Lucas 9:39 - Nuevo Testamento Toba Sur

³⁹ Huo'o so n'ec leguemaxaic imattaigui, nachi i'alaqchittac qataq icopchaqchit. Nachi anacnaxa naq'en na lcochi na alap. Qaq qaica ca lyac naq'en, qataq sa ishit da ÿaxaneec.

Nuevo Testamento Toba Sombrero Negro

³⁹ 'uo ñe'me nepaqal jo'ne deuodaĝanec, qama'le ye'tem da'me 'nalaqatapejeguem nataq'aen nale novita qama'le yecopichaqatet nataq'aen ya'uo nale jaga'me 'lali jo'ne en na'ya na'me nedegaĝat. Ja no'en da'me 'yetec nataq'aen ja jetaque yaĝañi.

La'aqtaqa Ñim Lo'onatac 'Enauacna 2013

³⁹ Huo'o so saqcha'a na'añaxac leguemaxaic imattaigui, nache ỹa'alaqchettac naxa. Qataq nataqa'en iviloxolaqchet qataq anac naxa naqa'en na lcoche na alap. Qaq naxa da ca'ai, nache ỹataqta qaica naqa'en ca lyac.

Lucas 9:39 Iomraidhean Croise

Marcos 9:18

Camachica pa'aigue, nachi ÿacha'ague ñi'iñi l'ec leguemaxaic da nalaqaañi. Huaña, nachi anac naq'en ana l'alli na alap, qataq inaga't naq'en naua lhue, qa nachi 'eetai' da nquigaxatta'aguet da saqca ca l'añaxac naq'en. Qaq mashi sogote da seÿaxanoto naua 'adapaxaguenataqa, da yaqto' i'oldaue'c ñi l'ec leguemaxaic, qalaxayi sa ÿañoxot.

Marcos 9:20

Nachi qanauega somayi so nsoq. Nachi so l'ec leguemaxaic co'ollaq ilo'ot so Jesús, nachi decopchi naq'en so nsoq, nachi ncocatapiguiñi, qataq anac naq'en ana l'alli na alap.

Marcos 9:26

Qaq se'eso n'ec leguemaxaic i'alaq, nachi decopchi naq'en so nsoq. Ime, nachi ca'ai, qalaxayi 'eeta'am naq'en da ileu. Qaq ÿoqo'oyi qalota na 'eetega da ileu somayi.

Lucas 4:35

Nachi so Jesús nlaxa so n'ec leguemaxaic, 'eeta': –¡'Au'enaxanai', nal'en qoca'ai ne'ena shiÿaxaua! Nachi se'eso n'ec leguemaxaic nachi huañi naq'en so shiÿaxaua, taqtoigui naq'en somayipi. Ime, nachi ca'ai so shiÿaxaua, sa ishit da huo'o ca 'en'ac.

Lucas 8:29

Qaq 'enapec de'eda somayi, cha'ayi so Jesús ÿamaqtapeguec se'eso n'ec leguemaxaic da ca'ai se'eso shiÿaxaua. Cha'ayi mashi qalotacnaxa da natot naq'en se'eso shiÿaxaua se'eso n'ec leguemaxaic. Nachi na shiÿaxauapi nllañicnaxa somayi da qaicoñidai'salo naua lhua'q qataq naua lchil na lquet, da yaqto' sa dedaÿapigui'. Qalaxayi ñaqaiyita ÿachiapiaxattac, nachi se'eso n'ec leguemaxaic ÿi'iguenaxaneugacnaxa ca tojlec 'alhua.

Lucas 9:38

Nachi huo'o so shiÿaxaua detaqa, ÿataqta n'axannec da l'aqtac, chimaqtoigui se'eso shiÿaxauapi, 'eeta': –'Am mayi 'auapaxaguenataxaatac, ña 'aumeten yi ÿalec. Ten, nachaqyita 'oonolec ÿalec.

Lucas 9:40

Qaq mashi sogote da ñachoxonnoto daua 'adapaxaguenataqa da i'oldauec ñi'iñi n'ec leguemaxaic, qalaxayi sa ishi't.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Apocalipsis 9:11

Qaq asa'aso shiiquioxoi nachi lataxala' som ilotague' cam laponqa' na leuaxaicpi. Qaq se'eso nataxala', somayi l'enaxat Abadón nam l'aqtac na hebreo l'ecpi. Qaq nam griego l'ecpi, qalaq ÿamata'ac Apolión. Damayi naigui da laataxanaxaic.