Lucas 7:37 - Nuevo Testamento Toba Sur

³⁷ Nachi huo'o aso 'alo quishiguetaxai mayi netaña se'eso pueblo. Co'ollaq l'axaÿaxac so Jesús da taÿa ca lma' so fariseo da lqui'aqa', nachi asomayi anac, nachitac aso n'onata coma' l'enaxat alabastro, huetagui so codaxat.

Nuevo Testamento Toba Sombrero Negro

³⁷ qanach'e 'uo jaga'me yauo jo'ne ja no'en da'me 'loyaĝac, jo'ne nach'edi di'me noic na'ña; ca'li noma'a da'me ue'ta ñe'me Jesús di'me 'lachaqa' ñe'me fariseo qaedi deque'e, qama'le nach'e ena'am yec'ata, yachitac ga'me yoĝoqui lae't jo'ne qa' 'me alabastro, najaqachigui ga'me yoĝoqui jo'ne davioĝon.

La'aqtaqa Ñim Lo'onatac 'Enauacna 2013

³⁷ nache huo'o aso 'alo maye qauem da na'aqtaguec maye hueta'a nataqa'en yi'iye qanayeeta'a. Asomaye co'ollaq ỹaỹaten da So Jesús deque'etac hueta'a ca lma' so Simón. Nache ỹacona aso laỹe' na coraxat maye ỹataqta no'on, nache taỹa ca hueta'a Somaye.

Lucas 7:37 Iomraidhean Croise

Mateo 21:31

Qaq ¿chaq négue't se'esoua dos ñalqa cam i'ot da 'eetapeguec so lta'a? Nachi somayipi 'enapeco': –Qomyi som hua'auchiguiñi. Nachi so Jesús 'enapeco': –Ÿoqta 'eesa de'eda qami' sa'axatema da nam ÿacootapeeguet ana nshiitenaqte ca nta'a qataq anam quishiguetaxaipi, namayipi l'auaxanec da inoxoneu'a da l'onataxanaxac ñi Dios da ilo'ogue 'enauacna.

Lucas 18:13

Qaq som ÿacootapeeguet ana nshiitenaqte ca nta'a, qalaq nachi qaÿata'a ca hueta'a, qataq sa ishit da ÿamato'ot na piguem. Chaqdata da iuaxaalec ana ltogue, nachi 'eeta': “¡'Am ita'a Dios, aÿim 'auchoxoden qome, cha'ayi aÿim huo'oi naua sasouaxa't!”

Lucas 19:7

Qaq co'ollaq qaÿauaachigui de'eda, nachi qanayictega, qoÿiita': “So Jesús qachi tau'a yi lma' so qauemaic ÿale.”

Lucas 5:30

Qalaxayi nam fariseopi qataq na laÿipi mayi dapaxaguenataxaatapeguec na nqataxacpi nachi quetapeguelguete soua nale't so Jesús. Nachi 'eetegalo, 'eeta': –¿Tá'ainco' qami' yi qadqui'axauai nam 'itaxaloxoicpi qataq nam ÿacootapeeguet ana nshiitenaqte ca nta'a?

Lucas 5:32

Aÿim sa ishit da ñanac da seÿaxana ca no'on shiÿaxaua, chaqcata ca 'itaxaloxoic da yaqto' ca'aisalo naua n'onataxaco.

Lucas 7:34

Ime, qataq anac na shiÿaxaua llalec mayi chictac na no'on nallic qataq nÿomtac, nachi qami' qoñiÿapec da qui'axaic qataq nÿomaxaic qataq nauochaxaua na 'itaxaloxoicpi qataq nam ÿacootapeeguet ana nshiitenaqte ca nta'a.

Lucas 7:36

Qaq huo'o som 'oonolec na fariseopi 'enapega so Jesús da lqui'axaua. Nachi so Jesús jec, taÿa ca lma' somayi. Qaq co'ollaq mashi ivi', nachi nso'ooñi, datatalec ca nqui'axala'.

Juan 11:2

Qaq asa'aso María, mayi lqaÿa so Lázaro som sa no'on, nachaso asom icodelguete co'ollaxa naua lapia'te so Jesús so codaxat, nachi deÿoxona na laue.

Juan 9:24

Nachi na judiopi qaltaq ÿi'iguelaxalec da iÿaxaneuga so shiÿaxaua mayi qanamaic co'ollaxa. Nachi qoÿiitega, qoÿiita': –Nagui qomi' ÿauaachiguilo ñi Dios, ña qomi' 'au'aqtaxaatema, cha'ayi qomi' saÿajnaqta da se'eso shiÿaxaua, somayi 'itaxaloxoic.

Juan 9:31

Qomi' saÿajnaqta da ñi Dios sa ishit da hua'axaÿa na 'itaxaloxoicpi; chaqnata nam ÿi'oxodeetac qataq i'ot cam 'eetapeguec ñimayi, qaq nachina na hua'axaÿa.

Romanos 5:8

Qalaxayi da ÿoqta ichoxot da ñi Dios qomi' ÿauoteque 'eeta': So Cristo qomi' ileualguete naq'en, nai'ctaxa da qomi' ñaq souaqtaigui da qayi'itaxaloxo.

1 Timoteo 1:15

Qaq de'eda ÿataqta 'eesa, sa ishit da qaÿoqolguet, cha'ayi so Cristo Jesús naÿa ana 'alhua da nca'alaxateec na shiÿaxauapi 'itaxaloxoicpi. Qaq aÿim, mayi aÿim ÿacteec da aÿim 'itaxaloxoic.

1 Timoteo 1:9

Cha'ayi mashi qaÿaÿateeta da sa ishit da qai'ot na nqataxacpi da nmit ca shiÿaxaua da ÿataqta no'on. Chaqcata ca shiÿaxaua da sa i'ot na nqataxacpi, qataq sa ÿalaq, qataq qauemaic, 'itaxaloxoic, sa iyacnapec ñi Dios nataq'en da n'amqajnataxanaxac, qataq ca ÿalauat ca lta'a, huo'otaq aca late'e, huo'otaq camachicague't shiÿaxaua.

1 Pedro 4:18

Cha'ayi nam no'on da lataxac da ÿataqta huo'o da lqalaic da qanca'alaxateec, qaq ¿chaq huá'ague ca 'eetec ca lataxac na qauemaicpi qataq 'itaxaloxoicpi?