Lucas 8:21 - Nuevo Testamento Toba Sur

²¹ Qalaxayi somayi 'enapeco': –Cam n'axaÿaxanalo naua l'aqtaqa ñi Dios qataq ÿataqta i'o't, qaq nachaca aca ÿate'e, qataq ca ÿaqaÿañicpi.

Nuevo Testamento Toba Sombrero Negro

²¹ Qalaĝaja joñe'me 'yategueta: —Jogaa'me jo'ne naquiaĝata da'me 'naqataĝanaĝac jo'ne chiyoĝogue ñe'me Dios nataq'aen yauote, nach'egaua jo'ne yat'e nataq'aen mach'e yaqaya'olqa.

La'aqtaqa Ñim Lo'onatac 'Enauacna 2013

²¹ Qalaxaye So Jesús 'enapeco': –Aca ỹate'e qataq ca ỹaqaỹañicpi, nachena nam na'axaỹaxaatega qataq ỹalaxaguet da la'aqtaxanaxac Ñim Lo'onatac 'Enauacna.

Lucas 8:21 Iomraidhean Croise

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Mateo 25:45

Nachi ne'ena nta'a 'enapec qome: “Ÿataqta 'eesa de'eda qami' sa'axatema, da 'enauac nam sa ishit co'ollaxa da qau'ochiic ca 'oonolec ne'ena saq 'amaqtaqpi, qaq nataq'en aÿim sa ishit da huo'o ca aÿim qau'ochiic.”

Mateo 28:10

Nachi so Jesús 'enapegalo soomayi, 'eeta': –Sa ishit qome da qayi'ii. Chaqdata da qoquii, qau'aqtaxañiim qome ca ÿaqaÿañicpi, da yaqto' taigue da Galilea. Huaña qome yimayi, nachi aÿim nauane'.

Lucas 8:15

Qaq asom nanguishi mayi tajlec som no'on 'alhua, qalaq naigui ca shiÿaxaua mayi no'on da lquiyaqteÿaxac, qataq lhuotta da n'axaÿaxan, qataq ÿalaxaguet da n'aqtac, qataq quetelec. Sa ishit da qoshiuec, qataq ÿataqta huo'o da alaÿaxac.

Lucas 8:20

Nachi huo'o so da'aqtaxanem so Jesús, 'eeta': –Ada 'adate'e qataq daua 'adqaÿa't pa'atrauec, huotaique da 'am qanauane'.

Juan 13:17

Qaq qami' da qauaÿajñiita de'eda, qataq ishit da qau'ochi, nachi ÿataqta qami' machiyiñi qome.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

2 Corintios 5:16

Qaq ÿoqo'oyi qomi' nagui sa ishit da chochi seloqtapigui da lataxac ca shiÿaxaua da shinaqta'am nam huetalec ana 'alhua. Qaq nai'ctaxa da sogote co'ollaxa da seloqtapigui da lataxac so Cristo da shinaqta'am nam huetalecana, qalaxayi nagui sa ishit da nachi 'eetec da qadhuennataxac de'eda somayi.

2 Corintios 6:18

qataq yaqto' nachaÿim mayi aÿim qadta'ai. Qaq qami', qalaq qami' ÿalqa qataq qami' ÿalel, qaq 'eda da 'enapec ñim qadataxala' mayi qaica ca ÿaqalanapec.

Santiago 1:22

Qalaxayi qau'ochi cam qami' ÿapaxaguenque da n'aqtac. Sa ishit da chochi qan'axaÿaxañiitega. Cha'ayi da nachi qoñiita'ac de'eda, qaq 'en'am da chochi qanatenachiitapeguela't.

1 Juan 2:29

Qaq cha'ayi qami' mashi sogote da qauaÿajñi da so Jesucristo ishit da i'ot ca ÿaÿamaqchiguiñi, qataq mashi qauaÿajñiita nataq'en da 'enauac nam ishit da i'ot ca ÿaÿamaqchiguiñi, namayipi llalaqpi ñi Dios.

3 Juan 1:11

'Am ñauochaxaua ÿaqaÿa, sa ishit qome da qoquegue ca qauem 'onataxac, chaqcata ca no'on. Cha'ayi cam i'ot ca ÿaÿamaqchiguiñi, camayi lalamaxat ñi Dios, qaq cam i'ot ca sa ÿaÿamaxañi, qachi sa ishit da ila'a ñi Dios.