Lucas 9:49 - Nuevo Testamento Toba Sur

⁴⁹ Nachi so Juan 'enapeco': –'Am mayi 'auapaxaguenataxaatac, qomi' huo'o so 'oonolec selaqalec da nqattac na n'ec leguemaxaicpi, do'otaxaatega da 'ad'enaxat, qaq sa sashinaxam, cha'ayi sa ishit da ñinaigaqtague'.

Nuevo Testamento Toba Sombrero Negro

⁴⁹ Ñe'me Juan enaac: —Jaliaĝanec, 'uo jo'me jauanaĝa quelqaya jo'ne t'onataĝana da'me adenaĝat queda'me yamaĝadegue gaa'me payagodipi, qalaĝaja jetaque ja jajenaĝam qa'a ja qo'mi 'te chiyaqauelo.

La'aqtaqa Ñim Lo'onatac 'Enauacna 2013

⁴⁹ So Juan maye 'oonolec soua doce napaxaguenataqa 'enapega So Jesús 'eeta': –'Am Napaxaguenataxanaq, qomi' huo'o so 'oonolec ñatenaqalec da do'otaxaatega da 'are'enaxat da ỹo'otteguec na saqcha'a na'añaxac leguemaxaicpi maye netaigui na shiỹaxauapi. Qalaxaye qomi' shenaqtega somaye da saishet da, nache 'eetec de'era, cha'aye somaye saishet da qomi' ỹalectaiguilo.

Lucas 9:49 Iomraidhean Croise

Mateo 3:14

Qalaxayi so Juan co'ollaq chita'ague, nachi sa ÿaÿamaxaden da nachilaxan somayi. Nachi 'enapego' so Jesús, 'eeta': –Aÿim mayi iuen da aÿim 'anachilaxan, qalaq ¿tá'ainco' yim aÿim 'auanaÿa?

Lucas 5:5

Nachi so Simón 'enapeco': –'Am mayi 'auapaxaguenataxaatac, qomi' imauec so pe da shi'acoqtac, qalaq qaica ca qadalliguishic. Qalaxayi 'am yi qomi' 'auama'q, qaq nagui aÿim sasaxañi na ÿasagoxonaxat.

Lucas 9:33

Qaq co'ollaq mashi yaqta'a da queda'aisalo so Jesús se'esoua shiÿaxa'u, nachi so Pedro 'enapeco': –'Am mayi 'auapaxaguenataxaatac, ¡'onaxáictaxa da nachi souaqta'a ne'ena! Qaq so'ota'q caua tres qayi'axaquilli', 'am 'oonolec ca 'adma', qataq da Moisés qataq da Elías. Qaq so Pedro sa ÿaÿaten ca naigui de'eda l'aqtac.

Hechos 5:28

–Qomi' mashi qami' sellaqpeguema co'ollaxa da sa ishit da qauapaxaguenataxañiic da l'enaxat so Jesús, qalaq ¿huá'ague ca 'eetec de'eda qau'ochi? Qami' mashi qanlaxachiichigui 'enauac na Jerusalén da qadapaxaguenataxanaxaqui, qataq qanshiitaique da qomi' qauasaqailguete da l-leuaxa se'eso shiÿaxaua da qadasouaxashit.

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.