Lucas 8:16 - Nuevo Testamento Toba Sur

¹⁶ Qaica ca ishit da iqueteteu'a aca lcoÿadaxanaxaqui, ime, qaq ÿapolec, huo'otaq ÿano'ot na pa'aguiñi ca lmala'. Chaqdata da ÿanashiguem, chaxan 'eesa da huo'o ca nnoxoneuo, qalaq ishit da yi'oqtelec.

Nuevo Testamento Toba Sombrero Negro

¹⁶ Jesús yitaĝa enaac: “Qom 'uo ga'me en edañgui jaga'me lecoyadaĝanaqate qama'le ja yapadelegue uotaĝa yano'ot ga'me 'nochaĝala': ¡ja naq'aeta, dite da'me en qayaje'mec da'me yanajeguem, qaedi 'yoqotelo'te gaa'me jo'ne yenoĝodeuo!

La'aqtaqa Ñim Lo'onatac 'Enauacna 2013

¹⁶ Qaica ca ishet da ỹegueua'a aca lcoỹaraxanaxaqui, ime, qaq ỹapolec, huo'otaq ỹano'ot na pa'aguiñi ca lmala'. Nachaqrata da ỹanasheguem, yaqto' da huo'o ca inoxonoigui ca nỹec, qalaq yo'oqchiguiñi.

Lucas 8:16 Iomraidhean Croise

Lucas 11:33

Qaica ca ishit da iqueteteu'a aca lcoÿadaxanaxaqui, ime, qaq ÿanaña ca ÿapochiguiñi, huo'otaq da ÿano'ot na pa'aguiñi aca cajón. Chaqdata da ÿaatchiguem acamayi, yaqto' da huo'o ca pa'auo, nachi yi'oqtelec.

Lucas 8:15

Qaq asom nanguishi mayi tajlec som no'on 'alhua, qalaq naigui ca shiÿaxaua mayi no'on da lquiyaqteÿaxac, qataq lhuotta da n'axaÿaxan, qataq ÿalaxaguet da n'aqtac, qataq quetelec. Sa ishit da qoshiuec, qataq ÿataqta huo'o da alaÿaxac.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Apocalipsis 1:20

Qaq 'eda dam saq cha'a n'aqtaguec asom siete huaqajñi mayi 'auauaachigui da huetaigui na iuaq qataq asom siete ncoÿadaxanaxaqui mayi chigaqaigui na oro, 'eeta': asom siete huaqajñipi, naigui ñi 'oonolec na namaxashic piguem l'ecpi mayi ilotague' na 'amqajnataxanaxaicpi mayi netalguete naua siete 'ale'u. Qaq aso siete ncoÿadaxanaxaqui naigui na 'amqajnataxanaxaicpi mayi netalguete se'esoua siete 'ale'u.

Apocalipsis 11:4

Qaq se'esoua dos n'aqtaxanaxanqa, nachisoua soua dos nanguishi olivos qataq soua dos ncoÿadaxanaxaqui' mayi qoÿaatraña ca netaña ñim lataxala' 'enauac nam huetalec ana 'alhua.