Mateo 10:3 - Nuevo Testamento Toba Sur

³ qataq so Felipe, Bartolomé, Tomás qataq so Mateo som ÿacootapeeguet co'ollaxa ana nshiitenaqte ca nta'a; Santiago som llalec so Alfeo; qataq Alfeo da lÿa l'enaxat Tadeo;

Nuevo Testamento Toba Sombrero Negro

³ Felipe, Bartolomé; Tomás nataq'aen Mateo (nach'eñe lo'o da'me nejetenaguec ga'me Roma), Santiago mach'e c'oĝot ñe'me Alfeo, nataq'aen Tadeo,

La'aqtaqa Ñim Lo'onatac 'Enauacna 2013

³ qataq so Felipe, Bartolomé, Tomás qataq so Mateo som ỹacootapeeguet co'ollaxa ana nsheetenaqte ca nta'a; Santiago som llalec so Alfeo; qataq so Tadeo;

Mateo 10:3 Iomraidhean Croise

Mateo 18:17

Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

Mateo 27:56

Qaq se'eso 'alpi ÿalectauo aso María mayi lma' yi Magdala, qataq aso lÿa María mayi late'e so Santiago qataq so José, qataq aso late'e' soua llalqa so Zebedeo.

Mateo 9:9

Qaq so Jesús co'ollaq ca'ai yi'iyi, nachi ila'a so shiÿaxaua l'enaxat Mateo. Somayi nso'ootañi, netaigui aso l'onataxanaxaqui. Nachi 'enapega, 'eeta': –Aÿim qoquegue. Nachi so Mateo ñishiguem, nachi ca'ategue somayi.

Marcos 15:40

Nataq'en huo'o so 'alpi ilotau'a somayi. Qaq somayipi nachi ÿalectaigui aso María mayi lashi yi Magdala, qataq aso lÿa María mayi late'e so Santiago som n'asa qataq so José, qataq aso Salomé.

Marcos 2:14

Qaq co'ollaq jec, nachi ila'a so Leví som llalec so Alfeo. Somayi nso'ootañi, hueta'a aca lshiitenaxanaxaqui na shiÿaxauapi da ishiiten ca nta'a. Qaq so Jesús nachi iÿaxana somayi, 'eeta': –Aÿim 'auca'ategue qome. Nachi so Leví ñishiguem, nachi ca'ategue.

Marcos 3:18

qataq so Andrés, Felipe, Bartolomé, Mateo, Tomás, Santiago som llalec so Alfeo; Tadeo, Simón mayi chigaqaigui na cananista,

Lucas 18:10

–Huo'oi soua dos shiÿaxa'u tadeu'a aso n'onaxanaxaqui late'edai da nqouagaxaue'n. Qaq so 'oonolec soomayi chigaqaigui na fariseopi, qaq so lÿa chigaqaigui nam ÿacootapeeguet ana lshiitenaxanaqte nam shiÿaxauapi da ishiiten ca nta'a.

Lucas 18:11

Nachi som chigaqaigui nam fariseopi nachattañi co'ollaq nqouagaxaueetac, 'eeta': “'Am ita'a Dios, 'am sanot da ñi'achic, cha'ayi aÿim sa ishit da shin'am ca camachaqca shiÿaxaua, mayi cachaxaic, qauemaic, qataq lauatapiguiñi' aca sa lhua. Qataq sa ishit da shiita'am de'eda ÿacootapeeguet ana nshiitenaqte ca nta'a.

Lucas 18:13

Qaq som ÿacootapeeguet ana nshiitenaqte ca nta'a, qalaq nachi qaÿata'a ca hueta'a, qataq sa ishit da ÿamato'ot na piguem. Chaqdata da iuaxaalec ana ltogue, nachi 'eeta': “¡'Am ita'a Dios, aÿim 'auchoxoden qome, cha'ayi aÿim huo'oi naua sasouaxa't!”

Lucas 19:2

Qaq se'eso la ciudad nachi naña so sallaxanec l'enaxat da Zaqueo. Somayi lataxala' nam ÿacootapeeguet ana nshiitenaqte ca nta'a.

Lucas 5:27

Qaq co'ollaq ime de'eda, nachi so Jesús inoxoneec, nachi ilalec som ÿacootapeeguet ana nshiitenaqte ca nta'a. Somayi l'enaxat Leví, qaq nso'ootañi, netaña so lshiitenaxanqa' nam deshiitenaxaatac. Nachi 'enapego', 'eeta': –Aÿim 'auca'ategue.

Juan 1:48

Nachi so Natanael denataxan, 'eeta': –¿Huá'ague co'ollaxa, qaq aÿim 'auauatton? Nachi so Jesús 'enapeco': –Qomyi 'am selota'a can saxanaxa da 'am iÿaxana da Felipe, can qoueto'ot ada higo lchiyic.

Juan 11:16

Nachi som Tomás mayi qaÿamata'ac da huaya' 'enapegalo' soua lÿa't mayi napaxaguenaxa'u, 'eeta': –Qolaq nataq'en qomi', yaqto' nataq'en qadleuaxaua damayi.

Juan 14:22

Qaq som Judas (som l'enaqteua so Iscariote) 'enapeco': –'Am qadataxala', ¿tá'ainco' da nachiqomaqta da qomi' 'anachaxanalo, qaq sa ishit da nataq'en 'anachaxana nam shiÿaxauapi mayi huetalec ana 'alhua?

Juan 14:5

Nachi 'enapego' so Tomás, 'eeta': –'Am ÿataxala', qomi' sa saÿajnaq cam 'auataigue; ¿ca 'éeteco' da sauanaxa ca nqa'aic?

Juan 14:9

Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Juan 21:2

Soomayi co'ollaxa ÿalecta'a't so Simón Pedro, Tomás som qaÿamata'ac da huaya', qataq so Natanael mayi lma' yi Caná yim huaigui yi Galilea, qataq soua llalqa so Zebedeo, qataq soua lÿa't dos lapaxaguenataqa so Jesús.

Hechos 1:13

Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago.

Hechos 12:17

Qalaxayi somayi ÿauota'a na lhuaq da nhuogaxa somayipi da de'enaxaatai'. Ime, nachi i'axat da 'eetec ñi qadataxala' da nqateeguesop somayi añi ncoñitaxanaxaqui. Ime, nachi 'enapego' somayipi, 'eeta': –Qau'axachiim qome 'enauac de'eda ca Santiago qataq 'enauac na qadqaÿañicpi. Ime, nachi somayi jec da taÿa ca lÿa 'alhua.

Hechos 15:13

Qaq co'ollaq ima't da l'aqtaxanaxa'c, nachi so Santiago detaqa, 'eeta': –Qami' ÿaqaÿa't, ñaq qan'axaÿaxañiÿa da i'aqtac, 'eeta':

Hechos 21:18

Qaq so lÿa na'a'q nachi so Pablo nataq'en qomi' ñoqo'onaxau'a so Santiago. Qaq somayi nachi hueta'aguet 'enauac so laÿipi nataxala'pi.

Gálatas 1:19

Qalaxayi sa ishit da huo'o ca lÿa da sela'a so laÿipi, chaqsota so Santiago som lalamaxat lqaÿa so qadataxala' Jesús.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.