Mateo 1:1 - Nuevo Testamento Toba Sur

¹ Ana'ana nachana ana nanedaxalate som hua'au lta'alpi so Jesucristo som chigoxoguet so nta'a David qataq so Abraham.

Nuevo Testamento Toba Sombrero Negro

¹ Janjo' nedaĝalate jo'ne lenaqa'te jogaa'me chiyoĝogueta ñe'me Jesucristo, qama'le nach'eñe chiyaqayilo dia'me David nataq'aen Abraham:

La'aqtaqa Ñim Lo'onatac 'Enauacna 2013

¹ So Jesús chegoxoguet so David qataq so Abraham. Qaq 'ana ana lmalate 'enauac som lauo' le'ecpi maye hua'auñipi, co'ollaq saxanaxa da nvi' Somaye:

Mateo 1:1 Iomraidhean Croise

Mateo 1:18

Da 'eetec da lañoxoc so Jesucristo 'eeta': Aso late'e María co'ollaq mashi detaxaÿapegue' so José da huotaique da lhua. Qaq co'ollaq saxanaxa da huadona't, nachi asomayi mashi hualaxai, chigoqchigui da l'añaxac so Espíritu Santo.

Mateo 1:2

So Abraham nachiso so lta'a so Isaac, qaq so Isaac nachi llalec so Jacob, qaq so Jacob nachi llalec so Judá qataq som lqaÿañicpi.

Mateo 15:22

Nachi aso 'alo mayi Canaán lashi mayi netaña yi'iyi 'alhua, asomayi anac, i'alaqtalec so Jesús, 'eeta': –¡'Am ÿataxala' mayi 'am llalec so nta'a David, aÿim 'auchoxoden qome! Añi ÿale huo'o so l'ec leguemaxaic, añimayi ÿataqta lta'adaic da nque'ejnaxac.

Mateo 3:16

Qaq co'ollaq mashi qanachilaxan so Jesús, nachi ca'ai so 'etaxat. Huaña, nachi 'ico' qaÿauatoigui na piguem, nachi so Jesús ÿauaateguet so n'Espíritu ñi Dios, 'eeta'am na qoto' da naÿaña somayi.

Mateo 9:27

Qaq co'ollaq ca'ai yi'iyi so Jesús, nachi ana'c soua dos qanamaiqa. Nachi ca'attraueegue somayi, ÿataqta i'alaqtai'salo, 'eeta': –¡'Am llalec so David, qomi' 'auchoxode'n qome!

Lucas 1:33

yaqto' camayi chochi tateec qome da ilotague' na llalaqpi so Israel. De'eda l'onataxanaxac da nta'a, damayi qaica ca loga't.

Juan 7:42

Yi naua ñiyigui'shi l'aqtaqa ñi Dios, naamayi i'axa't da que'eca nta'a nca'alaxaqui, camayi qoÿinac da llalec qome so nta'a David, qataq qoÿinac yi chigoqchiguiña yi Belén, yim lma' co'ollaxa so David.

Hechos 2:30

Qalaxayi so David, somayi l'aqtaxanaxanec ñi Dios. Qataq somayi ÿaÿaten da ñi Dios ÿanem somayi da l'aqtac da 'enapec ipacchigui, da ca 'oonolec nam llalaqpi, camayi nachica cam nta'a qadca'alaxaqui, qataq nachica ca qoÿanagui da l'onataxanaxac somayi da nta'a.

Romanos 1:3

Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David.

Romanos 4:13

Cha'ayi ñi Dios ÿachaxanapecot co'ollaxa so Abraham qataq cam llalaqpi ana 'alhua da ÿauo'o lalamaxat lma'. Qalaxayi de'eda qaÿachaxanapec sa ishit da huo'otaq chigoqchigui da souaxat da ÿalaxalec nam nqataxacpi so Abraham. Mayi souaxat da somayi huo'o da lpi'iÿaxac ñi Dios. Nachi ñi Dios ÿaÿamaxadeeta somayi, nachi ÿamata'ac da no'on shiÿaxaua.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

Gálatas 3:16

Qaq ñi Dios huo'o co'ollaxa so ÿachaxanapecot so Abraham qataq cam llalec. Qaq nam ñiyigui'shi l'aqtaqa ñi Dios sa ishit da 'eeta': “ca llalaqpi,” da 'eeta'am da huo'otaq qalota cam detaqtega shiÿaxauapi. Cha'ayi ñimayi 'eeta': “ca 'ai'alec.” Qaq damayi naigui qone' da 'oonolec ca qaitaqtega shiÿaxaua. Qaq somayi nachiso so Cristo.

1 Timoteo 2:5

Cha'ayi 'oonolec ñi Dios, nataq'en 'oonolec so shiÿaxaua mayi ishit da ÿi'iguelaxateguet da nmane' naq'en ñi Dios na shiÿaxauapi. Somayi l'enaxat Jesucristo.

2 Timoteo 2:8

Sa ishito' qome da 'aucoua'ai so Jesucristo mayi chigoxoguet so nta'a David. Somayi Dios nca'aleec naq'en. Qaq 'eda da n'aqtac mayi chigaqaigui da nca'alaxa mayi sa'axattapeguec.

Apocalipsis 22:16

–Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.