Lucas 8:13 - Nuevo Testamento Toba Sur

¹³ Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Nuevo Testamento Toba Sombrero Negro

¹³ Jaga'me peta jo'ne tachi'ñalo ga'me qadipi yelo'tegueta gaa'me jo'ne domachita da'me Dios 'laqataĝanaĝac qama'le made'tape da'me yacoteguet. Qalaĝaja ja jalcote qayada'ñelo gaa'me patadi: cada'ac 'uo da'me 'lamaqatenataĝanaĝa'j, qalaĝaja yovita da'me 'uo ga'me napiyenague'j qama'le ja naloteguet.

La'aqtaqa Ñim Lo'onatac 'Enauacna 2013

¹³ Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Lucas 8:13 Iomraidhean Croise

Marcos 6:20

Cha'ayi so Herodes ÿaÿateeta da so Juan ÿataqta no'on da lataxac, qataq qui'itta, ÿoqo'oyi ñi'iÿalec. Qaq ÿoqo'oyi somayi sa ÿashinem asomayi da huo'o ca 'ena'ac so Juan. So Herodes, nai'ctaxa da qalligueme da ÿoqta ÿaÿateetegue ca l'aqtaxanaxac so Juan, qalaxayi nachi 'en'am nqopita da n'axaÿaxana.

Lucas 8:12

Qaq asom nanguishi mayi tajlec na laÿi so nqa'aic, qalaq naigui ca shiÿaxaua mayi n'axaÿaxaatac. Qalaxayi anac som shiÿaxaua mayi lma'na, nachi deuotaxanec som n'aqtac mayi huetagui añi lquiyaqte, da yaqto' sa ishit da da'amqajnataxan naq'en, nachi sa ishit da nca'aleec.

Lucas 8:14

Qaq asom nanguishi mayi tajlec som 'alhua mayi huo'o ana ÿaxat, qalaq naigui ca shiÿaxaua mayi n'axaÿaxaatega da n'aqtac. Ime, qaq jec, qaÿata'ague nachi qaÿapolec da n'aqtac souaxat da lqochoxo nam huetalec ana 'alhua, qataq dam nsallaxa, qataq dam lqopitaxanaqtaic 'enauac na chochina qauem. Qanachi sa ishit da huo'o ca alaÿaxac naq'en da n'aqtac.

Juan 15:2

Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

Juan 15:6

Qaq cam sa ishit da aÿim n'attau'a, nachi camayi qaÿasaxauec, nachi daqaqa, 'eeta'am ana lcouepi mayi qalaÿona't, nachi qaÿasaxangui ca nodec da qaÿavigaxat.

Juan 5:35

So Juan, somayi 'eeta'am aca ncoÿadaxanaxaqui mayi 'ettaigui. Nachi qami' co'ollaxa ÿataqta qantoñiitapeguec de'eda lcoÿadaxanaxac, qalaxayi sa qaÿauec da qantonaxaqui.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

1 Corintios 15:2

Damayi chigoqchigui da huo'o mshi qami' qanca'alaxatreec, qom qoquiitelec dam qami' sa'axatema, qataq qom sa ishit da chochi n'ajnaxaic da qadpi'iÿaxaqui.

Gálatas 3:1

¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

Gálatas 3:4

¿Peta'a sa ishito' da huo'o ca naigui 'enauac da qanque'ejnaxaqui? ¡'Onaxaico' da huo'o ca qauachigoxochiÿaigui damayi!

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Colosenses 2:7

cam lpa'a'q da qanachaalataxaqui n'attalec somayi, qataq n'oxootalec somayi da qadpi'iÿaxaqui. Cha'ayi nachida da qami' qaÿapaxaguenque co'ollaxa, yaqto' nachi 'eetai' da qai'añiitacot da qan'achiquiaxaqui ñi Dios.

1 Ts 3:5

Ÿoqo'oyi aÿim co'ollaq sa yalo'oguet da iuennataxa da qoñiita, nachi samaq so Timoteo da ichimaxata da qadpi'iÿaxaqui. Cha'ayi mashi huo'o da itelaxa da huo'otaq qami' ÿatenachi't so 'iguenataxanaxaic shiÿaxaua lma'na, nachi saqca ca naigui da qad'onataxanaxac.

1 Timoteo 1:19

Cha'ayi mashi huo'o na ilamaqhuec, ca'ai da lpi'iÿaxac, souaxat da sa ÿalaxalec da lavilÿaxac ÿaÿamaqchiguiñi.

Hebreos 10:39

Qalaxayi qomi' sa ishit qome da nachiqomi' da shi'iguelaxasoq qataq da 'ico' qomi' qanlaxajyiñi. Chaqdato' da qomi' ÿataqta huo'o da qadpi'iÿaxac, yaqto' ishit da qaÿaÿamaxat da qanachaalataxac.

Santiago 2:26

Qaq ÿoqo'oyi ca npi'iÿaxac, da saqca ca ÿaÿamaqchiguiñi l'onataxanaxac, nachi 'ico' leuaxaic. 'Eeta'am da qad'oquiaxac da saqca som capegue' lqui'i, nachi ileu.

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

2 Pedro 2:22

Qalaxayi tachigui namayipi da i'axat som naloqnaxanaxat mayi 'eeta': “Ca pioq maichi ipacta da chic ca alolaxat, qataq aca cos late'e mayi chita'ague da qaiÿotac, qalaq ipacta da ncogangui ca nshaxa.”

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

Judas 1:12

Namayipi ÿataqta i'ot da n'agaxa da ÿalectaigui na qadqui'axaqui da ñi 'oonolec da qoñiita nhuana'ai' ca lqaÿa. Nachi namayipi ÿalectauo da deque'etac qataq nÿomtac, ÿataqta machiguiñi qataq ÿataqta qaica ca l'agaxa. Namayipi 'eeta'am ca nataxala' da maichi nteltapeguela't, qataq 'eeta'am ca l'oc mayi saq chigoxoigui ca 'etaxat, chochi ÿachitac na l'at, qataq 'eeta'am aca qo'ipaq mayi qaca ana ala da ivita ca laloqo', ÿataqta daqaqta da ivita da qanqat.