Lucas 9:51 - Nuevo Testamento Toba Sur

⁵¹ Qaq co'ollaq mashi sa qaÿapeque so laloqo' da taigue da piguem so Jesús, nachi huesoteec yi lavilÿaxac da taigue da Jerusalén.

Nuevo Testamento Toba Sombrero Negro

⁵¹ Ca'li male yauaqa'a ga'me laloqo' ñe'me Jesús da'me male yec'adije'ma di'me piyem, qama'le ue'tajop da'me 'lañaĝac da'me dajoyi di'me Jerusalén.

La'aqtaqa Ñim Lo'onatac 'Enauacna 2013

⁵¹ Qaq co'ollaq mashe saqaỹapeque so laloqo' da taigue da piguem So Jesús, nache huesotec ye lavilỹaxac da taigue da Jerusalén.

Lucas 9:51 Iomraidhean Croise

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Lucas 12:50

Qalaxayi aÿim saigui qome da ñique'ejnaxac, 'eeta'am ca qanachilaxan, qaq ÿoqo'oyi ¡ÿataqta huo'o da ÿaquicoxo da iyaxa da nal'en nachi ime!

Lucas 13:22

Nachi so Jesús co'ollaq tata'ague da Jerusalén, nachi taÿalec nam pueblopi qataq nam nañalo nam saq 'amaqtaq shiÿaxauapiolec, nachi dapaxaguenataxaatac.

Lucas 17:11

Qaq co'ollaq mashi jec so Jesús da taigue da Jerusalén, nachi tajlec yim 'alhua mayi huaigui yi Samaria qataq yi Galilea.

Lucas 18:31

Nachi so Jesús iÿaxana so doce lapaxaguenatacpi da iÿotauga, nachi 'enapega, 'eeta': –Nagui qomi' saxague da Jerusalén, nachi huaña qome yimayi da ipacchigui 'enauac dam n'aqtaguec na shiÿaxaua llalec dam ÿiyiñi co'olloxochiyi som l'aqtaxanaxanecpi ñi Dios.

Lucas 19:11

Qaq so shiÿaxauapi co'ollaq ñaq queta da n'axaÿaxaatega so Jesús, nachi somayi ÿauo'o da daloqnaxana, cha'ayi souaxat da mashi sa qaÿapeque yi Jerusalén. Cha'ayi somayipi ipi'itaxaatega da mashi ivita ca laloqo' da ñi Dios ilo'ogue 'enauacna.

Lucas 19:28

Qaq co'ollaq ime da nasaxauec de'eda so Jesús, nachi jec da tata'ague da Jerusalén.

Lucas 24:51

Qaq co'ollaq mashi ÿanem da nqouagaxa somayipi, nachi ca'ai da qaÿaueegue da piguem.

Lucas 9:57

Qaq co'ollaq mashi quete' soomayi, nachi huo'o so shiÿaxaua 'enapega so Jesús, 'eeta': –'Am ÿataxala', ñishitaique da 'am seca'ategue ÿataqta cam 'auataigue.

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Juan 16:28

Aÿim sachigoqtot co'ollaxa ñi ita'a da ñanaÿa ana 'alhua, qalaxayi nagui aÿim shica'ai ana 'alhua da shi'iguelaxa ñi ita'a.

Juan 16:5

Qalaxayi nagui aÿim ashic da ñoqo'ona ñim aÿim namaq; qaq sa ishit da huo'o ca 'oonolec da qoñiita da aÿim inattac da chaq hua'ague ca sataigue.

Juan 17:11

Qaq aÿim mashi sa ishit da soota'a ana 'alhua. Qalaxayi namayipi ñaq huetalec ana 'alhua, qaq aÿim nagui ashic da 'am ñoqo'ona. 'Am ita'a mayi 'am qui'itta, 'au'ogoxona qome da 'ad'añaxac da 'antela'a nam aÿim 'ai'anempi, yaqto' namayipi ÿataqta n'atta't, 'eeta'am da 'eetec 'am qataq aÿim.

Juan 6:62

Qaq ¿huá'ago' ca qoñiitec qone' da huo'otaq qami' qauloÿa'a na shiÿaxaua llalec da ÿi'iguelaxashiguema yim hueta'a co'ollaxa?

Hechos 1:2

chochi ivitta'a so na'a'q co'ollaq taigue da piguem. Qaq somayi co'ollaq saxanaxa da taigue da piguem, nachi lca'au'alo soua lamaxa'shi, nachi ÿapaxaguenque cam l'onataxanaxa'c, ÿachigoxotchigui naq'en so Espíritu Santo.

Hechos 1:9

Qaq co'ollaq ime da i'axattac de'eda so Jesús, nachi ÿauaachiguilo soomayi co'ollaq naÿoxotchiguem da qaÿaueegue da piguem. Qaq anac so l'oc, nachi taigui. Huaña, nachi sa ishit da qaila'a.

Efesios 1:20

co'ollaq nca'aleeguesop naq'en da nleuaxa so Cristo. Nachi taigue naq'en da piguem, da yaqto' nso'ongue da aloic ñimayi,

Filipenses 3:14

yaqto' sevida'a ca naloqnec qataq cam qaÿachaxanapec cam huo'o mshi qomi' iÿaxanalo ñi Dios mayi neta'ague da piguem, souaxat da ñi'adaqtau'a so Cristo Jesús.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 6:20

som inoxoneu'a co'ollaxa so Jesús, da yaqto' ÿauategue ca qoyic. Qaq 'eda da 'eetec da so Jesús ivida'a da nachiso so 'oonolec qadtaxaÿaxanaxanec da detaxaÿapegue' ñi Dios, 'eeta'am da lataxac so Melquisedec.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.