Lucas 9:30 - Nuevo Testamento Toba Sur

³⁰ Huaña, nachi nachaxa'n soua dos shiÿaxa'u, n'aqtaxaatapegueto somayi. Qaq soomayi nachisoua so Moisés qataq so Elías.

Nuevo Testamento Toba Sombrero Negro

³⁰ Qama'le di'yo't ca'li gaa'me dojolqa jo'ne jiyaĝa'u jo'ne dojetedapegue' ñe'me, nach'eñe Moisés nataq'aen Elías.

La'aqtaqa Ñim Lo'onatac 'Enauacna 2013

³⁰ Huaña, nache nachaxa'n so Moisés qataq so la'aqtaxanaxanec Ñim Lo'onatac 'Enauacna le'enaxat Elías,

Lucas 9:30 Iomraidhean Croise

Lucas 1:17

Qaq que'eca Juan, camayi hua'auta'ague qome da tata'ague ñi qadataxala'. Qaq ÿaatañi qome da lqui'iÿaxac qataq da l'añaxac so Dios l'aqtaxanaxanec l'enaxat Elías, da yaqto' ÿi'iguelaxateguet ca nta'a ca llalec da yaqto' saqca ca da, qataq yaqto' nam sa ishit da ÿalaq ishit da ÿaÿaten da ÿalaq. Qaq ÿaqataxanai' qome na shiÿaxauapi, da yaqto' lhuotta da ÿaconguet ca qadataxala'.

Lucas 24:27

Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Lucas 9:19

Nachi soomayi 'ena'po': –Qomyi huo'o na ipettega da nachi'am nachilaxanataxanaq Juan, qataq huo'o na ipettega da nachi'am Elías, qataq huo'o na 'eetega da nachi'am ca 'oonolec som hua'au l'aqtaxanaxanecpi ñi Dios da huo'otaq nca'aleec.

Lucas 9:29

Qaq co'ollaq queta da nqouagaxaueetac, nachi da lashiguiaxac nqochin, qataq soua alogo ÿataqta ÿapaga'q qataq qashilectrapiguiñi.

Lucas 9:31

Ÿataqta coleesopa so n'edaxa ÿataqta qaica ca 'en'am da lli'oxoyic. Qaq qai'aqtaxaatapeguem so Jesús da 'eetec da l-leuaxa qom huaña yi Jerusalén.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.