Mateo 10:22 - Nuevo Testamento Toba Sur

²² Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.

Nuevo Testamento Toba Sombrero Negro

²² Ena'uaque jogaa'me aleua laje' ami qonautenalo qa'a jouaĝat jayem; qalaĝaja ga'me jo'ne 'nañaĝatela't chayovida'a ga'me loiquiaqa' da'me 'loyaĝac, qama'le nach'ega nec'alegue qomle.

La'aqtaqa Ñim Lo'onatac 'Enauacna 2013

²² Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Mateo 10:22 Iomraidhean Croise

Mateo 10:39

Qaq ca nshitaique da maichi nca'alaxateec da maichi nachaalataxac, nachi camayi daqat. Qalaxayi ca 'ico' ÿaqataqchit da nachaalataxac, souaxat da aÿim quetague', nachi camayi qanca'alaxateec.

Mateo 24:13

Qalaxayi ca qaica ca ÿoqocha'a, chochi ividaxatta'a ca loga't da nachaalataxac, qaq nachica ca qanca'alaxateec.

Mateo 24:9

Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Mateo 5:11

Qataq ÿataqta qauamaichiguiñi qom qami' ishiueeta'pe na shiÿaxauapi, huo'otaq da sa ishit da qami' iyacna'pe qataq da qami' ÿasaxalguete na ÿotta'a't shipegaxanaxacpi, souaxat da aÿim qoquiitague'.

Marcos 13:13

Qaq 'enauac qome na shiÿaxauapi ÿataqta qami' nquiÿalo, souaxat da aÿim qoquiitague'. Qalaxayi cam qaica ca ÿoqocha'a, chochi ivitta'a ca loga't da nachaalataxac, qaq nachica ca qanca'alaxateec.

Lucas 21:17

Qataq 'enauac qome na shiÿaxauapi mayi huetalecna qami' nquiÿalo, souaxat aÿim.

Lucas 21:19

Qaq cam sa ishit da huo'o ca ÿoqocha'a, qaq nachica ca nauec cam nca'alaxa mayi chochaq tateec.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Lucas 8:15

Qaq asom nanguishi mayi tajlec som no'on 'alhua, qalaq naigui ca shiÿaxaua mayi no'on da lquiyaqteÿaxac, qataq lhuotta da n'axaÿaxan, qataq ÿalaxaguet da n'aqtac, qataq quetelec. Sa ishit da qoshiuec, qataq ÿataqta huo'o da alaÿaxac.

Juan 17:14

Qaq aÿim sanem namayipi da 'ad'aqtac, qalaxayi nam huetalec ana 'alhua ÿataqta nquiÿa namayipi, cha'ayi namayipi sa ishit da lma' ana 'alhua, 'eeta'am da 'eetec da aÿim sa ishit da ima' ana 'alhua.

Juan 7:7

Nam shiÿaxauapi mayi huetalec ana 'alhua, namayipi sa ishit da qami' nquiÿalo. Aÿim, qalaxayi ÿataqta aÿim nquiÿa, cha'ayi aÿim ÿataqta sa'axattem namayipi da naua i'otta'pe naamayi sa ÿaÿamaxayiñi.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

2 Corintios 4:11

Cha'ayi qomi' nagui da ña ñica'alaqtauec, qalaq souaqtaigui da lchic da qanalaataguec 'enauaque naua na'axa'te souaxat so Jesús, yaqto' nataq'en da nachaalataxac somayi yi'oq da nachattaigui da qad'oquiaxac mayi huo'o ca loga't.

Gálatas 6:9

Qaq ÿoqo'oyi sa ishit qome da ñasamaxañi da so'otaq ca ÿaÿamaqchiguiñi. Cha'ayi qom huo'otaq sa ñasamaxañi, nachi qom ivita ca naloqnec, nachi ñaqataq cam naigui ca so'otaqtac.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Hebreos 6:11

Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

1 Juan 3:13

Qami' ÿaqaÿa't, sa ishit qome da qadhualliÿa'a qom qami' nquiÿalo nam quetague' na 'onataxacpi mayi huetalec ana 'alhua.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Apocalipsis 2:17

Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Apocalipsis 2:26

Qaq cam dauegaxan, qataq ividaxatta'a ca loga'tna da i'ottac cam saÿamaxadeeta, qaq camayi sanem da ÿamaqpec na ÿotta'a't shiÿaxauapi,

Apocalipsis 2:3

Qaq ÿataqta huo'o da 'anhualaxaunaxac, qataq da 'anque'ejnaxac, qataq qalota da 'ad'onataxanaxac souaxat aÿim, qalaxayi sa ishit da 'anasamtapiguiñi.

Apocalipsis 2:7

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

Apocalipsis 3:21

Qaq cam dauegaxan qome, nachi camayi sanem da huo'o aca nso'onaxaqui ca ñiso'onqa' da aÿim nta'a, da yaqto' 'eeta'am co'ollaq aÿim sauegaxan, nachi ñiso'ona'ai' ñi ita'a Dios.