Lucas 8:24 - Nuevo Testamento Toba Sur

²⁴ Nachi qanqo'ona so Jesús da qanquetoxon. Nachi qoÿiitega, qoÿiita': –'Am mayi 'auapaxaguenataxaatac, mashi huotaique da qomi' iyiiyiñi. Nachi ñishiguem so Jesús. Ime, qaq nlaxa so l'at. Qataq ana lapaxa so 'etaxat nachi vi'iiguet 'enauac, qataq ipactegue da ntochiguiñi.

Nuevo Testamento Toba Sombrero Negro

²⁴ Chane'eja gaa'me lapaĝaguenataqa ñe'me Jesús yec'adeta ca'li qaedi 'noqotoĝo'n, qama'le enapega't da'me yiyaĝadelegue: —¡Jaliaĝanec! ¡Qo'mi avichoĝode'n! ¡Yamta'le qo'mi domalidiñe! Jesús ñijeguem qama'le yicochaĝaguet ga'me layat nataq'aen gaa'me lepa' ga'me noĝop, qama'le 'nemaĝañe, yataqachiñe nedo'ta't da'me tochiñe.

Lucas 8:24 Iomraidhean Croise

Mateo 14:30

Qalaxayi co'ollaq nomteguet da l'añaxac so l'at, nachi ÿataqta huo'o da lcolanaxa. Nachi somayi iyiiñi, nachi i'alaq, 'eeta': –¡'Am ÿataxala', aÿim 'anca'alaxateec!

Mateo 8:25

Nachi soua nale't nqo'onalo somayi da qanqotoxon, qoÿiita': –'Am qadataxala', ña qomi' 'anca'alaxatreec. Ten, huotaique da qomi' iyiiyiñi.

Marcos 4:39

Nachi so Jesús ñishiguem, nachi nlaxa so l'at, qataq 'enapega na 'etaxat, 'eeta': –¡'Auañaxaañi! ¡'Au'enaxaatai'! Nachi so l'at vi'iteguet, qataq ntochiguiñi 'enauac so 'etaxat.

Lucas 4:35

Nachi so Jesús nlaxa so n'ec leguemaxaic, 'eeta': –¡'Au'enaxanai', nal'en qoca'ai ne'ena shiÿaxaua! Nachi se'eso n'ec leguemaxaic nachi huañi naq'en so shiÿaxaua, taqtoigui naq'en somayipi. Ime, nachi ca'ai so shiÿaxaua, sa ishit da huo'o ca 'en'ac.

Lucas 4:39

Nachi so Jesús nqollimlec asomayi, nachi nlaxa so n'edaxa, nachi se'eso n'edaxa jec. Qaq saqaÿaloq da ñishiguem asomayi, nachi huetac.

Lucas 5:5

Nachi so Simón 'enapeco': –'Am mayi 'auapaxaguenataxaatac, qomi' imauec so pe da shi'acoqtac, qalaq qaica ca qadalliguishic. Qalaxayi 'am yi qomi' 'auama'q, qaq nagui aÿim sasaxañi na ÿasagoxonaxat.

Lucas 8:25

Ime, nachi 'enapegalo soua lapaxaguenataqa, 'eeta': –¿Chi táigo' cam qadpi'iÿaxaqui? Qalaxayi somayipi ÿataqta ñi'i, qataq ÿataqta huo'o da l'aalaxa. Nachi ñi 'oonolec inattac ñi lÿa, 'eeta': –¿Négue't dam da' shiÿaxaua?, yi ishit da ÿamaq na l'at qataq na 'etaxat, nachi ishit da ÿalaq.