Lucas 6:26 - Nuevo Testamento Toba Sur

²⁶ Qataq choxodaxasodo' qami' qom no'on 'enauac da qan'aqtaguiiqui, cha'ayi nachida da 'eetec som hua'au lta'alpi namayipi, som tenataxanaxaicpi mayi 'enapec da l'aqtaxanaxanec ñi Dios.

Nuevo Testamento Toba Sombrero Negro

²⁶ “¡Degueja qomle da'me lachoĝode'j gaa'me jo'ne qoyi'yoĝode'tape, qa'a nach'eda naq'aeta da'me yauote dia'me chiyoĝogueta 'me let'alpi jena'me jenjo' jiyaĝadipi yi'yoĝode'tape dia'me pecayaqa jo'ne eetapela'ajalo Dios 'laqataĝanaĝanaqa joca'li!

La'aqtaqa Ñim Lo'onatac 'Enauacna 2013

²⁶ ¡Ỹataqta qauem da qa'aita'ague qami' maye, nache 'eetai' da qami' qaỹo'oxoreeta'ape! Cha'aye soua qaỹoqteguelo vi'iye so qaralamaxache qarhuo'oi le'ecpi nataqa'en ỹo'oxoreetac co'ollaxa so na'aqtaxanaxanecpi maye tenataxanaxaicpi.

Lucas 6:26 Iomraidhean Croise

Mateo 7:15

Qavichiÿa'aguet qome nam tenataxanaxaicpi mayi 'eetega da l'aqtaxanaxanecpi ñi Dios. Namayipi qami' naÿalo, nachi ÿataqta i'enaxat da lataxac ana qagueta, qalaxayi na pa'atauo 'eeta'am da lataxac na shiguiÿac mayi dequi'iÿapec.

Lucas 6:25

Nataq'en choxodaxasodo' qami' mayi sa ishit da qauqouachi nagui, cha'ayi huo'o qome na qadqouaqai. Qataq choxodaxasodo' qami' mayi qauaÿalliguiyiitac nagui, cha'ayi ÿataqta qanoÿiñiitapeguem qome da qadaquicoqoi.

Juan 15:19

Qami' da huo'otaq qami' lashi' ana 'alhua, nachi nam shiÿaxauapi mayi huetalec ana 'alhua, namayipi ishit da qami' ÿauoteque, 'eeta'am da 'eetec da ÿauotec nam lalamaxatpi. Qalaxayi aÿim qami' llica'agui'shi, qami' sachigoxottoiguilo nam huetalec ana 'alhua. Qaq ÿoqo'oyi namayipi ÿataqta qami' nquiÿalo, cha'ayi qami' sa ishit da qami' lashi' ana 'alhua.

Juan 7:7

Nam shiÿaxauapi mayi huetalec ana 'alhua, namayipi sa ishit da qami' nquiÿalo. Aÿim, qalaxayi ÿataqta aÿim nquiÿa, cha'ayi aÿim ÿataqta sa'axattem namayipi da naua i'otta'pe naamayi sa ÿaÿamaxayiñi.

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.