Mateo 10:15 - Nuevo Testamento Toba Sur

¹⁵ Qaq ÿataqta 'eesa de'eda shinapec da qom ivita que'eca na'a'q mayi huetoigui da ñi Dios nmit 'enauacna, nachi ca nhuaxanaguec que'eca pueblo ÿataqta napacalec qome da nhuaxanaguec som shiÿaxauapi mayi netaña co'ollaxa yi Sodoma qataq yi Gomorra.

Nuevo Testamento Toba Sombrero Negro

¹⁵ Ami ja'aĝatema queda'me qom yovita ga'me nolo' jo'ne laloqo' da'me 'uo da'me le'uaĝanaĝanaĝac ñe'me Dios, qama'le yataqachiñe lama'aja da'me ne'uaĝanaguec jena'me jenjo' noic, ja ena'ama ga'me jiyaĝadipi ca'li 'me neda'ña di'me noic jo'ne Sodoma nataq'aen Gomorra.

La'aqtaqa Ñim Lo'onatac 'Enauacna 2013

¹⁵ Qaq ỹataqta 'eesa de'era qami' sa'aqtaxanema da qom ivita que'eca na'a'q da qanmit 'enauacna, nache ca nhuaxanaguec que'eca shiỹaxauapi ỹataqta napacalec qome da nhuaxanaguec som shiỹaxauapi maye netaña co'ollaxa so nỹecpi le'enaxat Sodoma qataq Gomorra.

Mateo 10:15 Iomraidhean Croise

Mateo 12:36

Qaq aÿim qami' shinapegalo da que'eca na'a'q qom qanmit 'enauacna, nachi 'enauac qome na shiÿaxauapi maichi iuennachigui nam l'aqtacpi mayi qaica ca naigui mayi nasaxauec co'ollaxa.

Mateo 5:18

Cha'ayi qami' shinapegalo da huo'otaq ñaq huo'o na piguem qataq ana 'alhua, qalaq sa ishit da huo'o ca qanqat nam saq 'amaqtaq ledaxatpiolec nam nqataxacpi, nato' qom mashi ipacchigui 'enauac nam taÿa'a da yi'oq.

Mateo 7:22

Qaq qom ivita que'eca na'a'q, qaq qalota qome na aÿim 'enapega, 'eeta': “'Am qadataxala', qomi' so'onataxanaqtega naxa da 'ad'enaxat da sa'aqtaxanaqtac, qataq da so'odaqhuec na n'ecpi leguemaxaicpi, qataq da so'otaq na n'anecpi mayi i'ot da n'aalaxa.”

Marcos 6:11

Qaq da huo'o ca huaña da sa ishit da qami' ÿacongueta qataq sa qami' n'axaÿaxanalo, nachi qoquiÿa'ai camayi, qalaxayi qauchigoqoiuec qome na namoxoÿaxa naua qadapia'chilli', qaq damayi nachi l'anaxat da camayipi maichi nasouaxajla't. Qaq ÿataqta 'eesa de'eda qami' sa'axatema da qom ivita que'eca pa'ateec na'a'q qom nmit na nasouaxashitpi ñi Dios, nachi saqalligueme qome da nhuaxanaguec nam lma' so Sodoma qataq so Gomorra, qaq saq 'en'am qome ca nhuaxanaguec qanqoÿin ne'ena shiÿaxauapi mayi sa qami' ÿacongueta.

Juan 12:48

Qaq ca aÿim i'otan, qataq sa ishit da i'o't naua i'aqtaqa, camayi sogote da huo'o qome ñim i'ot ca nhuaxanaguec camayi. Cha'ayi naua i'aqtaqa mayi ñanoldeec, nachinaua qome naua i'o't ca nhuaxanaguec na shiÿaxauapi ca pa'ateec na'a'q.

Juan 6:39

Qaq dam 'eetapeguec ñi ita'a mayi aÿim namaq nshitaique da aÿim qaica ca saqataqchit nam aÿim ÿanem ñimayi, chaqdata da qaltaq ñica'alaxateec qom iviteuga ca pa'ateec na'a'q.

Juan 6:40

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

1 Corintios 3:13

Ca l'onatac ñi 'oonolec yi'oq qom ivita ca pa'ateec na'a'q. Cha'ayi que'eca na'a'q anac ca nodec, qaq que'eca nodec ÿavigaxat na ÿotta'a't n'onatacpi. Huaña, qanachi yi'oq ca yi'oqta no'on l'onatac ñi 'oonolec.

1 Ts 5:4

Qalaxayi qami' qadqaÿa't, sa ishit da qoviitaigui ca 'ico' napalaxa, yaqto' que'eca na'a'q, lvidaxaqui so qadataxala', sa ishit da qami' ique'elaxa't, 'eeta'am cam cachaxaic.

Hebreos 10:25

Sa ishit qome da soqolaxague da lliquiaxac na huo'o da n'onataxac da sa ishit da dataÿapegueu'a da qadaponaxac. Chaqdata da ñi 'oonolec i'añaqchittac ca lÿa, lamaaxa nagui da selaqa'a da mashi sa qaÿapeque ca na'a'q da ñi'iguelaq so qadataxala'.

2 Pedro 2:6

Ñi Dios nataq'en ilaxachiguilo soua la ciudad Sodoma qataq so Gomorra, ÿataqta dachipchiyiñi naq'en, ivida'a da ndoteec na alo naq'en, cha'ayi ÿauotaique da laloqnaxanaxat naq'en nam shiÿaxauapi mayi qauemaicpi mayi taÿa'a da qaltaq nalec ana 'alhua.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

2 Pedro 3:7

Qaq nachida qome de'eda l'aqtac ñi Dios da chigoqchigui da na piguem qataq ana 'alhua mayi ñaq huo'oi nagui da naamayi taÿa'alo naq'en ca nodec. Que'eca nodec nachica ca davigaqtaxan qom ivita da qanmit 'enauacna, qom ivita da qailaxachigui 'enauac nam qauemaicpi.

1 Juan 4:17

Qaq yaqto' sevidaqta'a da ÿataqta nalochiguiñi da qadauotaxanaqtaic, yaqto' ca na'a'q qom qanmit 'enauac na shiÿaxauapi, qalaq sa ishit da ñi'aloxonaqtac. Cha'ayi qomi' nagui da ñaq souaqta'a ana 'alhua, qalaq ÿataqta shinaqta'am so Jesucristo.

Judas 1:6

Qataq som lamaxashicpi piguem l'ecpi ñi Dios mayi sa ishit co'ollaxa da ÿaÿamaxatec da l'onataxanaxac, chaqdata da ca'ai cam lalamaxat lma', nachi ñi Dios chochaq tateec naq'en da icoñitta'aguet na napalaxa somayipi, da iuatta'aguet naq'en ca pa'ateec na'a'q qom nmit 'enauacna.

Judas 1:7

Nataq'en so shiÿaxauapi lma' yi Sodoma qataq Gomorra qataq som shiÿaxauapi mayi lauodeuapi mayi 'eeta'am se'eso namaxashicpi piguem l'ecpi da nañanguet da lquishiguetaxac, qataq taigui da namanaxanaqtaic mayi sa natenguet da ÿoqta lataxac ca shiÿaxaua, nachi 'enauac somayipi nque'etaxangui so nodec mayi chochaq tateec co'ollaq qaÿauo'o da nhuaxanaguec. Qaq damayi 'eeta'am da nqataxac 'enauac na shiÿaxauapi.