Mateo 10:16 - Nuevo Testamento Toba Sur

¹⁶ ¡Qaq qan'axaÿaxañiichigui de'eda shinapec! Da aÿim qami' sama'q, qalaq qoñiita'am qome ana qagueta da quichiguingui nam shiguiÿacpi mayi dequi'iÿapec. Qalaq ÿataqta sa qanqalaachi qome, qoñiita'am na n'adaxanaq, qalaxayi sa ishit da qauacoñiÿa'aguet ca qad'oi, qoñiita'am na qoto'pi.

Nuevo Testamento Toba Sombrero Negro

¹⁶ “Yataqachiñe anaquiaĝañiya da'me dojo' 'yaqatac, queda'me ami jama' nayi, qalaĝaja ena'am ta'le ami 'naĝanaĝatelpi jo'ne jamaĝauelo jogaa'me diquiya'ape. Chane'eja 'noota qom ami yatenaĝanaĝayaqa, aueñiya'ama jogaa'me nanayaqa, nataq'aen qaya'te anedaĝayaĝaqui, aueñiya'ama jogaa'me doqoto'pi.

La'aqtaqa Ñim Lo'onatac 'Enauacna 2013

¹⁶ De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Mateo 10:16 Iomraidhean Croise

Mateo 24:25

Qaq damayi qami' sa'axatema nagui, yaqto' nachi 'eetai' qome da qauaÿajñiita'aguet.

Mateo 24:45

¿Negue'tom ca nlatac da ÿataqta ipactelec ca l'onatac qataq huo'o na ÿaÿaten, da huo'otaq ca n'aco' ipataxalec camayi, da yaqto' iqui'axaatac nam hueta'a ca lma' da ivita yi laloqo' da nqui'axac?

Mateo 25:2

Qaq cinco soomayi soua qaica ca ÿaÿajna'alo, qataq cinco soua ÿajnaxanaqchaqai.

Mateo 25:4

Qalaxayi soua ÿajnaxanaqchaqai, soomayi ÿachita'pe soua lcoÿadaxanaxaqui', nataq'en soua laÿi' so lqataxanata'c lcoÿadaxanaxa't.

Mateo 25:9

Qalaxayi soua qa'añole mayi ÿajnaxanaqchaqai 'ena'po': “'A'i, sa ishit. Ten, qom qomi' ichiÿaugalo, nataq'en da qoñiita. No'on da qanqo'oñiÿa cam imeetac, nachi qaushijnaxañiÿa cam qadcoÿadaxanaxachi.”

Lucas 10:3

Qami' qoquii nagui, qami' sama'q, qaq qoñiita'am qome ca qagueta llalaqpi da quichiguingui na dequi'iÿapecpi.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Hechos 20:29

Cha'ayi aÿim saÿateeta da qom shica'ai ne'ena, nachi huo'o qome ca lÿa anac da huotaique da nlaxajñi na 'amqajnataxanaxaicpi, 'eeta'am da 'eetec ca dequi'iÿapec da detoxongui ana qaguetapi.

1 Corintios 14:20

Qami' ÿaqaÿa't, sa ishit da qoñiÿa'am da lhuennataxac ca nogotolec. Qalaxayi ca sa ÿaÿamaxañi, nachi qanacoñila't da qoñiÿa'am ca nogotolec. Qalaxayi da qadhuennataqai ÿataqta qoñiÿa'am ca shiÿaxaua ÿi.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

2 Corintios 11:14

Qaq damayi sa ishit da huo'otaq lliualaqa'a, cha'ayi saÿajnaq da so Satanás ishit da chochi n'enaqchingui cam 'oonolec na lamaxashicpi ñi Dios mayi huo'o na l'edaxa.

2 Corintios 11:3

Cha'ayi de'eda 'eetec so n'adaxanaq mayi sa nqalaataxaic co'ollaq ÿatenachit aso Eva. Nachida da i'ot da icolanaxa da sa iuena'a da nataq'en ishit da qami' qaÿatenachi't, nachi da qadhuennataxaqui ishit da dashiueguesop dam huesochiguiñi qad'amqajnataxanaxaqui so Cristo.

2 Corintios 8:20

Qaq shinaqtec de'eda, cha'ayi huo'o da qadvitaxa da huo'otaq qomi' qanayictapeguelguete souaxat ana nachitaqtaxanaqte mayi llaÿonaqtac.

Filipenses 2:15

yaqto' sa ishit da huo'o ca ilalec da qoñiita ca qadasouaxashichi, huo'otaq ca qadsomaxaqui. Chaqdata da qami' llalqa ñi Dios, qami' qui'itte' da qoviitangui na qauemaicpi qataq 'itaxaloxoicpi. Nachi qami' 'edoiguilo da qaucoÿayiilec namayipi, qoñiita'am aca huaqajñi da icoÿadelec na napalaxa,

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

Colosenses 4:5

Qataq ÿataqta qanaÿajnaxanaqchiñi da qautaqaitague' nam saxanaxa da da'amqajnataxan. Ÿataqta qauqopitaxañiÿapec naua no'on na'axa'te, da huo'o ca qaddaqa'ai.

1 Ts 2:10

Qataq qami' 'amqajnataxanaxaiqa mashi qauaÿajñiite' qomi', qataq ñi Dios qomi' ÿaÿateete' co'ollaq qami' souaqta'agueta, qalaq ÿataqta qui'itta qataq no'on da qadataxac. Sa ishit ñaq'enaq da huo'o ca qan'aqtaguec sa ÿaÿamaxañi.

1 Ts 5:22

Qadvichiÿa'aguet 'enauac na ÿotta'a't sa ÿaÿamaxañi.