Mateo 1:21 - Nuevo Testamento Toba Sur

²¹ Qaq añimayi huo'o qome ca llalec. Qaq 'am nachi 'ai'anagui da l'enaxat Jesús. Camayi l'enaxat de'eda, cha'ayi nca'alaxateeguesop qome na lalamaxatpi na lasouaxashitpi.

Nuevo Testamento Toba Sombrero Negro

²¹ María 'uo qomle ga'me c'oĝot, qama'le auen lenaĝat Jesús qomle. Naq'aeta da'me lenaĝat qa'a nec'alaĝatedegue qomle gaa'me jiyaĝadipi chiyoĝotauelo jodaa'me loeco.”

La'aqtaqa Ñim Lo'onatac 'Enauacna 2013

²¹ Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Mateo 1:21 Iomraidhean Croise

Mateo 1:25

Qalaxayi sa ishit da nachi huadonguet. Chaqdata da iuata'a asomayi da ñiguiñi so llalec. Nachi ÿanagui da l'enaxat Jesús.

Lucas 1:13

Qalaxayi so namaxashic 'enapeco': –Zacarías, sa ishit da 'ayi'i, cha'ayi ñi Dios hua'aqtega da 'anqouagaxaunaxac. Qaq nagui añi 'adhua Elisabet huo'o qome ca llalec. Qaq camayi 'ai'anagui qome da l'enaxat Juan.

Lucas 1:31

Nagui 'am hualaxai qome. Ime, qaq huo'o ca 'ai'alec, nachi 'ai'anagui qome da l'enaxat Jesús.

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Lucas 2:21

Qaq co'ollaq mashi ivi' naua ocho na'axa'te, nachi qaÿauo'o so n'anaxat na l'oc so nogotolec. Ime, qaq qoÿanagui da l'enaxat Jesús, dam n'enaxat mayi i'axatem aso María so lamaxashic ñi Dios co'ollaq saxanaxa da hualaxai asomayi.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Juan 4:42

Nachi qoÿiitega aso 'alo, qoÿiita': –Nagui sa ishit da chaqdata da 'ad'aqtaxanaxac da sa'amaqtenaq, cha'ayi qomi' nataq'en maichi ñi'axaÿaxanaqtega somayi, qataq saÿajnaqta da somayi ÿoqta 'eesa da nachiso so nta'a som lca'alaxaqui nam shiÿaxauapi mayi huetalec ana 'alhua.

Hechos 13:23

Qaq huo'o so 'oonolec nam llalaqpi se'eso David, somayi nachiso so Jesús som ÿanagui ñi Dios da lca'alaxaqui naq'en na llalaqpi so Israel, cha'ayi ñimayi nachi ÿachaxanapec co'ollaxa damayi da ÿan.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

Hechos 4:12

Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

1 Juan 3:5

Cha'ayi qami' mashi qauaÿajñi da so Jesucristo somayi anaÿa ana 'alhua, da yaqto' ÿapalaxat 'enauac na qadasouaxashitpi. Qaq somayi ÿataqta qaica ca 'oonolec lasouaxashit.

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.