Lucas 8:18 - Nuevo Testamento Toba Sur

¹⁸ Qaq ÿoqo'oyi ÿataqta qan'axaÿaxañiichiguiñi, cha'ayi cam huo'o ca hueto'ot, qalaq qanquigaxateec ca qoÿanem, qalaq cam qaica ca hueto'ot, qalaq qanhuo', ivida'a da qaiuotaxanec cam ipi'itaxaatega da hueto'ot.

Nuevo Testamento Toba Sombrero Negro

¹⁸ “Chane'eja 'noota qom yataqachiñe aueloi'tegue, qa'a ga'me ue'tajop ga'me jiyaĝaua Dios 'nouadijelegue; qalaĝaja ga'me qaya'te ue'tajop, qamqa'me chayovida'a ga'me yepetapega da'me yauana Dios doĝotaĝanec.”

La'aqtaqa Ñim Lo'onatac 'Enauacna 2013

¹⁸ Qaq ỹoqo'oye ỹataqta qana'axaỹaxañiichiguiñi, cha'aye da huo'o ca ỹaỹaten dam saqcha'a lataxac da lo'onataxanaxac Ñim Lo'onatac 'Enauacna, nache camaye qaỹa'aqtaxanem na qalota laỹepi lataxac. Qalaxaye nam saishet da ỹaỹaten dam saqcha'a lataxac de'era no'onataxanaxac, nache Ñim Lo'onatac 'Enauacna, ỹo'otec namayepi da icoua'ai 'enauac nam ipi'itaxaatega da ỹaỹaten.

Lucas 8:18 Iomraidhean Croise

Mateo 13:12

Qaq ÿoqo'oyi cam huo'o ca hueto'ot, qalaq qanquigaxatteec ca qoÿanem, nachi ÿataqta qaica ca iueetac. Qaq cam qaica ca hueto'ot, qalaq camayi qanhuo', ivida'a cam saq 'amaqtaq hueto'ot qaÿacona.

Mateo 25:29

Cha'ayi cam huo'o ca hueto'ot, qalaq camayi ÿacteec ca qoÿanem, nachi ÿataqta qaica ca iueetac. Qaq cam qaica ca hueto'ot, qalaq camayi ivida'a cam saq 'amaqtoqolec mayi hueto'ot qaÿacona.

Marcos 13:14

So l'aqtaxanaxanec ñi Dios, l'enaxat Daniel, somayi co'ollaxa ÿiyiñi da 'eetec cam ishit da deshipaxanaqtaxan qataq delaqtaxan; da qom qami' qauloÿa'a da qoÿanaña cam sa lma' –qaq cam itaxaÿaxan ne'ena, qaq no'on qome da ÿaÿateeta,– nachi nam netaña qome na Judea datauec, ÿi'iguiishiguemec ana qasoxonaxapi.

Lucas 19:26

Nachi som nta'a 'enapeco': “Aÿim qami' shinapegalo da ca huo'o ca hueto'ot, qalaq camayi ÿacteec qanqoÿin ca qoÿami'; qaq cam qaica ca hueto'ot, qalaq nachi 'en'am ivida'a da qaiuotaxanec cam saq 'amaqtaq mayi hueto'ot.

Lucas 9:44

–Ña qan'axaÿaxañiichigui da shinapec, qataq sa ishit qome da qaucouaÿa'ai, da ne'ena shiÿaxaua llalec qoÿanoigui qome na shiÿaxauapi, qaq namayipi maichi ÿoiqueetac qome.

Juan 15:2

Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

Hechos 10:33

Qaq ÿoqo'oyi ÿataqta sa saÿaloxonai' da 'am samaxasoxona. Qaq nagui no'on, cha'ayi mashi 'anoviyi'. Qaq nagui qomi' souaqta'a ne'ena, sataqtau'a ca Dios, cha'ayi sauoqtaique da qomi' ñi'axaÿaxanaxa 'enauac cam 'am ÿamaxalec ñi qadataxala' da qomi' 'au'axatema.

Hechos 17:11

Qaq se'eso judiopi ÿataqta qaica ca ÿictega da n'axaÿaxan, qaq sa ishit da 'en'am nam netaña yi Tesalónica. Cha'ayi namayipi ÿataqta nqopita da n'axaÿaxana da n'aqtac. Ÿoqo'oyi 'enauaque naua na'axa'tesa'chi qaichimaxatta'pe naua ñiyigui'shi l'aqtaqa ñi Dios da huo'otaq ÿoqta 'eesa de'eda qai'axattac.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

1 Corintios 14:37

Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

1 Corintios 8:2

Da huo'o ca ipi'itaxaatega da huo'o na ÿaÿaten, camayi saxanaxa da huo'o ca ÿaÿaten, cha'ayi saxanaxa da ÿoqta lataxac da lauattonaxanaxac.

Filipenses 3:4

Qaq nai'ctaxa da aÿim nataq'en ishit da huo'o ca shictega ne'enapi da sepe'etega, cha'ayi qaica ca ishit da aÿim napacalec da ipi'iÿaxac 'enauac namayipi.

Hebreos 2:1

Qaq ÿoqo'oyi qomi' qome ÿataqta seloqtegue ca llic dam sa'axasoqchigui, yaqto' sa ishit da 'ico' selamaxataqhuec.