Lucas 9:41 - Nuevo Testamento Toba Sur

⁴¹ Nachi so Jesús 'enapeco': –¡Lloxochiyi ne'ena shiÿaxauapi yi sa da'amqajnataxan qataq qauemaicpi! Mashi huo'oi soua na'axa'te da qami' soota'agueta, qataq mashi huo'oi soua na'axa'te da ñiualaxaueetapec. Ña 'ando'ocna'a cam 'ai'alec.

Nuevo Testamento Toba Sombrero Negro

⁴¹ Jesús 'yategueta ga'me jiyaĝadipi: —¡Yataqachiñe ami jiyaĝadipi jo'ne qoleguetaĝanaĝaiquipi nataq'aen chiyoĝo'spi! ¿Jach'e jogamaĝa ua'a da'me cha'li ami jouetauelo nataq'aen cha'li ami ñeualaĝae'to? ¡Anedo'quena na'me ac'oĝot!

La'aqtaqa Ñim Lo'onatac 'Enauacna 2013

⁴¹ Nache So Jesús ỹamataigui so ca'attague'pi, nache 'enapeco': –¿Peta'a ỹapac da saishet da huo'o ca qauañoxoche da saishet da qami' soota'agueta? ¡Chaq tachiguiña qome da ñeualaxaunaxac da qoñiita! Qami' ỹataqta qausomiỹapec qataq sa qaupi'iỹa'ai Ñim Lo'onatac 'Enauacna. –Ime, nache So Jesús 'enapega se'eso ỹale 'eeta': –Ñaq 'anaueecna'a cam 'aỹa'alec.

Lucas 9:41 Iomraidhean Croise

Mateo 11:28

Qauanaiua'a aÿim 'enauac da qoñiita mayi qanasamiitañi souaxat da qad'onataxanaxaqui qataq souaxat na qayi'aqui, nachi aÿim qami' ñimataxanaxaadeec.

Mateo 12:39

Nachi so Jesús 'enapeco': –Na shiÿaxauapi mayi qauemaicpi qataq ca'ai ñi Dios, namayipi nagui iÿaxaataique da qai'ot ca n'anec mayi sa qaÿauanapega. Qalaxayi sa ishit qome da qoÿami' camayi, cha'ayi chaqsota som n'anec mayi huaigui co'ollaxa so l'aqtaxanaxanec ñi Dios, l'enaxat Jonás.

Mateo 12:45

Ime, nachi ÿi'iguelaqteec da ÿi'iguena'alo soua lÿa't siete mayi ÿataqta napacalguete somayi. Huaña, nachi 'enauaque soomayi tadoigui se'eso shiÿaxaua. Huaña, nachi se'eso shiÿaxaua ÿataqta ÿacteec da aloic, saq 'en'am so hua'auchiguiñi. Qaq 'eda qome nataq'en da 'eetec ne'ena shiÿaxauapi mayi qauemaicpi.

Mateo 16:4

Ne'ena shiÿaxauapi qauemaicpi qataq ÿalat ñi Dios, namayipi nagui iÿaxaataique da qai'ot ca n'anec mayi sa qaÿauanapega. Qalaxayi sa ishit da qoÿami', cha'ayi chaqsota som n'anec mayi huaigui co'ollaxa so Jonás mayi qoÿan. Ime, nachi jec, ca'ai somayipi.

Mateo 17:17

Nachi so Jesús 'enapeco': –¡Aicoue qami' mayi sa qau'amqajnataxañi, qataq qami' qauemaiqa! Mashi huo'oi soua na'axa'te da qami' sootaiguilo, qataq mashi huo'oi soua na'axa'te da qami' ñiualaxaueetapegueto. Ña qanaviquiicna'a da nsoq.

Mateo 23:36

Qaq ÿataqta 'eesa de'eda qami' sa'axatema da 'enauac qome ne'ena nasouaxashitpi qaipataxalec qome qanqoÿin na shiÿaxauapi mayi huetaiguilo ne'enaua na'axa'te mayi souaqtaiguilo.

Mateo 3:7

Qalaxayi so Juan co'ollaq ila'a da ÿataqta qalota na chigaqaigui na fariseopi qataq na chigaqaigui na saduceopi da anac da huotaique da qanachilaxan, nachi somayi 'enapega, 'eeta': –¡Qami' n'adaxanaq llalaqpi! ¿Négue't ca qami' icoyigue'n, da yaqto' qananeltaxañiiguet cam qaica ca 'en'am da lchiquiaxac nhuaxanaguecna mayi sa qaÿapeque?

Marcos 10:14

Qaq so Jesús co'ollaq ÿauaachigui de'eda, nachi denoÿai'. Nachi 'eetegalo soomayi, 'eeta': –Ña qauauaqaita'a na ñaqpiolec da aÿim nau'a, sa ishit da sa qanashiñiiguet, cha'ayi de'eda l'onataxanaxac ñi Dios nam huetaigui nachina na 'eeta'am namayipi.

Marcos 10:49

Nachi so Jesús vi'iiguet, nachi 'enapeco': –Ña qauÿaxañiÿa ñimayi. Nachi qaiÿaxana so qanamaic, nachi qoÿiitega, qoÿiita': –'An'añaxat qome, qoñishiguem, cha'ayi 'am qanÿaxana.

Marcos 9:19

Nachi so Jesús 'enapeco': –¡Aicoue nam na' shiÿaxauapi yi sa da'amqajnataxan! ¡Mashi huo'oi soua na'axa'te da qami' sootaiguilo, qataq mashi huo'oi soua na'axa'te da qami' ñiualaxaueetapegueto! Ñaq aÿim qanaviquiÿa na nsoq.

Lucas 8:25

Ime, nachi 'enapegalo soua lapaxaguenataqa, 'eeta': –¿Chi táigo' cam qadpi'iÿaxaqui? Qalaxayi somayipi ÿataqta ñi'i, qataq ÿataqta huo'o da l'aalaxa. Nachi ñi 'oonolec inattac ñi lÿa, 'eeta': –¿Négue't dam da' shiÿaxaua?, yi ishit da ÿamaq na l'at qataq na 'etaxat, nachi ishit da ÿalaq.

Lucas 9:40

Qaq mashi sogote da ñachoxonnoto daua 'adapaxaguenataqa da i'oldauec ñi'iñi n'ec leguemaxaic, qalaxayi sa ishi't.

Lucas 9:42

Qaq co'ollaq mashi nquigueuo so nsoq, nachi so n'ec leguemaxaic huañi naq'en somayi, nachi ÿi'iguelaxalec da decopchi naq'en. Qalaxayi so Jesús nachi nlaxa se'eso n'ec leguemaxaic, nachi no'oita naq'en so nsoq. Ime, qaq ÿi'iguelaxatot so lta'a.

Juan 14:9

Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Juan 20:27

Ime, nachi 'enapego' so Tomás, 'eeta': –Ña ipoteu'alo 'anqa'en naua 'axaata naua iua'q, qataq nataq'en 'aupoteu'a na ÿaÿi. Nachi sa ishit qome da 'auqolguetaxaatac, chaqdata da 'au'amqajnataxan.

Hechos 13:18

Ñi Dios ÿataqta n'añaxategueta co'ollaxa naua qauema n'onataxaco somayipi co'ollaq quetalec so tojlec 'alhua se'esoua cuarenta vi'iyi.

Hechos 2:40

Qaq 'eda da l'aqtaxanaxac so Pedro, qataq huo'o na laÿipi l'aqtaxanaxac da huaqattega somayipi, 'eeta': –Qananeltaxañiiguet qome ca nhuaxanaguec ne'ena shiÿaxauapi mayi taÿa'a da daqat, yaqto' qadca'alliiuec.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

Hebreos 3:19

Qaq qomi' seloqchigui da somayipi sa ishit co'ollaxa da inoxoneuo, souaxat da sa da'amqajnataxan.

Hebreos 4:11

Qaq ÿoqo'oyi qomi' ÿataqta ñi'añaxataq, da yaqto' ishit da senoxonaxau'a que'eca mataxac, ten, qom huo'otaq huo'o ca 'eeta'am da lliquiaxac som sa ishit co'ollaxa da da'amqajnataxan.

Hebreos 4:2

Cha'ayi qomi' nataq'en qomi' qai'axatema da n'aqtac mayi chigaqaigui da nca'alaxa, 'eeta'am da 'eetec somayipi da qai'aqtaxanem co'ollaxa. Qalaxayi somayipi sa ishit da huo'o ca naigui naq'en de'eda n'aqtaxanaxac, cha'ayi chochi n'axaÿaxaatega, sa ishit da i'amaqten.

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.