Lucas 7:39 - Nuevo Testamento Toba Sur

³⁹ Qaq co'ollaq ÿauaachigui de'eda so fariseo mayi ÿayina'a da lqui'axaua so Jesús, nachi deuennataxaatac, 'eeta': “Ñi'iñi shiÿaxaua da ÿoqta 'eesa da l'aqtaxanaxanec ñi Dios, qaq ishíttaxa da ÿauatton añim 'alo mayi ipottau'alo naua lchil da añimayi quishiguetaxai.”

Nuevo Testamento Toba Sombrero Negro

³⁹ Mane'e ca'li yauana da'me dojo', ñe'me fariseo jo'ne nepoda ñe'me Jesús, eetojo' da'me lelnataĝac: “¿Toqoch'e ja yetaden jañe'me yauo jo'ne ja no'en da'me yepotetac, qom yataqachiñe Dios 'laqataĝanaĝanec? Qa'a ¡janjo' yauo yataqachiñe ja 'noe'n daa'me 'lonataqa!”

La'aqtaqa Ñim Lo'onatac 'Enauacna 2013

³⁹ Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Lucas 7:39 Iomraidhean Croise

Mateo 20:16

Qaq 'eda qome da 'eetec nam nagui pa'ateec, qalaq namayipi qome l'auaxanecpi. Qaq nam nagui l'auaxanecpi, qalaq namayipi qome pa'ateec. Cha'ayi nagui ÿataqta qalota nam qaiÿaxanapi, qalaxayi saq 'amaqtaq qome nam nca'aguishicpi.

Mateo 21:11

Nachi som shiÿaxauapi 'eeta': –Qomyi nachiso so Jesús mayi l'aqtaxanaxanec ñi Dios, som chigaqa'ague da Nazaret mayi huaigui yi 'alhua Galilea.

Marcos 7:21

Cha'ayi añim lquiyaqte ca shiÿaxaua mayi nachañi añi chigaqaigui na qauem lhuennataxapi, da huotaique ncachitapegue' aca sa lhua, qataq da quishishaxac, nalaataxanaxac,

Lucas 12:17

Nachi so sallaxanec deuennataxaatac, 'eeta': “¿Chaq huá'ago' nagui ca shiitec?, yi aÿim qaica cam sacha'ague da saÿamaxat nam ñaqat ala na ÿanguishic.”

Lucas 15:2

Nachi nam ÿalectaigui na fariseopi qataq nam dapaxaguenataxaatapeguec na nqataxacpi nachi quetapeguelec somayi, 'eeta': –De'eda shiÿaxaua qachi ÿaconguet na 'itaxaloxoicpi qataq lqui'axaua namayipi.

Lucas 16:3

Nachi se'eso ilotague' so nma' deuennataxaatac, 'eeta': “¿Chaq hua'agom ca shiitec nagui, cha'ayi ñi ñi'aco' sa ishit da ÿauo'o ca i'onatac? Yi aÿim qaica ca i'añaxac da so'onataxan na 'alhua, qataq ÿataqta huo'o da icoxo da chochi sashilaxaatac.

Lucas 18:4

Qalaxayi se'eso shiÿaxaua ÿataqta huo'oi soua na'axa'te da sa ishit da ilo'oguet asomayi. Qalaxayi co'ollaq qaÿoqtegue, nachi somayi deuennataxaatac, 'eeta': “Aÿim nai'ctoxo' da sa ishit da huo'o ca 'enec ñaq'en ñi Dios qataq 'enauac nam shiÿaxauapi,

Lucas 3:8

Ÿataqta qanachaxañiita qome, yaqto' ishit da qaila'a da ÿoqta 'eesa da mashi qaualachi' naua qan'onataxacolli', qaq sa ishit da tatapigui qadvilli da qoñiita': “Qomi', maichi qomi' llalqa so Abraham,” cha'ayi aÿim qami' shinapegalo da ñi Dios ishit da ÿachigoxotaigui ne'ena coma' ca llalaqpi so Abraham.

Lucas 7:16

Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Lucas 7:37

Nachi huo'o aso 'alo quishiguetaxai mayi netaña se'eso pueblo. Co'ollaq l'axaÿaxac so Jesús da taÿa ca lma' so fariseo da lqui'aqa', nachi asomayi anac, nachitac aso n'onata coma' l'enaxat alabastro, huetagui so codaxat.

Lucas 7:38

Nachi asomayi noÿiitac, nachi huaqtau'alo naua lchil so Jesús, nachi iÿota'pe, deÿoxonalo naua lachi'. Ime, qataq ÿaqaxaÿaxa't naua lchil somayi, huota'a na laue. Nachi napigoqta'pe, qataq icodelguete som codaxat.

Lucas 7:40

Nachi so Jesús 'enapega so fariseo, 'eeta': –Simón, huo'o da huotaique 'am sa'axatem. Nachi som fariseo 'enapeco': –Aja', 'au'axat, 'am mayi 'auapaxaguenataxaatac.

Juan 4:19

Qaq co'ollaq hua'axaÿa de'eda aso 'alo, nachi 'enapeco': –'Am ÿataxala', aÿim sela'a da ÿoqta 'eesa da 'am l'aqtaxanaxanec ñi Dios.

Juan 7:12

Nachi qalota na shiÿaxauapi na n'aqtaxaatapigui somayi. Huo'o na 'eeta': “Se'eso shiÿaxaua, somayi no'on da lataxac.” Qalaxayi huo'o na laÿipi 'eeta': “Somayi sa ishit da no'on da lataxac; somayi chochi ÿatenachittac na shiÿaxauapi.”

Juan 9:24

Nachi na judiopi qaltaq ÿi'iguelaxalec da iÿaxaneuga so shiÿaxaua mayi qanamaic co'ollaxa. Nachi qoÿiitega, qoÿiita': –Nagui qomi' ÿauaachiguilo ñi Dios, ña qomi' 'au'aqtaxaatema, cha'ayi qomi' saÿajnaqta da se'eso shiÿaxaua, somayi 'itaxaloxoic.