Mateo 10:1 - Nuevo Testamento Toba Sur

¹ Nachi so Jesús iÿaxanalo soua doce lapaxaguenataqa, nachi ÿanema da n'añaxac, da yaqto' ishit da i'oldauec na n'ecpi, qataq da nataden 'enauac nam ÿotta'a't nalolaxaguesat qataq na nhuetaxanaxapi.

Nuevo Testamento Toba Sombrero Negro

¹ Yem qama'le Jesús yiyaĝanalo joga'me doce jo'ne lapaĝaguenataqa, qama'le yanema da'me lañoqotaĝanaĝa'j qaedi yamaĝadegue gaa'me payac lepaqa'li jo'ne paĝachiguilo nataq'aen qaedi e'n yemedegue gaa'me yodapecache napite'nadi nataq'aen nayaliaĝaco.

La'aqtaqa Ñim Lo'onatac 'Enauacna 2013

¹ Nache So Jesús ỹataxana't soua doce lapaxaguenataqa. Nache ỹanem da la'añaxac ñi 'oonolec soomaye, da yaqto' ishet da ỹo'orauec na saqcha'a na'añaxac leguemaxaicpi, qataq da nataren 'enauac nam ỹotta'a't nalolaxasat.

Mateo 10:1 Iomraidhean Croise

Mateo 19:28

Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

Mateo 26:20

Qaq co'ollaq mashi ivita so pe, nachi so Jesús datatalec so nqui'axala', qataq soua doce lapaxaguenataqa.

Mateo 26:47

Qaq so Jesús ña detaqtac co'ollaq mashi nvi' so Judas, som 'oonolec soua doce lapaxaguenataqa. Qaq somayi ÿataqta qalota so nnaictague' shiÿaxauapi, nachitac na lainecpi qataq na nponpi. Somayipi nachi lamaxashicpi som lataxala' na ntaxaÿaxanaxanecpi da qaitaxaÿapegue' ñi Dios, qataq nam lquedoxonecpi na judiopi.

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Mateo 9:35

So Jesús coleetapigui 'enauac nam pueblopi qataq nam nañalo nam saq 'amaqtaq shiÿaxauapi da dapaxaguenataxaatapoigui ana laponaxaqui na judiopi, i'axattac dam no'on qad'axaÿaxac mayi naigui da ilo'ogue 'enauacna ñim Dios, qataq natadeetac 'enauac nam ÿotta'a't lalolaxa qataq da nqui'ic na shiÿaxauapi.

Mateo 9:38

Qaq ÿoqo'oyi qami' qauÿaxañiÿot qome ñim lalamaxat na nanguishic, da yaqto' ñimayi namaq cam 'onataxanaxaicpi.

Lucas 10:19

Aÿim qami' sanema da n'añaxac, da yaqto' qauapiigui na n'adaxanaqpi qataq na pelaqtoitpi, qataq yaqto' ishit da qanaloÿa'aguet 'enauac da l'añaxac ca depa'aguenataxaatac, qaq sa ishit da qami' qaique'emaqchi't.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Lucas 24:49

Qaq aÿim qome qami' ñamaxalo cam ÿachaxanapec co'olloxochiyi ñi ita'a. Qalaxayi nachi qoviita'a qome na la ciudad Jerusalén, to' qom mashi qauacoñiiguet cam n'añaxac mayi chigaqshiguem.

Lucas 6:13

Qaq co'ollaq mashi yi'oxoñi, nachi iÿaxana so lapaxaguenatacpi. Ime, nachi lca'au'alo soua doce somayipi, nachi ÿanaguilo da ÿauo'oi lamaxa'shi.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Juan 3:27

Nachi so Juan 'enapegalo soomayi, 'eeta': –Qaica ca shiÿaxaua maichi nalligoxottela't da huo'o ca i'ot, da huo'otaq sa ishit da ÿanem ñi Dios camayi cam i'ot.

Juan 3:35

Cha'ayi ñi lta'a Dios ÿataqta ÿauotec so llalec, ÿoqo'oyi ÿataqta imato'ot 'enauac nam lalamaxatpi.

Juan 6:70

Nachi so Jesús 'enapeco': –¿Sa ishito' da qami' doce da qami' llica'agui'shi? Qalaq da 'oonolec da qoñiita ÿaatañi da lataxac so shiÿaxaua lma'na.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Hechos 19:15

Qalaxayi co'ollaq i'o't de'eda, nachi som n'ec leguemaxaic ÿasat, 'eeta': –Aÿim sauatton so Jesús, nataq'en sauattoota so Pablo; qalaq qami', ¿négue't da qoñiita?

Apocalipsis 12:1

Nachi qaltaq yi'oq so lÿa n'anec, hueto'ot na piguem, 'eeta': Aso 'alo nachattaigui aso nala', 'eeta'am da lapo'. Qaq so ca'agoxoic, qalaq petalec. Qaq asomayi ÿaatañi aso nado'o na nta'a. Qaq asa'aso ado'o netaguilo soua doce huaqajñi.