Lucas 6:35 - Nuevo Testamento Toba Sur

³⁵ Qalaxayi qami' ÿataqta qauauochiic ca qami' ipa'agueeta'pe, qataq qauaÿamaxachiita ca shiÿaxaua, qataq qau'aalaxanaxañi. Qalaxayi sa ishit da chochi huo'o ca qanaquichiita'a. Qaq yaqto' ÿataqta lta'adaic ca qanshiitenaguiiqui, qataq ÿataqta qami' llalqa ñim Dios mayi 'amaqtaqaic. Cha'ayi ñimayi ÿataqta choxonnataxanaxaic, ichoxoden nam 'agaqaicpi qataq nam qauemaicpi.

Nuevo Testamento Toba Sombrero Negro

³⁵ Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

La'aqtaqa Ñim Lo'onatac 'Enauacna 2013

³⁵ Qalaxaye qami' ỹataqta qauauochec ca qami' ipa'agueeta'ape, qataq qauaỹamaxacheeta qataq da huo'o ca qaua'aalaxanaxañic qalaq saishet da qauacheeta'a da qami' isheete'n. Cha'aye da nache qoñiitec de'era, nache Ñim Lo'onatac 'Enauacna maye 'amaqtaqaic qami' ỹanema ca qansheetenaguiiqui qataq ỹataqta qami' llalqa. Ñimaye ỹataqta choxonnataxanaxaic, ichoxoren na shiỹaxauapi maye qauem da lataxac qataq sa nmanapec.

Lucas 6:35 Iomraidhean Croise

Mateo 5:9

Qataq ÿataqta machiguiñi qome nam huetapec da yaqto' huo'o ca nlagaxayic, cha'ayi ñi Dios ÿamata'ac qome da ÿataqta llalaqpi.

Marcos 5:7

Nachi ÿataqta nlamaxaden da 'enapega, 'eeta': –¿Tá'ainco' yi aÿim 'atapegueu'a, 'am Jesús, mayi 'am llalec ñi Dios mayi 'amaqtaqaic? Ñi Dios aÿim ÿauaachigui da 'am ñachoxodeetot da sa ishit qome da 'auauo'o ca ñique'ejnaxac.

Lucas 1:32

Camayi ÿataqta 'amaqtaqaic, qataq qaÿamata'ac qome da llalec ñim Dios mayi 'amaqtaqaic. Qaq ñi qadataxala' Dios ÿanagui qome camayi da nta'a, 'eeta'am som hua'au lta'a l'enaxat David,

Lucas 6:36

Qaq ÿataqta qami' choxonnataxanaxaiqa qome, qaq yi qoñiita'am ñi qadta'a ÿataqta choxonnataxanaxaic.

Juan 13:35

Qaq da ñi 'oonolec da qoñiita ÿataqta ÿauotec ca lÿa, nachi 'enauac qome na huetalec ana 'alhua ÿaÿaten da ÿataqta 'eesa da qami' ÿapaxaguenataqa.

Juan 15:8

Ñi ita'a huo'o da ñi'oxonnataguec da huo'otaq ÿataqta qalota da alaÿaxac da qoñiita, nachi qami' ishit da ÿataqta qaviyiÿa'a da qami' ÿapaxaguenataqa.

Hechos 14:17

Qalaxayi ñaqaiyita ñimayi ÿataqta qomi' nachaxaatalo, da qomi' i'oteque da ÿaÿamaqchiguiñi, da qomi' namaxalo na auot, qataq 'onaxaic naq'en na qodanguishic, qataq sa qoue naq'en na qonoq, da yaqto' samaqchiguiñi.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

2 Timoteo 3:2

Cha'ayi da n'onataxac na shiÿaxauapi 'eeta': maichi nauojla't, qataq quetague' da lqopitaxanaqtaic ana plata, qataq ñi'oxonnaxaic, qataq 'otanaxanaxaic. Namayipi sa iyacnapec ñi Dios, qataq sa ÿalaxalguete caua lta'al, qataq 'agaqaic, qataq qaica naq'en ca 'enec da n'amqajnataxanaxac.