Lucas 8:25 - Nuevo Testamento Toba Sur

²⁵ Ime, nachi 'enapegalo soua lapaxaguenataqa, 'eeta': –¿Chi táigo' cam qadpi'iÿaxaqui? Qalaxayi somayipi ÿataqta ñi'i, qataq ÿataqta huo'o da l'aalaxa. Nachi ñi 'oonolec inattac ñi lÿa, 'eeta': –¿Négue't dam da' shiÿaxaua?, yi ishit da ÿamaq na l'at qataq na 'etaxat, nachi ishit da ÿalaq.

Nuevo Testamento Toba Sombrero Negro

²⁵ Yoĝo'yi da'me dojo' qama'le enapegalo jogaa'me: —¿Te'ena't da'me adepi'i? Jogaa'me jalcote da'me t'oi'y nataq'aen yoqochetem, qama'le nenatetapega't: —¿Jach'e da'me dojo' jo'ne chayovida'a da'me 'laqatac da'me yicochaĝaguet ga'me layat nataq'aen ga'me noĝop qama'le yoqochideta?

La'aqtaqa Ñim Lo'onatac 'Enauacna 2013

²⁵ Ime, nache 'enapegalo soua lapaxaguenataqa, 'eeta': –¡Qami' saishet da huo'o ca qarpi'iỹaxaqui Aỹem! Qalaxaye soomaye ỹataqta ñi'i', qataq ỹataqta huo'o da la'aalaqa'. Nache ñi 'oonolec inattac ñi lỹa, 'eeta': «¿Negue't dam da' ỹale ye ivira'a na la'at qataq ana lapaxa na 'etaxat da ỹalaxaguet?»

Lucas 8:25 Iomraidhean Croise

Mateo 14:31

Nachi so Jesús ÿacooteguet na lhuaq. Nachi 'enapega, 'eeta': –¡Ÿataqta qapi'olec da 'adpi'iÿaxac! ¿Tá'ainco' yi 'auqolguetaxan?

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Mateo 6:30

Qaq ñi Dios da nachi 'eetec de'eda, da n'otaxanaxan anam huoue mayi huetauga nagui na n'onaxa, qamaq ca lÿa na'a'q nachi qaÿasaxangui ca nodec, qaq ¿sa ishito' da nachi 'eetec naq'en de'eda da qoñiita, qami' mayi saq 'amaqtaq da qadpi'iÿaxaqui?

Mateo 8:10

Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Mateo 8:26

Nachi somayi 'enapeco': –¿Tá'ainco' yi qayi'ii? ¡Qami' ÿataqta qapi'olec da qadpi'iÿaxaqui! Nachi somayi ñishiguem, nachi nlaxa so l'at qataq na 'etaxat, nachi ÿataqta vi'iteguet qataq ntochiguiñi.

Marcos 4:35

Qaq se'eso na'a'q co'ollaq mashi pe, nachi so Jesús 'enapegalo' soua lapaxaguenataqa, 'eeta': –Saxatague qome da le'ego ana lapel.

Lucas 12:28

Qaq da nachi 'eetec de'eda ñi Dios da n'otaxanaxan ana chochi huoue mayi huetauga nagui na n'onaxa, qaq qome nte' nachi qaÿavigaxat, qaÿasaxaigui aca nqatelaxanaxaqui, qaq ¡huá'aguectoxo' da nachi saq 'eetec da qoñiita mayi saq 'amaqtaq da qadpi'iÿaxaqui!

Lucas 8:24

Nachi qanqo'ona so Jesús da qanquetoxon. Nachi qoÿiitega, qoÿiita': –'Am mayi 'auapaxaguenataxaatac, mashi huotaique da qomi' iyiiyiñi. Nachi ñishiguem so Jesús. Ime, qaq nlaxa so l'at. Qataq ana lapaxa so 'etaxat nachi vi'iiguet 'enauac, qataq ipactegue da ntochiguiñi.

Lucas 8:26

Qaq co'ollaq mashi qaivitta yi 'alhua mayi l'enaxat Gadara yim hua'atague da le'ego aso lapel late'edai mayi nalotta yi 'alhua l'enaxat Galilea.

Juan 11:40

Qalaxayi so Jesús 'enapeco': –¿Sa ishito' da 'am shiitega caillaxa da huo'otaq 'au'amqajnataxan, nachi ishit da 'aulogui da lli'oxoyic ñi Dios?