayi nachiso so ÿaneuo so Jesús, co'ollaq ila'a da qoÿanguet da nalaataguec somayi, nachi ÿataqta lta'adaic da ntoguetaxac. Nachi ÿi'iguelaxa't soua treinta lca'chole mayi chigaqaiguilo na plata, ÿi'iguelaxateu'alo som lataxala'pi na ntaxaÿaxanaxanecpi qataq som nquedoxonecpi.

Marcos 14:10

So Judas Iscariote som 'oonolec soua doce napaxaguenataqa, somayi nqo'oneu'a da detaxaÿapegue' na lataxala'pi na ntaxaÿaxanaxanecpi da ÿauotaique da ÿaneu'a namayipi so Jesús.

Marcos 14:43

Qaq ña detaqtac so Jesús co'ollaq nvi' so Judas mayi nachiso som 'oonolec soua doce lapaxaguenataqa. Qaq ÿataqta qalota so shiÿaxauapi nnaictague', somayipi huota'a na lainecpi qataq na nponpi qo'ipaq. Qaq somayipi nachi lamaxashic nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi qataq na nquedoxonecpi.

Lucas 22:3

Nachi so Satanás inoxonoigui so Judas, da l'enaxat lÿa Iscariote. Somayi nachiso so 'oonolec soua doce lamaxa'shi.

Lucas 22:47

Qaq ña detaqtac so Jesús co'ollaq nvi' so ÿataqta qalota shiÿaxauapi. Qaq qanatataueegue so l'enaxat Judas, som 'oonolec so doce lapaxaguenatacpi. Nachi somayi nquigueu'a so Jesús da napigoq.

Juan 13:2

Qaq so shiÿaxaua mayi lma'na, somayi mashi sogote da ÿachaigui da lquiyaqteÿaxac so Judas Iscariote, som llalec so Simón, da lhuennataxac da yaqto' ÿaneuo so Jesús. Qaq so Jesús, somayi ÿaÿateeta da chigoqtot ñi Dios, qataq ÿaÿateeta da ÿi'iguelaxa ñimayi, qataq da ñi lta'a ÿanem somayi 'enauac da l'añaxac. Nachi co'ollaq mashi deque'etacpi somayipi, nachi so Jesús nachajñi, nachi nqat so lapo', qataq nsaachigui so pilotaxat.

Juan 6:64

Qalaxayi ñaqaiyita huo'o da qoñiita na sa ishit da da'amqajnataxan. Qaq 'enapec de'eda so Jesús, cha'ayi nal'ena da ÿaÿaten co'ollaq chita'ague da do'onataxan nam sa ishit da da'amqajnataxan qataq som huotaique co'ollaxa da ÿaneuo somayi.

Juan 6:71

Qaq nachiso so Judas Iscariote som detaqtega so Jesús, som llalec so Simón. Cha'ayi so Judas, nachiso co'ollaxa so ÿaneuo somayi, nai'ctaxa da so Judas nachiso so 'oonolec soua doce lapaxaguenataqa.

Hechos 1:13

Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago.

Hechos 1:25

da yaqto' 'ai'anagui da l'onataxanaxac so Judas mayi ÿaqataqchit souaxat dam lasouaxashit, nachi somayi taigui qanqoÿin da 'itchiguiñi da naigui dam lataxac.